Економија

Мицкоски: Немаме направено пресметка за тоа какви би биле цените на горивата од понеделник

По минатонеделниот раст на цените на нафтата на светските берзи – премиерот Хриситјан Мицкоски и денеска, одговарајќи на новинраско прашање рече дека цените се такви да сигурно ќе имаме намалување на акцизите и кај дизелот и кај бенизните

По минатонеделниот раст на цените на нафтата на светските берзи – премиерот Хриситјан Мицкоски и денеска, одговарајќи на новинраско прашање рече дека цените се такви да сигурно ќе имаме намалување на акцизите и кај дизелот и кај бенизните, но не прецизираше точно кога би се донела таквата одлука. Иако вели како Влада немаат направено пресметка за тоа какви би биле цените од понеделник, сепак согласно берзанските движења очекува зголемување и затоа вели како влада вчера ја продолжиле и кризната состојба до 20ти октомври.

Со одлуката се обезедува можност институциите брзо да реагираат при евентуални нагли ценовни скокови на берзите и ублажување на евентуални негативни последици врз буџетот на граѓаните и стопанство, но и, како што посочија од владата, се гарантира континуиран и непречен проток на енергнси во земјава...

-Нафтата и бенизните драматично пораснаа изминатава недела а и курсот на доларот е малку посилен во споредба со минатата недела ние како влада ја продолживме кризната состојба за уште три месеци, цените се такви да сигурно ќе имаме намалување на акцизите и кај дизелот и кај безоловните горива. “- Христијан Мицкоски – претседател на Влада.

Од опозициската СДСМ и денеска обвинија дека власта води лоши економски политики. Според партијата платите стагнираат, цените растат, а граѓаните велат едвај врзуваат крај со крај.

„ Платите не го пратат растот на цените на храната и горивата. Куповната моќ на граѓаните е срозена. Корпата со производи во маркет е се попразна - со исти плати, а повисоки цени, може само помалку производи да се купат. Граѓаните чекаат мерки, а Владата на Мицкоски не прави ништо. Новото поскапување на бензините ќе донесе и нови поскапи цени на веќе покачените цени на храната. “- Симона Цветановски – член на ИО на СДСМ.

Во меѓувреме на Блискиот исток ситуацијата и натаму останува тензична откако САД и Иран веќе седми ден разменуваат меѓусебни напади во заливот. Дел од економските аналитичари оценуваат дека доколку ситуацијата продолжи во оваа насока светската економија ќе се соочи со сериозни предизвици, а цената на нафтата во следните две недели би можела да стигне и до 100 долари по барел, додека веќе во септември, оценуваат дека може да има сериозен недостиг во снабдувањето, што ќе го направи проблемот со инфлацијата уште полош.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зоран Доревски во „Само интервју“

Почитувани, утре во Само Интервју гостува д-р Зоран Доревски, автор на книгата "Скопски атентат".

31 година од неуспешното убиство на Претседателот Глигоров, зошто по 3 децении не е обелоденета целосната вистина?

Книгата дава индиции и анализа на податоци - се знаат ли мотивите, нарачателот и извршителите?

Можеа ли службите да го превенираат настанот?

Што се случува во пост-атентаторска Македонија?

Утре интригантно Само Интервју со Гоце Михајлоски и Зоран Доревски веднаш по централните вести.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Неверојатна фотографија од Марс- роверот на НАСА го сними моментот на изгрејсонце

НАСА објави прекрасна слика од зората на Марс направена од нејзиниот ровер „Кјуриосити“.

Прекрасната слика од Црвената планета покажува сончева светлина што ги осветлува карпестите врвови формирани пред милијарди години, додека роверот со големина на автомобил продолжува со своето истражување на Марс, објави Psych.org.

Роверот „Кјуриосити“ слета на Марс во 2012 година во кратерот Гејл во близина на екваторот на Марс и се искачува на планината Шарп, планина висока 3,1 милји (5 км) што се издига од дното на кратерот, од 2014 година, објави Ројтерс. Сликата е направена околу еден час по изгрејсонцето со неговата камера „Масткам“ и прикажува карпи и гребени разнесени од ветерот во далечината.

- Светлите карпести врвови во далечината се од карпест слој што изгледа сосема поинаку од кој било друг слој низ кој роверот некогаш поминал. „Мислиме дека некогаш бил составен од седимент донесен од ветерот, можеби песок, или дури и пепел што бил фрлен во кратерот од блиската вулканска активност“, рече Ашвин Васавада, научник во Лабораторијата за млазен погон (JPL) на НАСА, кој е одговорен за мисијата Кјуриосити.

Откако седиментот се претворил во карпа, ветерот во текот на милиони години го обликувал површинскиот слој во гребени познати како јарданзи. Се смета дека овој слој се формирал пред околу три милијарди години и се протега околу 16 километри по северозападната страна на планината Шарп.

Васавада рече дека слојот веројатно не е дел од континуирана серија слоеви што го сочинуваат планината Шарп, туку се формирал подоцна, над геолошки дисконтинуитет, период во кој претходните слоеви еродирале пред да се наталожат нови врз нив.

Роверот се искачил повеќе од еден километар (3,2 милји) во висина за време на постепеното искачување, највисоката надморска височина што некогаш ја достигнал ровер на Марс, соопшти НАСА. Планината Шарп е составена од слоеви карпи што зачувуваат траги од различни периоди во геолошката историја на Марс. Со проучување на овие слоеви, научниците дознале повеќе за езерата и потоците што некогаш го покривале овој дел од планетата, кога Марс бил потопол и повлажен отколку што е денес.

НАСА се надева дека ќе стигне до слојот Јарданза во 2027 или 2028 година, кога нејзините инструменти детално ќе го проучат неговиот геолошки состав.

Роверот „Кјуриосити“ ја проучува геологијата и климата на Марс и се обидува да утврди дали планетата некогаш имала услови погодни за микроорганизми.

Тој е еден од двата ровери на НАСА што моментално го истражуваат Марс, додека роверот „Персеверанс“ се движи по работ на кратерот на езерото на северната хемисфера.

Васавада го опиша новиот материјал како глетка што го потсети на патување низ Долината на спомениците во американската држава Аризона, но истакна дека портокаловото небо и синкавите нијанси на изгрејсонцето јасно укажуваат дека тоа е Марс.

Тагови: марс НАСА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Владата го усвои Предлогот за измени и дополнувања на Буџетот за 2026 година

Владата денеска на седница го разгледа и усвои Предлогот за измени и дополнувања на Буџетот за 2026 година.

Со предложените измени се врши приспособување на приходната и расходната страна на Буџетот, како резултат на фискалното влијание од мерките што ги презеде Владата за поддршка на граѓаните и бизнисот, преку намалувањето на акцизата и ДДВ-то кај горивата.

Со предложените измени, вкупните приходи се проектираат на ниво од 374,2 милјарди денари, додека расходите се проектираат на 420,5 милјарди денари, при што буџетскиот дефицит се задржува на непроменето ниво.

Целта на предложените измени е да се одржи стабилноста на јавните финансии, да се обезбеди непречено и редовно функционирање на институциите, реализација на предвидените програми и навремено сервисирање на сите обврски.

Предлогот за измени и дополнувања на Буџетот ќе биде доставен до Собранието на понатамошно разгледување и усвојување, соопштуваат од Владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.