Македонија

Мицкоски објави дел од кандидатите и програмата на ВМРО-ДПМНЕ за локалните избори

ВМРО-ДПМНЕ е опцијата која подготвува најдобра програмска и најдобра персонална понуда за кандидати за градоначалници и советници за претстојните локални избори. Тоа е гаранција за успех и нова убедлива победа на претстојните локални избори.

Тоа е резултат на нашиот долгогодишен принцип за заеднички пристап кон лоцирање и решавање на потребите на граѓаните во единиците на локалната самоуправа.
Тоа е белегот на нашата работа. Истовремено граѓаните во овие 100 дена можеа да се уверат во целокупната лицемерност и неспособност на Социјал-демократскиот сојуз и господинот Зоран Заев. За овие 100 дена граѓаните ја видоа катастрофалната пракса на Зоран Заев од работењето во Струмица, изобилува со непотизам и матни зделки кои се пресликуваат и на централно ниво. Граѓаните не сакаат тоа да го видат во својата општина и затоа убедливо ќе ја казнат штетната, противправна и деструктивна политика на Социјал-демократскиот сојуз.

ВМРО-ДПМНЕ оттука ја нуди целата своја кадровска и програмска понуда пред граѓаните. Затоа со задоволство ќе ја известам јавноста дека Централниот комитет на ВМРО-ДПМНЕ на Извршниот комитет му ги предложи следните кандидати за градоначалници:
За Град Скопје, актуелниот и досега најуспешниот градоначалник господинот Коце Трајановски. Неговите успеси и работа се видливи насекаде низ градот Скопје. Благодарение на посветената работа на господинот Коце Трајановски и тимот околу него се изградија и проширија редица булевари и улици, се подигнаа нови зелени појаси, паркови и велосипедски патеки. Се изградија две катни гаражи и дополнително се обезбедија нови паркинг места. Изградена и реконструирана водоводна мрежа од прилика 81.793 метри. Се изградија нови плоштади, а се изградија и реконструираа и детски градинки и училишта. Овие и уште стотина други проекти кои господинот Коце Трајановски ги направи во својот мандат придонесоа градот Скопје да прерасне во вистинска метропола која сега е поставена на мапата на туристички дестинации и која годишно е посетена од страна на десетици илјади странски туристи.
За општина Росоман, актуелниот градоначалник господинот Стојанче Лазов, потврден кадар кој изминатите години ја потврди поддршката на граѓаните со големиот број реализирани дела и проекти.

За општина Гази Баба, актуелниот градоначалник господинот Тони Трајковски, кој зад себе има дела, изградени се преку 82 патишта со должина од околу 98км, изградени се 11 км водоводна мрежа, изградени и реконструирани училишта, градинки, спортски сали и низа други комунални и инфраструктурни проекти за граѓаните на општина Гази Баба.

За општина Дебар, го предлагаме докторот господинот Драган Клопчески, лекар во здравствениот дом во Дебар, угледен и почитуван граѓанин од страна на сите жители на општина Дебар без разлика на нивната етничка, верска и политичка припадност.

Овие кандидати како и досега промовираните кандидати се потврда на нашиот приоритет и понатаму да работиме посветено на континуираниот развој на општините и квалитетот на живеење на граѓаните. Тие ќе бидат тимот кој ќе продолжи да гради нови улици, училишта, градинки, локални патишта, да ја подобрува комуналната услуга, да изгради нова инфраструктура и пред се да биде подобар сервис за потребите и барањата на граѓаните.
Граѓаните ги гледаат делата и врз основа на нив мудро ја даваат својата поддршка. Овие избори покрај тоа што ќе бидат избори на локалната власт истовремено ќе бидат и казна за штетната и погубна политика која Социјал-демократскиот сојуз ја почна и ја спроведува во овие сто дена, а која јасно покаже дека ја води државата во погрешен и погубен правец. Поради катастрофата која ја прави Социјал-демократскиот сојуз општините добиваат 8% помалку од средствата од ДДВ, поради катастрофата во економијата која ја прави Социјал-демократскиот сојуз се намалува просечната плата, а трошоците за живот и цените растат, поради катастрофата во економијата која ја прави Социјал-демократскиот сојуз паѓа индустриското производство, а бизнисите на господата Заеви и на Анѓушев растат. Граѓаните ќе застанат на патот на оваа катастрофа уште сега на овие локални избори и со тоа ќе навестат пад на оваа штетна влада на Социјал-демократскиот сојуз на следните брзи предвремени парламентарни избори.

Шоу биз

Сергеј Трифуновиќ се огласи прв пат по апсењето: Сега сум сосема друга личност

Српскиот актер Сергеј Трифуновиќ за првпат проговори откако на 18 април околу 20 часот беше уапсен на Вождовац во Белград.

Тој бил ослободен на 20 април, по сослушувањето во Вишото јавно обвинителство во Белград, кога му беше укинат притворот, објави Телеграф.

- Дури денес ми го вратија телефонот. Беше на вештачење кај надлежните, за да ги разоткрие другите членови на мојот нарко картел - почна Сергеј.

- Имам 6.000 пропуштени повици и пораки и би сакал да им се заблагодарам на сите за грижата и поддршката, поединечно тоа би траело со денови. Важно е да знаете дека правда постои во Србија и дека властите си ја вршат својата работа. И сега сум сосема друга личност. Преедуциран. Подобар. Спортист. Сите на избори - порача Трифуновиќ.

Сергеј, да потсетиме, бил приведен поради неколку грама недозволена дрога, што ја имал со себе при претрес.

Македонија

Битиќи: Патриотски ќе одиме кон повисоки плати и пензии, кон „Едно општество за сите“

„Ова зад мене е Спомен-костурницата, симбол на прогресивното и мултикултурно Куманово, темелот на АСНОМ-ска Македонија.“

„Градот кој во 2015 година го потресе трагедија која беше одраз на еден режим кој сакаше да ја скрши Македонија. Сеќавањата сè уште остро нè потсетуваат и опоменуваат на тие мрачни времиња кога ВМРО-ДПМНЕ ја држеше заробена државата во мрак исполнет со стравови“, вели во видео обраќање од Куманово, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.

Тој нагласува дека СДСМ седум години градеше општество на соживот, меѓусебно разбирање и почитување на различностите, притоа предупредувајќи дека „наследниците на режимот бараат повторно да се издигнат од пепелта, нивната шовинистичка политика повторно надвиснува над Македонија“.

Битиќи предупредува дека со ВМРО-ДПМНЕ и неговиот национализам постои опасност државата да се врати во периодот кога имаше поделби на етничка и религиозна основа.

„Со ВМРО-ДПМНЕ и нивниот национализам може само да се вратиме во времето кога вештачки се обидуваа да креираат поделби и раздори на етничка и религиозна основа. На овие парламентарни избори, секој глас за нив, е глас за времињата налик на тие од 11 години режим. Но наспроти нив, стоиме ние, СДСМ и Коалицијата за европска Македонија, со кои, патриотски, а не националистички, ќе одиме кон повисоки плати, повисоки пензии и пред сè, кон Едно општество за сите“, вели Битиќи, се наведува во партиското соопштение.

Македонија

Дијана Тоска од Европскиот фронт: Мораториум на новите градби во Чаир

Јас сум Дијана Тоска, магистер по меѓународни односи, директорка на Театарот за деца и младинци, поранешна учителка на нашите деца и жител на Чаир.

Денеска се кандидирам за пратеник и ја барам вашата поддршка.

На Чаир му треба промена и ова ќе го донесеме заедно.

Ја злоупотребија нашата поддршка и доверба во Чаир, многу ја злоупотребија и го доведоа во непогодна состојба за живеење, без тротоари, без паркинзи, без патишта, без нови паркови, без игралишта, без водовод и канализација, без никаква капитална инвестиција, но само со узурпација на јавни површини, згради во паркови, непотизам, корупција и злоупотреба.

Денеска ви се обраќам како кандидат за пратеник за сериозно прашање кое не засега сите нас.

Масовните градби без дозвола и без план во парковите во нашата општина, во

нашиот Чаир, не гушат.

Секоја населба на Чаир е преполна, граѓаните немаат место за паркирање, луѓето немаат каде да да се движат.

Над 30 висококатници во Чаир се изградени надвор од законот и немаат ниту имотен лист, ниту градежна дозвола.

Челниците на Чаир во овие 20 години ја злоупотребија нашата доверба, ги измамија граѓаните и инвеститорите, но и нивните соседи за лична корист.

Граѓаните, измамени од општина Чаир, со последните пари купиле станови кои немаат имотни листови и дозволи, а инвеститорите своите пари ги вложиле во објекти кои го немаат регулирано имотно-правното прашање.

Ниту граѓаните што купија станови, ниту инвеститорите што ги изградија, не се виновни,виновни се челниците на општина Чаир што ја злоупотребија нашата

доверба за лична корист и за уништувањето на нашиот Чаир.

Затоа, ние како Европски фронт и пратениците во идното Собрание, од причина што граѓаните и инвеститорите не се виновни за овој урбанистички хаос во Чаир, вчера предложивме закон за легализирање на објекти изградени без дозвола за да се спасат граѓаните и инвеститорите, а ќе бараме правна одговорност за оние кои ја дозволија ваквата состојба, челниците на општина Чаир, се наведува во партиското соопштение.

притисни ентер