Македонија

Мицкоски: Лага е дека има договор за мигранти, граѓаните да бидат спокојни

„Јавноста да биде спокојна. Сè додека е оваа влада, нелегална миграција, легална миграција, како резултат на пропаднати апликации за азил, како резултат на некакви си договори, нема да има. И тоа се гледа“.

„Јавноста да биде спокојна. Сè додека е оваа влада, нелегална миграција, легална миграција, како резултат на пропаднати апликации за азил, како резултат на некакви си договори, нема да има. И тоа се гледа“, нагласи премиерот Христијан Мицкоски како одговор на пратеничко прашање во Собранието.

„Многу пати коментиравме во јавноста дека е апсолутна лага и конструкција дека било кога сме разговарале воопшто на оваа тема во процесот за постигнување на договор за стратешко партнерство со Обединетото кралство, посочи премиерот Мицкоски, оценувајќи ја оваа тема како кампања за невистина на опозицијата за растурање на пердуви со цел да се тргне вниманието од внатрепартиските случувања во СДСМ, изборот на новиот состав на нивниот партиски Извршен Одбор.

Тоа е филозофијата и пи-ар трикот што мислат дека ќе го направат. Мислам дека тоа не е игра на краток рок, туку игра на уназадување. Ако некој пледира да биде сериозна политичка опција, тогаш треба да има и сериозни позиции, а ова не се сериозни позиции, туку политички гимнастики кои немаат апсолутно никаква врска… Еве ќе дојдат и март и април, мигранти ќе нема, ќе дојде и јуни пак ќе нема мигранти, и тогаш што ќе се прави? На следните избори наместо 18, ќе имаат 12 пратеници“, оцени Мицкоски.

Мицкоски притоа посочи и на празната сала во делот каде што треба да седи опозицијата, во која немаше пратеници, нагласувајќи дека ова е ден, седница за поставување на пратенички прашања, ден кога опозицијата треба да ја прашува владата, а пратениците кои ги чинат граѓаните меѓу две и три илјади евра месечно, пратениците од опозицијата ги нема.

Ова е сликата на македонската опозиција денеска. Да видат граѓаните кој пледира да биде влада во Македонија.

Мицкоски посочи дека и покрај стравувањето на СДСМ од предвремени избори, како одговорна Влада и мнозинство во Собранието, избори напролет нема да има, бидејќи следната година е полна со предизвици кои треба да се решаваат.

На темата „мигранти“ Мицкоски ја поздрави Резолуцијата донесена во македонското Собрание.

„Со тоа јасно и недвосмислено се става крај на оваа измислена тема мигранти, ги потврдува политиките на владата, а политиките на владата ги потврдија граѓаните на локалните избори коишто се случија пред неколку недели. Оваа влада како ретко која влада од независноста до денес, има обврска да ги штити интересите на граѓаните бидејќи има во историска смисла најголема доверба. И затоа мораме да се однесуваме одговорно колку и да имаме работа со неодговорна опозиција“, рече Мицкоски.

„Мицкоски ја искоментира и претставката пред Уставниот суд за усвоената Резолуција во Собранието поднесена од СДСМ, нарекувајќи го како „чудно“ и невидено во светот, бидејќи не станува збор за закон или подзаконски акт, туку за Резолуција.

Мислам дека местото не е таму. Местото е тука, во Парламентот. Тука се прави таа дебата, тука се бранат аргументите, тука граѓаните следат, но овие места на опозицијата се празни. И затоа кога утре ќе зборат за интересите на граѓаните, за стандардот на граѓаните, за подобра држава, граѓаните треба само оваа слика да ја видат, денес на пратенички прашања. Ова е сликата на опозицијата во македонското собрание“, одговори премиерот Христијан Мицкоски на прашање за темата за мигранти, притоа посочувајќи на празните места во Собранието а на кои ги немаше пратениците од опозицијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Казнет е возачот, кој од автомобил накитен со албански знамиња глумеше полицаец среде Скопје (ВИДЕО)

Санкциониран возачот кој со возило го попречуваше сообраќајот во центарот на Скопје, соопшти МВР.

Во врска со видеото споделено во дел од социјалните медиуми на кое се гледа како едно патничко возило на 05.10.2026 го попречува движењето на други возила во централното градско подрачје во Скопје на крстосница од ул.11-ти октомври, ул.Даме Груев и ул.Филип Втори Македонски,

денеска (07.10.2026) во СВР Скопје е повикан Н.В. сопственик на патничко возило "голф" со скопски регистарски ознаки.

Од страна на СВР Скопје кон Н.В. преземени се мерки по член 3 став 3 од Законот за безбедност на сообраќајот на патиштата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Финска го стопира проектот за дата центар на „Google“ поради влијанието врз животната средина

Финска нареди прекин на работите на две локации за центри за податоци на „Google“, додека се чекаат задолжителните проценки за влијанието врз животната средина.

Во септември, американскиот технолошки гигант најави инвестиција од 13 милијарди евра во дигиталната инфраструктура во Финска, наменета за развој на вештачка интелигенција. Компанијата го опиша проектот како своја најголема поединечна инвестиција во Европа.

Истрага за сеча на шуми

Финската надзорна агенција (LVV) во вторникот објави дека побарала од „Tuike Finland“ – компанијата што го застапува „Google“ – „веднаш, а најдоцна до 23 октомври 2026 година, да ги прекине сите подготвителни активности што значително би ја измениле животната средина“. Барањето се однесува на планираните проекти за центри за податоци во Мухос и Кајани.

Агенцијата истражува дали „Tuike Finland“ исекла стотици хектари шума на овие локации без претходно да спроведе проценка на влијанието врз животната средина. Хана Халменпа, претседателка на Финското здружение за зачувување на природата, минатата недела изјави за „AFP“ дека во рамките на исчистената површина, која надминува 300 хектари, биле исечени „природни предели што требало да бидат зачувани“.

„Tuike Finland“ мора да достави изјава и детален план за понатамошните чекори до 14 октомври. Доколку компанијата не го стори тоа, агенцијата најави можност за поведување постапка за присилно спроведување. Томи Муилу, раководител на одделот за животна средина во агенцијата „LVV“, изјави дека од локацијата веќе биле отстранети дрвја, бил отстранет површинскиот слој на почвата, биле изградени пристапни патишта и простори за складирање, а биле изменети и каналите за одводнување.

„Google“ признава пропусти

Портпаролот на „Google“, Сондре Ронандер, ги призна пропустите на компанијата. „Ги разбираме загриженостите и во овој случај не ги исполнивме нашите сопствени високи стандарди“, рече тој во изјавата за „AFP“. „Ќе ги разгледаме наодите на агенцијата „LVV“ и ќе постапиме во согласност со нивните упатства.“

Ронандер додаде дека компанијата „постапувала со добра намера“ и спровела еколошки студии и мерки. „Ја продолжуваме нашата долгорочна работа во регионот и развиваме планови за уредување на просторот и зачувување на биодиверзитетот, што вклучува садење дрвја на површина од 130 хектари во Мухос“, изјави тој.

Финската министерка за животна средина и клима, Сари Мултала, смета дека проектите на „Google“ веројатно ќе се соочат со одложувања поради прашања поврзани со проценките на влијанието врз животната средина. „Ова е сериозна работа: сите компании што работат во Финска мора да го почитуваат законот. Во овој случај, тоа не се случи“, изјави Мултала за весникот „Helsingin Sanomat“ во вторникот.

Извор: Индекс.хр

Тагови: Финска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 14 возачи и со еден е извршен службен разговор за „безобѕирно управување возило“

10 возеле без положен возачки испит.

Во текот на изминатото деноноќие, на различни локации во државата, полициски службеници лишија од слобода 13 возачи и со еден извршија службен разговор поради сторено кривично дело „безобѕирно управување возило“ по член 297-а од Кривичниот законик.

Од нив, 10 управувале возило без положен возачки испит и тоа: И.М.(25) од Скопје, 17-годишен малолетник од с.Студеничани, скопско, Ј.Б.(28) од населба Драчево, скопско, З.Н.(50) од с.Уларци, општина Чешиново Облешево, К.С.(56) од Битола, К.Р.(52) од с.Велебордо, општина Маврово-Ростуше, Д.Д.(43) од Гевгелија, Р.С.(62) од с.Врапчиште, гостиварско, 16-годишник од Кочани и Б.П.(56) од с.Дулица, Македонска Каменица, кој возел без дозвола и под дејство на алкохол. Под дејство на алкохол возеле и И.А.(47) од Куманово, како и А.К.(45) од с.Трубарево, скопско, кој имал и активна забрана за управување. Со активна мерка забрана за управување на возило возеле А.Ш.(39) од с.Обедник, демирхисарско и А.А.(32) од с.Поум, струшко. Додека, романскиот државјанин Г.М.(43) на автопатот Гевгелија - Демир Капија управувал возило со брзина од 178 километри на час на место каде максимално дозволената брзина изнесува 80 километри на час.

По целосно документирање на случаите, ќе бидат поднесени соодветни кривични пријави. Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.