Мицкоски: ДУИ и Груби на владина седница препорачаа укинување на Балансерот - Канал 5

Македонија

Мицкоски: ДУИ и Груби на владина седница препорачаа укинување на Балансерот

Токму кога ДУИ беше во владата и прв потпретседател беше Артан Груби  беше дадено мислење и препорака за бришење на алатката Балансер, а одлуката на Уставен суд јас не ја коментирам зашто одлуки на Уставниот суд не се коментираат.

Мицкоски: ДУИ и Груби на владина седница препорачаа укинување на Балансерот

Токму кога ДУИ беше во владата и прв потпретседател беше Артан Груби беше дадено мислење и препорака за бришење на алатката Балансер, а одлуката на Уставен суд јас не ја коментирам зашто одлуки на Уставниот суд не се коментираат, изјави премиерот Христијан Мицкоски на тврдењето на пратеничката од ДУИ Рина Ајдари.

На седница за пратенички прашања таа кажа дека оваа Влада ја укинала алатката за правична застапеност и оти речиси две години, како што рече, Албанците се без заштитени права и се објавуваат „скандалозни конкурси“ за вработување само на Македонци.

-Испраќање невистини од говорницата нема да ви донесе политички поени туку дополнително ќе одите во негативна насока што не е добро за вас. Се што кажавте е неточно и невистина. Чесно и доблесно ќе беше да се извините пред граѓаните и да кажете дека ние од ДУИ на владина седница донесовме одлука со која препорачавме да се избрише алатката Балансер и чесно и доблесно ќе беше да кажевте дека сите оние судии во Уставниот суд коишто ја донесоа таа одлука се уставни судии избрани од претходното владино мнозинство на СДСМ и ДУИ или се предлог на поранешниот претседател на државата, господинот Пендаровски. Ова е вистината што сите почитувани граѓани треба да ја знаат. Се останато е невистина и обид за груба политичка манипулација, рече Мицкоски.

Порача дека за сите што сметаат дека се обесправени постојат институции и судови и секогаш го имаат правото на жалба.

Претседателот на Владата додаде дека Законот за правична застапеност од оваа влада добил позитивна препорака од Венецијанска комисија чии одлуки, рече, според новата методологија на пристапување и преговарање по кластери, а побарано од Франција во 2018-2019 година, „се одлуки коишто не се коментираат туку се спроведуваат затоа што се дел од пристапниот процес кон Европската Унија“.

И порача дека нема да навлегува во дискусија дали тој закон му се допаѓа на ДУИ или не му се допаѓа и нагласи дека тој е премиер на сите граѓани, без разлика на нивната етничка, верска и политичка припадност.

-Како Влада нема да толерираме злупотреба на канцелариите за спортски активности во форма на жонглирање со фудбалчиња, играње баскет или, пак, поставување јога душеци, кревети, преноќување во истите и да не кажам уште што вршење во тие канцеларии. Констатирано од страна на Министетството за внатрешни работи. Нема да одам чекор понатаму и нема да зборувам за да не бидам погрешно сфатен. Но, јас би се засрамил да сум на ваше место, дама сте, да браните такви луѓе. Би се засрамил после се што правеле таму. Ова ви го кажувам најодговорно и за тоа постои полициски засписник, рече Мицкоски реплицирајќи и на пратеничката од ДУИ Ајдари.

Мицкоски: СДСМ имаше можност да направи нешто за подобрување на животниот стандард, но наместо тоа дозволи рекордни стапи на инфлација од 17, 18 и 19 проценти годишно

Денес, во услови кога имаме јасна надолна линија на инфлацијата, една од најниските во Европа, под 4 отсто, со тенденција идната година да се стабилизира меѓу 2 и 3 проценти, опозицијата, во отсуство на креативна идеја и реални политики се занимава со клеветнички напади врз Владата, рече денеска премиерот Христијан Мицкоски.

Тој од собраниската говорница, одговорајќи на пратеничко прашање, порача дека СДСМ имаше можност да направи нешто за подобрување на животниот стандард, но наместо тоа дозволи рекордни стапки на инфлација од 17, 18 и 19 проценти на годишно ниво со што беше нанесен огромен удар врз државата, посебно во периодот 2020 - 2023 година.

Според Мицкоски, се повеќе расте довербата кај граѓаните во оваа Влада.

-Животниот стандард е битка што во континуитет треба да ја води една влада. За подобар животен стандард треба во континуитет да се бориме и да работиме. Таа битка не смеете да ја изгубите, ако ја изгубите ќе ја изгубите и довербата кај граѓаните. Од ова досега, евидентно е дека довербата расте и од избори во избори резултатите се зголемуваат. Што се однесува до нападите на опозицијата, можам само да кажам дека во состојба кога беа влада имаа можност да покажат дека тоа што го прават е правилно и дека политиките се во насока на подобрување на животниот стандард. Но, што направија? Имавме рекордни стапки на инфлација од 17, 18 и 19 проценти на годишно ниво. Тоа беа години кога се нанесе жесток удар врз стандадрот на граѓаните. Од 2020 - 2023 се нанесоа најжестоките удари врз граѓаните и државата со задолжување, безмилосно трошење, грабеж, лоши политики. Тоа е пример што ќе се изучува во учебниците - како не треба да функционира една влада. За среќа тоа е сега минато, нашата задача е тешка, но ние ја прифативме со големо чувство на државност и секој ден работиме да исправиме по нешто погрешно направено во 2020 - 2023 година, потенцира премиерот.

Тој се осврна и на последниот извештај од Евростат.

-Сакам да кажам неколку факти. Евростат пред некој ден кажа дека потрошувачката кошница во Македонија споредена со просек дефиниран како 100 проценти, е најевтина во Европа, 72 - 73 отсто. Сите во регионот, буквално, се со поскапа потрошувачка кошница од нашата. Граѓаните имаат две опции, да му веруваат на Евростат или на кошницата што ја креираат Бранимир Јовановиќ, Драган Тевдовски и Никола Попоски. Граѓаните се тие што треба да одлучат. Дека цените се високи - да, а точно е тоа и дека секој ден треба да се бориме за подобар стандард и се бориме, подвлече Мицкоски.

Прашањето го постави пратеничката Емилија Ангелова од ВМРО-ДПМНЕ.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Најголемата ѕвезда на OnlyFans го запали интернетот со жешка снимка од модна писта (ВИДЕО)

По неколку недели во медиумите поради нејзиниот личен живот, креаторката на содржини за возрасни, Софи Рејн, повторно е во центарот на вниманието, овој пат со нејзините најнови снимки.

Најголемата ѕвезда на OnlyFans го запали интернетот со жешка снимка од модна писта (ВИДЕО)

Рејн, најголемата ѕвезда на OnlyFans, го имаше своето деби на Неделата на костими за капење во Мајами, а нејзиното појавување на писта брзо го привлече вниманието на фановите, медиумите и корисниците на социјалните мрежи.

За време на шоуто, Рејн се појави на пистата во дводелно бикини со животински принт, кое го комбинираше со впечатливи златни чизми со отворени прсти, пред да се појави во блескаво розово бикини во кое исто така го украде шоуто.

Фотографиите и снимките од настапот брзо се проширија на социјалните мрежи, каде што илјадници корисници коментираа за нејзиниот изглед, но и за фактот дека ја виделе во средина далеку од платформата што ја направи позната.

Голем дел од интересот го предизвика нејзиното неодамнешно тврдење дека е сè уште девица, изјава што предизвика жестока онлајн дебата поради очигледниот контраст со индустријата во која ја изгради својата кариера.

Чекор од интернет до модната писта

Неделата на костими за капење во Мајами 2026 демонстрираше тренд кој е сè повидлив во модната индустрија: спојување на професионални модели, познати личности и инфлуенсери кои можат да достигнат милиони следбеници. Во оваа средина, настапот на Софи Рејн природно се вклопува во новата генерација јавни личности кои ја претвораат својата дигитална популарност во присуство во мејнстрим медиумите.

Креаторката на содржини родена во Флорида стана една од најзборуваните личности во дигиталниот простор. Брзиот раст на социјалните медиуми и заработката за која јавно тврди дека ги остварува преку своите платформи ѝ помогнаа да се етаблира како едно од најпрепознатливите имиња меѓу новиот бран инфлуенсери.

Досега, не е јасно дали овој настап ќе биде еднократен излет во модните води или почеток на потрајна соработка со светот на модата. Сепак, јасно е дека Софи Рејн успеа, барем привремено, да го пренасочи разговорот од контроверзиите кон ново професионално поглавје. Со тоа, таа покажа дека нејзината способност да привлече внимание се протега далеку над темите што нормално доминираат во насловите за неа.

Тагови: OnlyFans пистата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мечка се нафрли на автомобил на бугарски турист во Романија- повредениот возач вреска и бара помош (ВИДЕО)

Бугарски турист е сериозно повреден откако бил нападнат од женка мечка во планинска област во Романија.

Мечка се нафрли на автомобил на бугарски турист во Романија- повредениот возач вреска и бара помош (ВИДЕО)

Георги Бизев бил на одмор минатата среда и возел по планински пат во близина на браната Видрару кога забележал женка мечка со младенче покрај патот. Го запрел своето возило.

Дивиот ѕвер го нападна

Според првичните извештаи, 46-годишникот ги хранел животните со остатоци од храна и ги фотографирал кога женската мечка одеднаш нападнала.

Снимката снимена од минувач го покажува моментот кога женката мечка се упатила кон прозорецот на автомобилот во кој патувал туристот.

Во друго видео, снимено од самиот Бизев, дивиот ѕвер може да се види како трча по возилото додека тој повикува помош.

Според локалните извештаи, животното се обидело да го извлече човекот од автомобилот, објавува Дејли Меил.

Бизев претрпел повреди од каснување на левата рака. Тој рекол дека мечката го изгребала и каснала додека се обидувал да го заштити лицето и вратот со кревање на раката.

Тој додаде дека безбедносниот појас му помогнал да избегне посериозни повреди, додека другите возачи свиреле и викале за да го исплашат животното.

„Ја видов како ѝ се наѕираа ушите и скокнаа врз мене. Се обиде да ме зграби и да ме извлече од автомобилот“, рече туристот.

Познатиот „мечкин премин“

Службите за итни случаи во Романија реагираа откако Бизев ги извести чуварите на браната Видрару. Службениците рекоа дека мечката веројатно го штитела своето младенче.

Делот од патот каде што се случил инцидентот е познат како „мечкин премин“, каде што туристите често застануваат да ги гледаат и да ги хранат дивите животни.

Бизев рече дека средбите со животните се чести и дека дури и храна се продава на постојките, но рече дека хранењето на мечката не било правилно.

„Влегов во нејзиниот простор, тоа беше грешка за која платив“, рече тој.

По инцидентот, тој се вратил во Бугарија на понатамошен третман.

Локалните власти ги предупредија туристите да не им се приближуваат на мечките ниту да ги хранат, нагласувајќи дека тие се заштитени, но дека на Карпатите се повеќе се навикнуваат на присуството на луѓе.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Ужас во Грција: Мајка ја спасува ќеркичката во последен момент (Вознемирувачко видео)

Безбедносните камери во Нафпактос, Грција, снимија неверојатна сцена!

Ужас во Грција: Мајка ја спасува ќеркичката во последен момент (Вознемирувачко видео)

Снимката, објавена од локалните медиуми, прикажува мајка која успеала да ја спаси својата ќеркичка од речиси сигурна смрт во последен момент!

Сè се случило кога возач, кој ја изгубил контролата врз возилото, се судрил со нејзиниот паркиран автомобил додека го ставала своето дете во возилото, објавува Протагон.

Инцидентот, според ЕРТ, се случил на улица во близина на пристанишниот плоштад во Нафпактос.

Жената стоела до својот паркиран автомобил и во тој момент го ставала своето мало дете во возилото. Одеднаш, автомобил што доаѓал од спротивната насока, под сè уште нејасни околности, скршнал од патот и се судрил со нејзиното возило со голема брзина.

Мајката веднаш ја почувствувала опасноста и реагирала неверојатно брзо. За дел од секундата, го зграпчила детето во раце и избегала од местото на настанот, скокајќи во блиската продавница со детето во раце.

Неколку моменти подоцна, возилото без контрола се удрило во нејзиниот паркиран автомобил, предизвикувајќи голема штета.

Не се пријавени сериозни повреди, што во голема мера се должи на брзата реакција на жената, која буквално го зграпчила детето и го спасила во последен момент.

YouTube video

Тагови: ќеркичка мајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер