Мицкоски добивал закани по живот, приведен 39 – годишник од Черкезе, Обвинителството поведе постапка и бара притвор - Канал 5

Македонија

Мицкоски добивал закани по живот, приведен 39 – годишник од Черкезе, Обвинителството поведе постапка и бара притвор

Закани по живот и навреди кон премиерот Христијан Мицкоски на социјалните мрежи. 

Мицкоски добивал закани по живот, приведен 39 – годишник од Черкезе, Обвинителството поведе постапка и бара притвор

39-годишен жител на кумановското село Черкези заврши во осумдневен притвор, откако на објава на профилот на премиерот на социјалнта мрежа Инстаграм оставил коментар со заканувачка и навредлива содржина по животот на премиерот и неговото семејство.

Обвинителството во Куманово веднаш реагираше и поведе постапка против осомничениот за кривичното дело „загрозување на сигурноста“.

Од МВР за случајот информираат дека настанот бил евидентиран на 14 септември 2026 година, но објавата на социјалните мрежи на заканувачот била пред три дена на 11 септември, утврдиле надлежните институции.

-Отсекот за компјутерски криминал при СВР Куманово во содејство со Секторот за компјутерски криминал и Одделот за криминалистичка полиција при БЈБ поднесе кривична пријава по брза постапка против А.Д. од с.Черкези, кумановско, поради постоење основи на сомнение за сторено кривично дело „загрозување на сигурноста“ по член 144 став 5 од Кривичниот законик. изјави на портпаролката на СВР-Куманово, Ивана Младеновска.

Премиерот Христијан Мицкоски денеска откри детали за заканите.

-Јас дознав во текот на вчерашниот ден за заканите на социјалните медиуми коишто се напишани од ова лице, дека сум бил свиња и дека ќе ме колел на плоштад и упатил пцофки кон мене и моето семејство. Јас сум сепак институција и кога не би бил знам како се решаваат овие работи. Но, претпоставувам инститцуциите си ги преземале своите надлежности и преку МВР е обезбедено лицето и се надевам правосудниот систем ќе го спроведе лицето онаму каде што му е место - изјави Мицкоски.

Од Обвинителството објаснија дека притвор за лицето од с. Черкези побарале поради ризик од бегство и можност осомничениот повторно да го стори делото. Според досега обезбедените докази, тој и претходно бил поврзуван со насилен криминал, насилство, лихварство и поголем број прекршоци за нарушување на јавниот ред и мир.

-Согласно обезбедените докази во однос на претходното поведение на осомничениот, станува збор за конфликтна личност која влегува во постојани расправии, закани и физички пресметки со пријавители, па се оценува дека постои реален ризик ваквите агресивни испади да прераснат во потешки кривични дела со животозагрозувачки последици со кои се заканува, додаваат од ЈОРМ.

На приведениот според Кривичниот законик доколку се утврди одговорност, му се заканува казна затвор од пет години.

Инаку, и претходно во јавноста беа регистрирани случаи и информации за заканувачки пораки, упатени кон семејството на премеирот.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Падна авион во Германија, нема преживеани (ФОТО)

Три лица загинаа денеска во пад на мал авион во германската покраина Северна Рајна-Вестфалија, во близина на Еркеленц.

Падна авион во Германија, нема преживеани (ФОТО)

Авионот се урна во поле и беше целосно уништен, речиси ништо не остана од авионот освен опашката.

Цесна 172 полета од област северно од Утрехт во Холандија во понеделник наутро.

Потоа, авионот со четири седишта влезе во воздушниот простор на Германија во близина на автопатот А52. Кратко потоа, околу 11:20 часот, авионот предизвика проблеми од непознати причини во близина на градот Гердерат, во близина на Еркеленц.

Портпаролот на полицијата потврди за Билд дека во авионот имало три лица и дека ниту едно не го преживеало падот.

„Во авионот имало три лица. Сите тројца загинале во падот“, рече портпаролот на полицијата. Причината за падот сè уште не е позната.

Идентитетите на жртвите сè уште не се објавени, додека властите утврдуваат што довело до несреќата.

Причината за падот на малиот авион сè уште не е позната, а истрагата е во тек.

Малиот аеродром Еркеленц-Киховен се наоѓа на околу десет километри од местото на несреќата.

Тагови: авион Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсени се 18 возачи, 17 возеле без возачка- еден бил пијан

Лишени од слобода 18 возачи за „безобѕирно управување возило“, 17 возеле без возачка дозвола и еден под дејство на алкохол .

Уапсени се 18 возачи, 17 возеле без возачка- еден бил пијан

Во текот на изминатото деноноќие, на различни локации во државата, полициски службеници лишија од слобода 18 возачи поради сторено кривично дело „безобѕирно управување возило“ по член 297-а од Кривичниот законик.

Од нив, 17 управувале возило без положен возачки испит и тоа: М.Р.(19), Б.Ф.(24), Џ.С.(24), Ф.С.(33), А.Л.(25), С.Б.(25) и Г.Ѓ.(34), сите од Скопје, Ш.О.(31) од с.Арачиново, скопско, А.Р.(25) од с.Батинци, скопско, С.А.(33) од с. Студеничани, скопско, 17-годишник од с.Стајковци, скопско, С.А.(19) од тетовско, Р.Б.(32) од Куманово, А.Б.(24) од Кичево, П.С.(38) од битолско, 15-годишник од Пробиштип и П.Ѓ.(19) од Велес, кој предизвикал сообраќајна незгода. Од слобода е лишен и О.В. (27) од Македонска Каменица, бидејќи возел под дејство на алкохол. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Копруција во здравството: Пари за термин, подарок за лекарска услуга

Пари, подароци, лични услуги но и препраќање во приватни установи или во аптеки за купување специфични лекови се едни од најраспространетите форми на корупција во јавниот здравствен систем.

Копруција во здравството: Пари за термин, подарок за лекарска услуга

Јавна тајна е дека постојат одредени суми за одредени лекари, општо-познато е дека без пријател, без врски и без пари не можеш да завршиш работа по болничките ходници, велат дел од споделените сведоштва за доживеаната корупција во македонскиот здравствен систем.

Пари, подароци, лични услуги но и препраќање во приватни установи или во аптеки за купување специфични лекови се едни од најраспространетите форми на корупција во јавниот здравствен систем, посочуваат од Здружението за еманципација, солидарност и еднаквост на жените. Тие денеска во центарот на Скопје поставија симболична „Чекална за бесплатни специјалистички здравствени услуги„ со фигуративни суми за здравствените услуги кои граѓаните, во теорија, од јавнот здравствен систем би требало да ги добијат бесплатно.

-Митото како една форма на корупција во здравството најчесто се јавува за добивање побрз термин, како и преглед преку ред кај одредени специјалистички дејности. Она што е интересно и важно да се истакне е дека 84% од испитаните здравствени работници го препознаваат овој проблем дека постои во секторите во кои што работат и истакнуваат дека е делумно или многу застапен,- - Дарко Антиќ, Програмски координатор во ЕСИ.

Од ЕСИ алармираат дека иако постојат повеќе механизми за пријавување на корупција, како во самите здравствени установи така и преку полицијата, јавното обвинителство и Комисијата за спречувае на корупција, скоро никој не пријавува поради генералната недоверба во јавниот систем.

-Ниту еден од испитаниците ниту здравствените работници кои виделе или се соочиле со некаков тип на корупција, ниту граѓаните немаат пријавено, односно не го користат овој систем. Особено затоа што не веруваат дека финалниот резултат односно дека ќе бидат заштитени во целата постапка и дека некој ќе донесе позитивна одлука и ќе ги заштити. Стравуваат дека понатаму ќе дојдат во контакт со истиот доктор и сепак ќе треба да ја добијат здравствената услуга и одлучуваат да молчат,- - Дарко Антиќ, Програмски координатор во ЕСИ.

Додека 1,7% од граѓаните имале потреба да дадат „ситен подарок„ односно мито на матичните лекари, во преовладувачки 74,6% од случаите, здравствениот работник поврзан со корупција бил лекар специјалист, што значи дека кога граѓаните се најранливи, односно имаат потреба од брза интервенција или преглед, корупцијата е највисока, потенцира истражувањето.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер