Мицкоски: Очекувам до крајот на 2024 странски директни инвестиции од над 1 милијарда евра

Очекувам до крајот на годината да се надмине историско највисокото ниво на странски директни инвестиции во државата од над 1 милијарда евра, напиша на својот профил на фејсбук, премиерот Христијан Мицкоски. 

[📈] Денешните податоци покажуваат дека странските директни инвестиции (СДИ) во Македонија во периодот јануари-септември достигнаа 838,2 милиони евра, што е зголемување од 348,4 милиони евра во однос на истиот период минатата година и рекорд во изминативе дваесет години.

Мандатот го започнавме со договори за странски инвестиции од над 650 милиони евра. Ќе продолжиме да работиме за раст на стандардот и благосостојба на сите граѓани.

[✅️] Работиме Македонија да биде повторно ваша и повторно горда!

Заедно за работа која носи дела!, стои во објавата на Мицкоски.

РФМ ќе поднесе жалба за судењето на мечот со Холандија

Генералниот секретар на Ракометната федерација на Македонија, Филип Милошевски, најави дека РФМ ќе поднесе жалба до ИХФ за делењето на правдата на средбата со Холандија.

-За 12 години во ракомет не сум видел натпревар со повеќе пенали, повеќе украдени топки, повеќе искалкулирани фаули. Во превод… дробење. Досега ретко сме се жалеле, може двапати до сега, ама ова беше под секое спортско достоинство. РФМ ќе поднесе жалба, но без оглед на резултатот, Македонија победи, напиша Милошевски на Фејсбук./МИА

Итно предупредување до странците, откако над 30 луѓе во Истанбул починаа од ракија со метанол

Холандското Министерство за надворешни работи ги предупреди своите граѓани да избегнуваат пиење алкохолни пијалоци во Турција.

Холандското Министерство за надворешни работи ги предупреди своите граѓани да избегнуваат пиење алкохолни пијалоци во Турција, откако оваа недела беше објавено дека 33 лица починале, а десетици се хоспитализирани во Истанбул, откако конзумирале фалсификуван алкохол загаден со метанол.

Како што објави NL Times, меѓу жртвите има и странски државјани, а не е познато дали меѓу нив има и холандски државјани, бидејќи Министерството не добило никакви барања за помош.

Според Министерството, лицата починале откако испиле алкохол кој бил загаден со метанол, што го засилува дејството на пијалокот. Министерството ги предупреди граѓаните да купуваат алкохолни пијалоци само во официјални продавници каде е дозволена продажба на алкохол.

"Внимателно проверете дали шишињата се затворени. Одете само во доверливи барови и ресторани. Не пијте домашен дестилиран алкохол, на пример, на улица или во нечија куќа. Секогаш внимавајте со храната и пијалоците", се додава во соопштението.

Во Истанбул 33 лица починаа, а 48 се хоспитализирани, од кои 32 се на интензивна нега, откако конзумирале фалсификуван алкохол, јави вчера Anadolu Agency.

Надлежните соопштија дека од почетокот на годинава вкупно 34 лица починале од ефектите на нелегално произведениот алкохол кој содржел метанол.

Според податоците од најновата студија објавена во Турција, во нелегално произведениот алкохол наместо етанол често се додава метанол, бидејќи е поевтин и може да предизвика слепило, оштетување на црниот дроб и смрт.

Четири лица, осомничени дека го продавале алкохолот се уапсени под обвинение за убиство. Од 1 јануари досега во Истанбул се запленети 29 тони нелегален алкохол, а 64 компании кои продаваат таков алкохол ги загубиле лиценците.

Холанѓаните се жалат: Моравме да избегаме од теренот по натпреварот со Македонија

Ракометната репрезентација на Холандија ја совлада Македонија со 37:32 во второто коло на Светското првенство.

Натпреварот се одигра во Вараждин, а заврши во хаос, пренесе Индекс. Македонците незадоволни од резултатот и дел од судиските одлуки го гаѓаа теренот со предмети. Холанѓаните мораа да побегнат.

"Тоа беше голема драма, многу тесна игра. Холанѓаните секогаш беа чекор понапред од Македонците. Заврши во хаос, последните минути завршија со фрлање предмети на теренот. Македонските навивачи ги избркаа Холанѓаните од теренот. “, објави новинарот на ТВ2, Сорен Ридц.

„Човече, почнаа се да нѐ гаѓаат. Никогаш не сум доживеал вакво нешто. Очигледно е така на Балканот. Во еден момент кога требаше да ја исфрлам топката, тие полеаа вода на голот. Апсолутно лудо! Ова нема врска со ракометот. Но, понекогаш е така“, изјави холандскиот голман Матијас Рекс по натпреварот.

притисни ентер