Мицкоски: Очекувам инфлацијата да биде под 3 проценти, во рамки на проектираното - Канал 5

Економија

Мицкоски: Очекувам инфлацијата да биде под 3 проценти, во рамки на проектираното

Премиерот Христијан Мицкоски очекува инфалцијата во наредните месеци да биде под 3 проценти,  а таков износ очекува и за годишната инфалција, како што изјави денеска, во рамки на проекциите.

Мицкоски: Очекувам инфлацијата да биде под 3 проценти, во рамки на проектираното

- Во делот на храната мината година имаше божикна, јануарска кошничка и така ќе биде и во април. Ценам дека ќе се движиме во рамки на проекцијата под 3 проценти за годишната инфлација. Кога ќе ја споредиме стапката, горе доле е иста како во регионот, освен во соседна Србија, каде што е 2,2 - 2,3 проценти поради тоа што тие ја имаат онаа мерка со ограничување на цените на производите. Во првиот момент кога ќе ја напуштат таа мерка, тогаш сето ова ќе се нивелира, ние го видовме тоа една година пред тие да го имплементираат и затоа се одлучивме преку други механизми да се бориме со инфлацијата. Што се однесува до другите месеци, очекувам да биде од 3 проценти, рече Мицкоски во одговор на новинарско прашање во однос на податоците инфлацијата во јануари кога на годишно ниво изнесува 3,2 проценти, со месечен пад од 0,7 проценти, но со зголемување во делот кај храната за 5,2 проценти.

Премиерот дополни дека има многу држави каде што инфлацијата е многу поголема од таа кај нас, како Романија каде инфлацијата е 9,8 проценти, Турција каде е двоцифрена, преку 30 проценти, соседна Бугарија, Хрватска, итн...

- Јас очекувам инфлацијата кај нас годинава да биде под 3 проценти односно во рамки на проекциите, рече Мицкоски, по обраќањето на годишната конференција „Формализација на неформалната економија: Преку соработка до успех“.

Проекциите на Министерството за финанси, посочи ресорната министерка Гордана Димитреска Кочоска, остануваат исти, и веќе има стабилизирање на состојбите.

- Ние си имаме причини поради кои сме ги проектирале работите, а за справувањето најсооветно ќе одговори Народната банка која презема одредени мерки и токму како резултат на тоа денес има намалување на инфалцијата. Секако, се следат состојбите, но како Министерство за финансии не би можеле да додадеме нешто повеќе бидејќи не сме тие кои предлагаат мерки, рече Димитриеска Кочоска.

Прашана за високиот износ на инфалцијата кај храната, посочи дека по растот на платите и цените сега е дојден момент кога треба да се стаблизираат.

- Стаблизирањето никогаш не оди преку ноќ. Уште кога почна инфлацијата, како опозиција во тој период зборувавме дека треба да се најдат начини како да се стабилизираат цените, а не да се оди само на побрзо зголемување на платите со цел да се покријат тие цени. Тоа беше моментална состојба во тој период, имаше надворешни фактори - висока цена на струја, ситуација после ковид, конфликт Украина и Русија. Тогаш зборувавме преземете мерки, често зборував да се користат стоковите резерви, се што може да се направи, претходната Влада не ги спречи. Сега вие кога ќе ги научите фирмите дека за нивниот производ со повисока цена има продажба многу е тешко да ги вратите назад. И таа навика сега треба да ја враќаме назад и да ги одвикнуваме и тоа се случува но тоа не оди така едноставно. А храната е секогаш затоа што е најбарана, рече Димитриеска Кочоска.

Работиме, потенцира министерката, максимално на сите предизвици и оваа Влада покажа многу резултати, не се случува инфалцијата да биде како што отиде претходно. Мора да се согласиме и дека на светско ниво има голема нестабилност со различни одлуки, дали било за царини, дали некоја земја ќе нападне друга. Тоа може да биде причина за инфлација, но кај нас состојбите се стабилизраат, што е јасен показател дека напротив оваа Влада многу се грижи за состојбите, но не можете преку ноќ тоа да го намалите. Да оставиме институциите кои се надлежни за инфлацијата да работат на тоа, порача Димитриеска Кочоска.

Во обраќањето на конференцијата Мицкоски се осврна на состојбата со цените во маркетите и најави дека ќе се продолжи со: засилен мониторинг на цените на основните прехранбени производи; анализа на трговските маржи; координација со надлежните институции за спречување на евентуални злоупотреби; дијалог со трговците и производителите за стабилизирање на пазарот. - Нашата политика е јасна: стабилни јавни финансии и заштитен животен стандард, рече премиерот Мицкоски.

Како Влада, посочи дека, ја споделуваат загриженоста на граѓаните. - Глобалните движења, енергетските шокови и нестабилностите влијаат врз пазарите. Но тоа не смее да биде алиби за неоправданите маржи и прекумерни профити на грбот на граѓаните. Пазарната економија значи слобода на трговија, но не значи без контрола. Конкуренцијата мора да биде фер. Потрошувачот мора да биде заштитен, порача Мицкоски.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кетрин Зета-Џонс: Бракот со Даглас ќе пропаднеше ако престаневме да работиме

Кетрин Зета Џонс (56) откри дека нејзиниот брак со Мајкл Даглас (81) е успешен веќе 26 години. Клучот, тврди, е што времето го поминуваат одделно, посветено на кариерата. 

