Мицкоски: Инвестиција на „Алказар“, Македонија отвора ново енергетско поглавје - Канал 5

Македонија

Мицкоски: Инвестиција на „Алказар“, Македонија отвора ново енергетско поглавје

Обраќање на премиерот Мицкоски на посетата на компанијата „Алказар Енерџи“ во Општина Штип.

Мицкоски: Инвестиција на „Алказар“, Македонија отвора ново енергетско поглавје

„Добар ден и од мене.

Уште еднаш, во мое име и во името на Владата, би сакал да му се заблагодарам најпрвин на инвеститорот што ја препозна Македонија како своја дестинација за водење бизнис, би рекол успешен бизнис, и да ја искористам оваа прилика да им се заблагодарам на сите заемодаватели коишто го поддржаа овој проект, за од идеја полека но сигурно да стане реалност и денеска да можеме да зборуваме за нова инфраструктура, за нови енергетски производни капацитети од обновлива енергија, за турбини коишто ќе произведуваат електрична енергија којашто ќе придонесува позитивно во македонската економија.

Би сакал неколку реченици да кажам за инвеститорот, односно за првиот човек на „Алказар Енерџи Партнерс“, г. Даниел Калдерон.

Кога се запознавме и кога целата оваа идеја беше на хартија, односно кога сето ова започна со реализација, ние бевме штотуку избрани како нова влада. Малкумина веруваа дека денес овде ќе можеме да ја видиме целата оваа градежна механизација и сето она коешто се гради на потегот на трите општини — Радовиш, Штип и Карбинци.

Но ние верувавме. Верувавме во идејата, верувавме во амбицијата, и таа амбиција и таа идеја денеска полека но сигурно станува реалност.

Денеска гледаме десетици градежни машини, би рекол стотици градежни машини, гледаме почеток на инсталирањето на производните капацитети, на ветерниците, гледаме институции коишто партнерски работеа и докажаа дека кога партнерски се работи, позитивниот резултат е неизбежен.

Отпочнуваме инвестиција којашто на крајот, кога ќе биде целосно реализирана, ќе вреди околу половина милијарда долари. Но она коешто мене дополнително ме охрабрува е фактот што од инвеститорот слушнав дека тука ниту почнуваат, ниту завршуваат нивните планови за инвестирање во Македонија.

Напротив, тие имаат и други планови, за што ќе ја имаат поддршката од Владата, а справувањето со целокупниот институционален ризик којшто е неопходен за овие проекти да станат реалност ќе биде обврска на Владата.

Затоа ја користам оваа прилика да испратам силна порака и до инвеститорот, но и до заемодавателите, дека ние како Влада имаме врвен приоритет да поддржуваме ваков тип „гринфилд“ инвестиции, посебно инвестиции во коишто самиот инвеститор сето она коешто ќе го произведе ќе го продава на слободниот пазар и ќе придонесува позитивно во македонскиот БДП и македонската економија.

Би сакал уште неколку факти за инвестицијата. Станува збор за неколку стотици работни места, станува збор за нова патна инфраструктура во овој дел од општините низ коишто ќе поминува овој ветерен парк, станува збор за 1 терават час електрична енергија од обновливи извори, тоа е отприлика еден милион мегават-часови, нешто коешто досега е незабележано во нашата историја и нешто коешто, кога сè ова ќе биде реалност, на крајот од годината ќе претставува нето енергетски независна Македонија.

Исто така, сосема на крај, би сакал да споменам кои се идните можности и потенцијали коишто ние ги нудиме, бидејќи втората причина, како што спомена г. Калдерон, се природните ресурси со коишто располагаме, посебно ветерот.

За таа цел ќе споменам две работи, два факти коишто се многу значајни. Првата е изјавата на претседателката на Европската комисија, г-ѓа Фон дер Лајен, дадена на бизнис-форумот во 2025 година, којашто вели дека Балканот може да биде хаб преку којшто Европа ќе се снабдува со обновлива енергија.

Имајќи го предвид развојот на вештачката интелигенција, којшто е неповратен процес, проценките се дека во следните отприлика 14–15 години дополнителната потреба од енергија што Европа ќе ја има е отприлика 1.000 терават-часови електрична енергија.

Имајќи го тоа предвид, потенцијалот којшто може да го имаме ние како држава да го инвестираме во производни капацитети, а потоа да го произведеме како електрична енергија, е еднаков на 24 терават часови. Тоа можеби само како бројка не значи ништо, но кога сето тоа би се помножило со цената на електричната енергија, би зборувале за бизнис од отприлика 2 милијарди евра годишно, којшто треба да го зголеми македонскиот БДП и да придонесува позитивно во македонската економија.

Имајќи го сето ова предвид, имајќи ги предвид целите на Владата и стратешката ориентација да бидеме раскрсница во овој дел од Европа и регионот, не само од аспект на патната и железничката, туку имајќи ја предвид и енергетската инфраструктура, ние како Влада недвосмислено на врвот на нашите приоритети ја ставаме поддршката на ваков тип гринфилд инвестиции.

Како досега, така и во иднина ќе продолжиме заедно со институциите партнерски да работиме со инвеститорите, за сето она коешто претставува реална идеја да го ставиме во функција.

Им благодарам на сите коишто беа вклучени во реализацијата на овој проект, да не ги споменувам поименично, затоа што може да се случи да испуштам некое име и со тоа да направам несмасна грешка.

Затоа сакам да им се заблагодарам што беа вклучени во реализацијата на овој проект, а на инвеститорот да му посакам уште многу вака успешни проекти овде кај нас, во нашата татковина.

