Мицкоски го повтори ставот дека уставни измени без гаранции нема да има и покрај пораките од Фон дер Лајен - Канал 5

Македонија

Мицкоски го повтори ставот дека уставни измени без гаранции нема да има и покрај пораките од Фон дер Лајен

Уставни измени без конкретни гаранции од ЕУ и јасна испорака од Бугарија нема да има – вели премиерот Мицкоски. 

Мицкоски го повтори ставот дека уставни измени без гаранции нема да има и покрај пораките од Фон дер Лајен

Уставни измени без конкретни гаранции од ЕУ и јасна испорака од Бугарија нема да има – вели премиерот Мицкоски и по последните пораки на Фон дер Лајен дека топката за почеток на преговорите е во нашиот двор. Според него, не е фер да се очекува безусловна промена на уставот и додаде дека нема намера да го спроведе тоа додека тој раководи со владата. Во вчерашното гостување на Само Интервју, ја отфрли идејата за референдумско изјаснување за македонските евроинтеграции и оцени дека на тој начин не би се постигнало ништо за деблокада на земјава.

-Ние што бараме? бараме доследно почитување на меѓународното право, а таму има обврски и нашиот источен сосед. И исто така, бараме гаранции и ако навистина ЕУ сака Македонија да ја види во своето друштво, барем малку малку од тоа што за други држави го прави, ќе го направи и за нас, и тоа е јасен став- Христијан Мицкоски – Претседател на владата.

Пораките од Македонија во меѓувреме, будно се следат и кај нашиот источен сосед. По бугарското МНР кое го повика на разговор словачкиот амбасадор, денеска и здруженија од Бугарија реагираат на изјавата на претседателот на Словечка Пелегрини кој при посетата на земјава пред три дена бугарската блокада на земјава ја оцени како уцена.

-Пристапниот процес за вашата земја треба да се заснова само на исполнувањето на критериумите и ниту една земја не треба да го злоупотребува тоа, само за да може да се занимава со сопствените прашања и притоа да го забавува вашиот процес на пристапување, што е речиси еден вид уцена, - Петер Пелегрини – Претседател на Словачка.

Фон дер Лајен освен со Мицкоски, одвоени средби имаше и со Претседателката Сиљановска Давкова и спикерот Гаши, но прес конфренција не одржа. Своите пораки потоа ги пренесе преку социјалните мрежи, а клучната е дека договорените обврски за уставните измени мора да се спроведат.

YouTube video

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Видео: Магијата на Никола Јокиќ – феноменална асистенција од агол во агол

Кошаркарите на Денвер Нагетс синоќа загубија од Јута Џез со резултат 109:97 во натпревар од предсезоната во НБА. 

Видео: Магијата на Никола Јокиќ – феноменална асистенција од агол во агол

Еден од најдобрите светски кошаркари во последните пет години, центарот на Денвер, Никола Јокиќ, одигра само 14 минути и забележа 3 поени, 3 скока и 7 асистенции, но за една од нив особено се зборува.

Додавањето преку целата одбрана е потег што Јокиќ го изведува речиси совршено, а овојпат се надмина себеси.

Тој упати додавање зад грб низ тројца одбранбени играчи поставени на основната линија и го пронајде осамениот Камерон Џонсон во десниот агол за шут за три поени.

Магија. Едноставно кажано.

Тагови: НБА Никола Јокиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД ги повлекоа сите свои бомбардери од британската воена база каде се случи инцидентот што го истражува полицијата

САД ги повлекоа сите свои бомбардери од Раф Ферфорд, британската воена база каде се случи инцидентот  што го истражува полицијата за борба против тероризмот.

САД ги повлекоа сите свои бомбардери од британската воена база каде се случи инцидентот што го истражува полицијата

Во соопштението од официјален претставник на Пентагон се потврдува дека вчера ги отстраниле своите бомбардери - за кои се смета дека се околу десетина, од базата назад кон нивните матични станици во Америка.САД не наведоа причина за повлекувањето, но тоа следува по големиот инцидент на 27 септември кога полицијата беше предупредена за три „сомнителни возила“ во близина на воздухопловната база.

Петмина мажи првично беа уапсени под сомнение за терористички дела во близина на базата, а потоа ослободени со кауција. Шестиот маж, британски државјанин со иранско државјанство, исто така беше подоцна уапсен и ослободен со кауција.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Две и пол години Мицкоски и ВМРО: милиони од тендери за бандата, сиромаштија за граѓаните, изолација за Македонија

Две и пол години власт на Мицкоски и ВМРО-ОКГ донесоа пад на економијата, полош животен стандард, уништено стопанство, нови задолжувања и заглавен европски пат. 

СДСМ: Две и пол години Мицкоски и ВМРО: милиони од тендери за бандата, сиромаштија за граѓаните, изолација за Македонија

Додека милиони евра народни пари завршуваат во партиски тендери за граѓаните нема пари.

5,53 милиони евра за диџеј, 200 милиони евра скандали со тендери, распродажба на земјата, водата, рудата. Пет нови рудници во планот до 2040 година, антимон кај Крива Паланка, дата центри, се за туѓи интереси, провизии и профити на сметка на народот.

Бизнис-мрежата во енергетиката работи со полна пареа, договор за броила, зделки со автобуси поврзани со Орбан.

За тоа време, потрошувачката кошничка со изнајмен стан достигна над 90.000 денари. Работниците се со најниски плати во Европа и едвај врзуваат крај со крај.

Се е поскапено, горивата отидоа над 100 денари а Владата на Мицкоски не презема ништо, нема пари за 600 евра минимална плата.

Земјоделците се на работ на егзистенција: без пари, без откуп, без пласман, субвенциите се намалени за 40 милиони евра, доцнат и не се исплаќаат, ИПАРД е загрозена поради корупција на директорот.

Пензионерите се украдени, се соочуваат со неизвесност, додека дупката во ПИОМ достигнува една милијарда евра. Нема пари па власта сака да посегне и по парите од вториот пензиски столб.

Долговите растат секоја недела. За само две и пол години Мицкоски и ВРМО ги зголемија за 4 милијарди евра, колку половина од вкупното задолжување во изминатите 30 години.

Странските инвестиции се најниски во историјата, само 18.7 милиони евра во вториот квартал од 2026 година.

Бидејќи во Буџетот нема пари, се спрема втор ребаланс само два месеци по првиот. И секако ново задолжување на грбот на народот.

Тотален економски дебакл.

Европскиот пат е блокиран. Македонскиот идентитет, јазик и култура се зачувани но Мицкоски се плаши од европско обвинителство и земјата ја турка кон изолација.

Наместо реформи и европска иднина, арамијата турка агенди што ја оддалечуваат Македонија од ЕУ.

Тоа донесоа две и пол години Влада на Мицкоски: сиромаштија, изолација, уништено стопанство, полош стандард и уште поголемо иселување на младите.

„Трета економија“ во Европа со граѓани кои имаат празни празни паричници и празни фрижидери.

Скопје, 05.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер