Според него постојат политички структури кои на лешинарски начин се обидуваат да соберат политички поени од трагедијата во Кочани. Вели дека редовно е информиран за текот на истрагата од министерот Тошковски, но дека не се меша во неа.

„Јас не би се вплеткал во политички реторика ниту коментар на овие политички лешинари кои се обидуваат да заштитат криминогено однесување на некои претходни официјални лица во одредени министерства. Обвинителството е тоа, потоа судовите кога ќе има обвинение. Тие се оние кои треба да го кажат последниот збор. Јас нема да се мешам во истрагата, ниту пак сум се јавил кај некој на телефон ниту сум комуницирал со некој од обвинителството затоа што да не излезе дека премиерот врши притисоци во истрагата“-– Христијан Мицкоски, претседател на Влада.

Премеирот најави дека лично ќе се сретне со родителите на загинатите и повредените од Кочани и дека членови на неговиот Кабинет се во постојана комуникација со семејствата. Вели и дека секојневно се решаваат проблеми повразни со случувањата во Кочани како што било случај и пред неколку денови кога дел од пациентите додека се враќале од лекување во Турција доживеале непријатност на аеродормот во Истанбул.

„Еве конкретно ќе ви кажам дечињата кои се враќаа пред два три дена од Анкара што имаа непријатна ситуација на аеродромот во Истанбул лично разговарав со еден од родителите со тие од најблиското опкружување и лично со претседателот Ердоган и се среди цела работа. Дечињата дојдоа тука, организиравме транспорт од аеродромот во болницата 8-ми Септември беа прифатени. Јас се што можам ќе сторам и ќе разговарам лично со родителите и на повредените и на тие што трагично ги загубија своите најмили“-– Христијан Мицкоски, претседател на Влада.

А по најавите од Ахмети дека доколку екс министерот за економија Бектеши биде обвинет за пожарот во Кочани ќе излезат на улица и ќе ги поддржат протестите на семејствата на загинатите по што ќе “немало враќање“, претседателката на држвата Сиљановска Давкова тоа го оцени како притисок врз судската власт и му порача на Ахемти дека треба да си ги мери зборовите.

„Јас за разлика од господинот Ахмети ги мерам зборовите и не сакам да се мешам во судската власт, меѓутоа сите па и господинот Ахемти многупати се повиквале на независнота на судската власт. Ваквиот говор всушност значи притисок врс судската власт. Не сакам да давам оценка на квалификацијата веројатно е момент на слабост или не сакам да речам неискреност, но верувам дека 30 години потоа, а особено по 20 години во власта ние треба да го почитуваме начелото на поделба на властите и партиите треба да се држат на страна– Гордана Сиљановска Давкова, претседателка на Македонија.

Истрагата за пожарот во Кочани, во кој загинаа 62 лица, а околу 200 беа повредени како што најави јавниот обвинител Коцесвки ќе заврши најдоцна до 17 јуни. Моментално истрагата се води за тешки дела против општата сигурност, за што осомничени се скоро 70 луѓе, но опозицијата секојдневно обвинува дека таа се води селективно, и се штитат актулени функционери во МВР и институциите..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.