Благодарам и нека ни е аирлија!“

YouTube video

Тагови: Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Се урна руски бомбардер, загинаа шест члена на екипажот (ВИДЕО)

Руски стратешки бомбардер Ту-95 се урна денес за време на тренинг лет во регионот Амур на Далечниот Исток. 

Се урна руски бомбардер, загинаа шест члена на екипажот (ВИДЕО)

Шест члена на екипажот загинаа во несреќата, а еден е повреден, соопшти руското Министерство за одбрана.

Министерството објасни дека авионот паднал во ненаселена област и дека не носел муниција. Покрената е кривична постапка, а истражната комисија на Воздухопловните сили е испратена на местото на настанот. Според првите проценки, причината за несреќата е технички дефект.

Базата е клучна после украинските напади

Руските државни медиуми известуваат дека несреќата се случила во близина на селото Краснојарово, кратко по полетувањето од воздухопловната база Украина. Тоа е една од најголемите руски бази за стратешки авиони со долг дострел.

Урнатиот Ту-95, дизајниран уште во Советскиот Сојуз, е единствениот стратешки бомбардер со погон на пропелер што сè уште е во употреба, кој може да носи и нуклеарно оружје. Воздухопловната база Украина стана главен центар за преостанатите стратешки бомбардери на Русија откако беа принудени да се повлечат од базите во европскиот дел на земјата.

Преместувањето следи по големата операција на Украинската безбедносна служба (SBU) во јуни 2025 година, со кодно име „Пајажина“. Нападите, извршени од беспилотни летала скриени во камиони, уништија или оштетија повеќе од 40 руски авиони, вклучувајќи седум до осум бомбардери Ту-95.

Тагови: бомбардер екипажот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Порше ги подмладува старите модели- на сопствениците им нудат современа мултимедија (ФОТО)

Porsche ја проширува својата понуда за да го вклучи модерниот инфозабавен систем Porsche Classic Communication Management Plus (PCCM Plus).

Порше ги подмладува старите модели- на сопствениците им нудат современа мултимедија (ФОТО)

Porsche ја проширува својата понуда за да го вклучи модерниот инфозабавен систем Porsche Classic Communication Management Plus (PCCM Plus), кој комбинира модерни навигациски и мултимедијални функции со дизајн прилагоден на ентериерот на класичните модели на брендот.

Новата генерација на системот е достапна за повеќе од 300.000 идни класици од моделите 911, Cayman и Boxster, произведени помеѓу 2009 и 2016 година. Два нови уреди за моделите 987.2, 997.2, 981 и 991.1 се достапни во центрите на Porsche низ целиот свет.

Безжична поврзаност и модерни функции

Системот нуди безжична поддршка за Apple CarPlay и Android Auto, поврзување преку Bluetooth и Wi-Fi, како и можност за репродукција на YouTube видеа додека возилото е во мирување, во зависност од законските прописи на секоја земја. Друга интересна карактеристика е можноста за избор на бојата на каросеријата за виртуелен приказ на возилото на екранот, со што се постигнува визуелна хармонија на системот со автомобилот.

PCCM Plus исто така носи голем број корисни функции, како што се прикажување на ограничувањата на брзината врз основа на податоци од мапата, увид во температурата и притисокот на маслото и визуелен приказ на сензорот за паркирање кај моделите Boxster и Cayman. Исто така, постои навигација со сателитски поглед и функцијата Scenic Roads, која сугерира живописни и кривулести патишта за поголемо задоволство при возењето.

Напредна поврзаност и аудио систем

Новиот систем е опремен со двоен DAB, HD, FM и AM тјунер, Bluetooth стриминг со приказ на метаподатоци, слот за нано SIM картичка со 4G поддршка и врски за надворешни медиумски извори. Мапите може да се ажурираат безжично, преку интернет, без потреба од одење во сервисен центар.

Новата генерација на PCCM Plus е достапна во две верзии: за моделите 911, Cayman и Boxster од 2012 до 2016 година (991.1 и 981) и од 2009 до 2013 година (997.2 и 987.2). Достапноста на одредени функции зависи од моделот и опремата на возилото, а Porsche препорачува инсталација во овластени центри на Porsche.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Поранешен светски шампион е осуден на седум години затвор поради силување деца

Поранешниот светски шампион во снукер, Греам Дот, е осуден на седум години затвор откако беше прогласен за виновен за сексуално злоставување на две деца од основно училиште.

Поранешен светски шампион е осуден на седум години затвор поради силување деца

Дот беше прогласен за виновен за непристојно и сексуално непристојно однесување на Високиот суд во Глазгов во август, а денеска беше осуден во Единбург.

49-годишниот Дот го злоставувал девојчето помеѓу 1993 и 1996 година, додека момчето било жртва помеѓу 2006 и 2010 година. За време на судењето, Дот се слушнал како се соблекувал пред децата, несоодветно допирајќи ги и бакнувајќи ги.

Една од жртвите, сега жена во 40-тите години, сведочеше дека Дот постојано ја злоставувал и ѝ велел да не кажува на никого. Другата жртва, сега маж во доцните 20-ти години, исто така опиша неколку инциденти на злоставување.

Дот ги негираше обвинувањата и рече дека „апсолутно нема шанси“ сексуално да ги злоставувал децата.

Покрај затворската казна, му беше наредено да се јави во полиција за да може неговото име да биде додадено во регистарот на сексуални престапници. Казната ќе тече од 24 август, кога му беше одреден притвор.

Дот го освои Светското првенство во снукер во 2006 година, но беше отстранет од Светската снукер турнеја по осудата.

Тагови: светски шампион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер