МакедонијаМицкоски:Очекувам европратениците да усвојат Резолуција за посебноста на македонскиот јазик-Очекувам европратениците едногласно да ја усвојат Резолуцијата за посебноста на македонскиот идентитет и јазик. За прв пат пред европратениците ќе се најде извештај во кој во неколку наврати се споменува многувековниот, посебен македонски идентитет и јазик. Бидејќи, често пати е повторувано дека тоа не е проблем, често пати е повторувано дека тоа не е пречка за никого, очекувам европратениците едногласно да го усвојат овој извештај во кој што се потврдува посебниот многувековен македонски идентитет и посебниот македонски јазик, којшто е дел од официјалните јазици на ОН и меѓународно признат и е кодифициран во 1977 година, а неговата кодификација е завршена во 1945 година и оваа година славевме 80 години од неговото кодифицирање, изјави премиерот Христијан Мицкоски во одговор на новинарско прашање за очекувањата од претстојното јулско гласање за оваа резолуција во Европарламентот. Како што истакна премерот, не гледа никаква пречка ако навистина сите во државата се едногласни и тоа не бил никаков проблем. -За жал, морам да кажам, дека повторно од Исток стигнуваат поинакви коментари и гласови, но да видиме како оваа целата работа ќе заврши. Јас зборував за единство, не така одамна од сега, кога го чествуваме Денот на Светити Кирил и Методиј, и тогаш кога повикував на единство мислев токму на ваков тип на единство, настрана од нашите дневни политики, настрана од нашите дневни политички разлики. Ги повикувам сите политички чинители во државата да се обединат и да почнат од денес да вртат на своите сестрински партии, кои имаат европратеници во Европскиот парламент. Знам дека опозициската СДСМ е дел од едно такво семејство и ги повикувам уште денес да почнат да вртат до своите сестрински партии. Истото и важи и за ЛДП, а ние денес како политичка партија ќе имаме ИК и на него ќе подготвиме стратегија како ВМРО - ДПМНЕ на лице место ќе испрати луѓе кои ќе бидат таму, во Брисел, за да продолжат да разговараат со европратениците и потребата од носењето на оваа резолуција, ќе повторам со којашто се признава посебниот многувековен македонски идентитет и посебниот меѓународно признат и верифициран македонски јазик, додаде Мицкоски во одговорот. Подвлече дека оваа Резолуција не е дојдена туку-така, бидејќи е плод на работа што се случувала изминатите повеќе од 10-11 месеци, речиси една година. -Уште еднаш сакам да потенцирам дека посебниот македонски јазик е факт и секој оној што ги негира и одбива да ја прифати оваа реалност е анти НАТО и анти ЕУ. Така што, било кој што ова не го прифаќа од земјите членки и било кој европратеник кој нема да гласа во насока на прифаќање на оваа Резолуција е анти ЕУ пред се и е спротивно од европските вредности дефинирани од Аденауер, Шуман и Де Гаспери многу одамна, подвлече македонскиот премиер во одговор на новинарско прашпање на денешната прес конференција на која беа претставени мерките од Оперативниот план за вработување за 2025 година. Додаде дека медиумите кај нашиот источен сосед избројале дека четири пати во Извештајот се спомнува многувековниот посебен македонски идентитет и јазик. Инаку, расправата за Резолуцијата во Европскиот парламент е закажана за 4 јуни, а гласањето би требало да биде во јули.Тагови: Христијан Мицкоски Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