Кетрин Зета-Џонс: Бракот со Даглас ќе пропаднеше ако престаневме да работиме

Холивудската двојка се заљубила пред речиси три децении, а Даглас наводно и рекол на првата средба: „Јас ќе бидам татко на твоите деца“.

Двојката која има две деца Дилан (26) и Керис (23) исто така помина низ тешки времиња. Тие накратко се разделија во 2013 година, кога на Даглас му беше дијагностициран рак на грлото, а Зета-Џонс се справуваше со биполарно растројство. Набрзо се смириле, а актерката за „The Sunday Times Culture“ објаснила како опстанала нивната врска.

„Мајкл ми вели: „Прифати ја работата, супер е“. Потоа може да лета и да ме посети. Многу е подобро отколку да се разбудите со прашањето: „Што сакаш за појадок, душо?“ Мислам дека нашиот брак немаше да опстане ако изгледаше така“, рече таа.

Посветеност на работата и семејниот живот

Додека Даглас се повлече од актерството во 2022 година по речиси 60-годишна кариера и рече дека ќе се врати само за „специјална“ улога, Зета-Џонс продолжува да работи. По успехот на серијата на Нетфликс „ Wednesday“, нејзиниот следен проект е главната улога во серијата „Kill Jackie“. Кога не снимаат, парот живее во Њујорк, каде што се преселиле откако живееле на Бермуди десет години.

Нивните деца, Дилан и Керис, исто така градат актерска кариера по завршувањето на факултетот. „Тие се обидуваат. Мора да ја следите вашата страст“, ​​рече Зета-Џонс.

Театарско деби на ќерката Керис

Керис, која дипломираше на Универзитетот Браун минатата година, дебитираше во театарот во Њујорк во јули. Таа глумеше во претставата на Чехов „Галеб“, која беше одиграна на крајот на јуни во Бруклин, а видеото од нејзиниот настап стана вирално на социјалните мрежи.

Семејна пријателка потврди дека нејзините родители се „многу горди“ на нејзиниот успех. Самата Керис зборуваше за списанието „People“ за нејзината желба да продолжи да глуми. „Пораснав во театар. Не студирав глума, но среќна сум што сум во креативна средина и се надевам дека ќе продолжам по тој пат“, вели таа.

Во 2018 година, таа го опиша растењето со познати родители за „Town & Country“: „Ме држат приземјена и ме потсетуваат: „Погледни околу себе. Животот што го имаш е извонреден“.

Извор: Индекс.хр

Тагови: Кетрин Зета-Џонс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Објавена е листа на 10-те најдобри европски дестинации за есен

Европа нуди долга и разновидна есен, со пејзажи кои се движат од планински долини и шуми до лозја, од кои сите добиваат препознатливи сезонски бои.

Објавена е листа на 10-те најдобри европски дестинации за есен

Европа може да биде навистина убава за време на есента, па затоа е објавена листа од десет европски дестинации во кои навистина може да се ужива по летото.

10 европски дестинации за посета за време на есента:

1. Езерото Блед, Словенија

2. Баварските Алпи, Германија

3. Езерскиот округ, Англија

4. Трансилванија, Романија

5. Пертшир, Шкотска

6. Доломити, Италија

7. Долина на Лоара, Франција

8. Лапонија, Финска

9. Долина Дуро, Португалија

10. Национален парк Плитвички Езера, Хрватска

Извор: Индекс.хр

Тагови: Европа есен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Брод нападнат во близина на оманскиот брег, морнар исчезнат

Индија соопшти дека 13 членови на екипажот се спасени, додека едно лице сè уште се води како исчезнато по нападот врз брод во близина на оманскиот брег во Ормузскиот теснец.

Брод нападнат во близина на оманскиот брег, морнар исчезнат

Осудувајќи го нападот врз трговскиот брод МТ Ел Гаја, индиското министерство за надворешни работи соопшти дека 14 индиски членови на екипажот биле на бродот во времето на нападот, а еден сè уште се води како исчезнат.

„Нашата амбасада во Оман внимателно ја следи ситуацијата и проактивно се координира со оманските власти во тековната операција за пребарување и спасување. Им благодариме на оманските власти за нивната поддршка во спасувањето на нашите државјани“, соопшти министерството.

Повикувајќи на „итна деескалација и дијалог и дипломатија за да се донесе мир во регионот“, Њу Делхи рече дека „таргетирањето на трговските бродови, морнарите, цивилите и цивилната инфраструктура во регионот е неприфатливо“.

Ситуацијата во теснецот не се смирува

„Исто така, повикуваме на итно враќање на слободната и безбедна пловидба и протокот на трговија преку меѓународните водни патишта во регионот“, соопшти министерството.

Британскиот орган за поморски трговски операции (UKMTO) соопшти рано во неделата дека брод што минувал низ Ормускиот теснец бил погоден од неидентификувана муниција.

Во соопштението објавено на интернет се вели дека нема достапни информации за состојбата на екипажот, обемот на штетата или потенцијалното влијание на бродот врз околната средина.

Поморскиот орган соопшти дека е во тек истрага и им советува на бродовите да продолжат да пловат со претпазливост и да пријавуваат каква било сомнителна активност.

Сообраќајот низ критичниот Ормуски теснец останува далеку под нивоата забележани пред почетокот на војната меѓу САД и Иран во февруари оваа година, поради тековните безбедносни ризици и нападите врз трговски бродови што минуваат низ регионалните води.

Извор: Индекс.хр

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер