Неговата здравствена состојба е сериозна, а лекарите му дијагностицирале тромбоза на порталната вена и панкреатит, состојби кои бараат итно и континуирано лекување.

Иако досегашното лекување продолжува, лекарите препорачуваат терапијата да се надгради во приватна здравствена установа, каде што Дејан може да добие дополнителна медицинска грижа.

Затоа е започната хуманитарна кампања со апел до сите луѓе кои можат да помогнат.

Секоја донација, без разлика на износот, е чекор поблиску до продолжување на лекувањето и нова шанса за Дејан. Вашата поддршка значи надеж еден татко повторно да биде покрај своите деца и едно семејство да верува во иднината

Линк за донација https://ecrowd.mk/projects/cdce185e-7dcd-4231-8c91-9bad3c03f4eb

Дополнително, во недела од 18:00 часот, ФК Марино организира хуманитарен натпревар каде влезниците ќе се продаваат по симболична цена од 100 денари.

Ќе има продажба на храна и пијалаци, а целокупниот приход од влезниците, храната и пијалаците ќе биде дониран за лекувањето на Дејан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судот во државата Ново Мексико вчера ѝ наложи на „Мета“ да плати 567 милиони долари и да го промени начинот на кој функционираат своите платформи за младите корисници во државата, откако утврди дека компанијата е одговорна за оштетување на менталното здравје на децата.

Судијата Брајан Бидшајд во Санта Фе пресуди дека компанијата создала јавна непријатност во Ново Мексико, застанувајќи на страната на државниот обвинител Раул Торез, демократ. Торез ја обвини компанијата за социјални медиуми дека ги дизајнирала своите производи за да поттикне зависност кај младите корисници и дека не ги заштитила децата од сексуална експлоатација на своите платформи. Бидшајд ѝ наложи на компанијата да спроведе низа мерки за безбедност на младите.

Тие вклучуваат месечни ограничувања за користење на „Фејсбук“ и „Инстаграм“ за тинејџери, ограничувања за известувања, построги контроли за контакт меѓу возрасни и малолетници, заштитни мерки за чет-ботови со вештачка интелигенција и засилен преглед на извештаите за сексуална злоупотреба на деца. Сето ова е пропишано со наредба од 567 милиони долари што ќе остане на сила пет години.

Мета изјави дека ќе се жали на пресудата и дека работи на идентификување и отстранување на штетна содржина од своите платформи.

„Остануваме уверени во нашите резултати во заштитата на тинејџерите на интернет и ќе продолжиме да се браниме од тврдења што погрешно ги претставуваат фактите“, соопшти Мета.

Пресудата беше донесена за време на втората фаза од тужбата поднесена од Ново Мексико. Во март, поротата утврди дека Мета ги прекршила државните закони за заштита на потрошувачите со погрешно претставување на безбедноста на Фејсбук и Инстаграм за млади корисници и ѝ наложи на компанијата да плати 375 милиони долари отштета.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Манекенката Каја Гербер (24) – ќерка на една од најпознатите манекенки од 90-тите и 2000-тите, легендарната Синди Крафорд, и на бизнисменот Рене Гербер – во последните месеци е предмет на јавни коментари поради неверојатната сличност со својата мајка, иако таа самата смета дека не изгледа така.

Иако многумина тврдат дека таа е копија на мајка си, Каја – која сега е успешна манекенка со сопствена кариера – истакна дека тоа за неа претставува голем комплимент, но дека не се согласува со мислењето на јавноста.

„Би сакала да е вистина. Не мислам дека сум ни блиску до неа, дури и во моите најдобри изданија, но тоа е навистина голем комплимент“, рече таа во интервју за Yahoo Entertainment.

„За мене, таа е најубавата жена на светот, и однадвор и одвнатре. Ако луѓето мислат дека личам на неа, тоа е најголемиот комплимент што можам да го добијам“, вели Каја, ќерката на Синди Крафорд, која денес има 60 години и сè уште воодушевува со својата фигура и природна убавина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.