Македонија располага со доволно количини на нафтени деривати, состојбата е стабилна и нема простор за паника уверува премиерот Христијан Мицкоски, потенцирајќи дека ние сме единствена земја во регионот и пошироко, во која цените на бензините изминативе денови бележат намалување. Дали мерката за намалено ДДВ од 18 на 10 %, која истекува в понеделник, ќе се продолжи или не ќе зависи од цените на нафтата на светските берзи. Мицкоски рече дека состојбата се следи и доколку има потреба викендов ќе се свика вонредна владина седница на која би се донеле нови мерки, а во игра освен ДДВто е и намалување на акцизата, доколку има потреба според најавите ќе се продолжи и кризната состојба. Владата, како што рече будно ја следи и состојабата со електричната енергија – струјата, според премиерот нема да поскапи, ЕСМ на располагање има околу 3 000 тони мазут...

„ Доколку видиме дека ќе имаме зголемување на цените на безоловниот бензин и на дизелот, тогаш апсолутно дека ќе ја продолжиме таа мерка сè додека трае кризната состојба. Ако продолжи и понатаму, ќе ја продолжиме и кризната состојба и ќе ја продолжиме повторно мерката и ако повторно ескалира, имаме уште алатки на располагање. Се разбира, акцизите, тука се и акцизите што ни стојат сè уште на располагање. Нема да има поскапување на цената на електричната енергија за граѓаните, така што целата состојба е под апсолутна контрола - рече Мицкоски. Ќе повторам, предизвици ќе има. Дневно ги решаваме...“

Доколку има потреба, според најавите од Влада ќе се носат и мерки во делот на храната, но сликата за тоа ќе биде појасна по податоците кои треба да ги објави статистика на 7 ми месецов. Мицкоски и денеска најави измени во законот за не фер трговски практики, и повтори дека во моментов 30тина тима на ДПИ се на терен, доколку е потребно како Влада ќе интервенираат. А по најавите на дел од пекарите низ земјава за поскпаување на лебот, Владата најави соодветна анализа...Лидерот на опозициската СДСМ Венко Филипче, пак и денеска обвини дека Владата нема капацитет да се справи со енергетската криза и дека цените на храната од ден во ден постојано растат...

„Имаме индикатори, имаме анализа. Имав состанок и со директорката од Комисијата за заштита на конкуренција. Го подготвуваме новиот закон во којшто се предвидени многу поголеми глоби за оние трговци коишто ќе се однесуваат девијантни и непазарно и во зависност од тоа каква ќе биде реалноста, така и ќе и ќе постапуваме....“

Утрово Мисијата на ММФ по посетата на Македонија предупреди дека енергетската криза предизвикана од војната на Блискиот Исток, може ги поремети очекувањата за растот на економијата. Нивните предвидувања се дека реалниот раст на БДП ќе забави на 3,1%, а инфлацијата ќе се зголеми на околу 4,5%

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.