Шоу бизФото: Сидни Свини никогаш по провокативна Жежок спектакл со една од најубавите жани во Холивуд, актерката Сидни Свини.Русокосата убавица се појави во десега најпровокативното издание. Сидни Свини ја пречекува празничната сезона во мошне провокативно издание, кое повторно е дел од нејзината најнова колекција. Актерката Сидни Свини позира облечена само во бела чипкана долна облека за новата кампања на нејзиниот бренд „Syrn“. Фотографиите, инспирирани од зимската магија, беа објавени како дел од серија фотографии на Инстаграм-профилот на нејзиниот бренд. Сидни позираше пред снежна позадина, седејќи на црвен сатенски огртач со крзнени детали. Таа носи градник со прерамки околу вратот и соодветни гаќички со низок струк и исечоциа. Ова не е прва празнична колекција, но Сидни не сака да губи време. „Првите снегулки во сезоната-заводничка“, стои во описот на објавата.Тагови: Сидни Свини Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ЗабаваФото: Фатална српска пејачка во теретана: Утринско растегнување!!Најфаталната Србинка го запали интернетот! Се појави „жежок“ материјал од атрактивната пејачка Теодора Џеферовиќ – неверојатно е што прави оваа жена во теретана.Сексапилната пејачка Теодора Џехверовиќ покажа како го започнува својот ден, а сцената од теретаната го привлече вниманието на нејзините следбеници. Теодора очигледно не ги пропушта тренинзите, дури и кога станува збор за раните утрински часови. На својот профил на Инстаграм таа објави видео од теретаната, на кое се гледа како напорно работи на својата форма и се посветува на вежбањето. Таа носеше кафеав спортски комплет, составен од краток топ и тесен шорц, а вежбите ги изведуваше боса, во бели чорапи, со помош на спортски подлоги. Покрај објавата, таа накратко напиша „Утринско растегнување“, придружено со емотикон на жена која медитира. Пејачката уште еднаш покажа дека физичката активност е важен дел од нејзиното секојдневие, а судејќи според видеото, таа го започнува денот со вежбање и грижа за својот изглед и физичка подготвеност. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
ТехнологијаВселенско летало по осум години стигна до Меркур Вселенското летало „БепиКоломбо“ (BepiColombo) – заедничка европско-јапонска вселенска мисија – пристигна кај Меркур по патување кое траеше повеќе од осум години и сега е подготвено да влезе во неговата орбита, пренесува „Гардијан“. Мисијата „БепиКоломбо“ ќе стане втората во историјата што ќе орбитира околу оваа планета – најмалата во Сончевиот Систем – при што се планира мапирање на нејзината површина и проучување на нејзината внатрешност. Целта на оваа мисија, вредна 1,6 милијарди евра, е да се утврди како Меркур се формирал толку блиску до Сонцето, зошто поседува магнетно поле, како и каков е составот на мразот скриен во кратерите на планетата кои се постојано во сенка. Професорката Ема Банс од Универзитетот во Лестер, која работи на проектот веќе 20 години и е главен истражувач за инструментот „Спектрометар за рендгенско снимање на Меркур“ (MIXS) – дизајниран за анализа на геохемискиот состав на површината на планетата – ја опиша мисијата како „многу сложена и предизвикувачка“, на чија реализација се чекало долго време. По влегувањето во орбитата на Меркур, MIXS ќе го анализира геохемискиот состав на површината на планетата; сепак, се очекува да поминат неколку месеци пред научниците да можат да започнат со набљудување на Меркур. На почетокот на декември, вселенското летало ќе се раздели на две орбитални единици – една европска и една јапонска – кои ќе маневрираат во посебни поларни орбити околу планетата. Научните операции се планирани да започнат во април следната година. Европската сонда, „Орбитер за планетата Меркур“ (MPO), ќе ја мапира површината и составот на планетата во висока резолуција, истовремено проучувајќи ја внатрешноста на Меркур за да фрли светлина врз неговото необично големо јадро. Нејзиниот јапонски пандан ќе го мери магнетното поле на планетата и нејзината натриумова егзосфера – исклучително тенок слој од гас и атоми што ја опкружува планетата. Иако Меркур е само 50 проценти поголем од Месечината, тој има четири пати поголема маса; едно од прашањата што мисијата ќе ги истражува е потеклото на оваа извонредно висока густина. Се очекува вселенските летала да кружат околу Меркур приближно три години, по што ќе останат без гориво, ќе изгубат височина и на крајот ќе удрат во површината.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter