Мицкоски: Бруто и нето платата во јули е за 10,5 отсто поголема од јули лани - Канал 5

Македонија

Мицкоски: Бруто и нето платата во јули е за 10,5 отсто поголема од јули лани

Бруто и нето платата во јули е за 10,5 отсто поголема од јули лани, а намалени се и јавниот и државниот долг прв пат по долго време.

Мицкоски: Бруто и нето платата во јули е за 10,5 отсто поголема од јули лани

Прво никогаш не можете да бидете задоволен од висината на приходите, односно од висината на платата и секогаш како Влада треба да работиме повеќе за да обезбедиме дополнителни средства или да обезбедиме таква средина за бизнисот да се развива, за да работниците добијат повисока плата, истакна денеска претседателот на Владата Христијан Мицкоски на новинарско прашање за коментар за најновите податоци за просечната плата, што ги објави Државниот завод за статистика.

Тој додаде дека оние тези на СДСМ дека платата не растела, дека долгот се зголемувал, потоа дека ги задолжиле неродените генерации со седум милјарди итн., полека но сигурно „меурот од сапуница“ се распрснува.

-Имено, вчера Државниот завод за статистика објави податок дека и бруто и нето платата во јули е повеќе за 10,5 проценти поголема од јули 2024 година, којашто впрочем беше и првиот месец од оваа Влада. Така што тезата на СДСМ дека платите не само што не растеле, туку и се намалувале не држи вода. Исто така СДСМ има уште една теза повторна лажна, а тоа е дека сме ги задолжиле неродените генерации. Министерството за финансии излезе со јасен дијаграмски приказ, колкав е процентот на државниот и јавниот долг од Бруто домашниот производ(БДП) и многу лесно можете да забележите дека на крајот од вториот квартал заклучно со месец јуни 2025 за првпат после многу долго време и државниот и јавниот долг се намалени - едниот за 4 отсто, другиот за 2,7 отсто, изјави Мицкоски.

Тој заклучи дека со овие податоци уште една теза на СДСМ дека како Влада ги задолжиле неродените генерации паѓа во вода.

-Мојата препорака до нив би била да бидат конструктивна опозиција, да научат од грешките во минатото, да не ги повторуваат и набргу од денеска да бидат фактор којшто ќе им служи на граѓаните, пред се, вели Мицкоски.

Прашан за стапката на сиромаштија, дека секој петти Македонец е сиромашен, а секое трето дете е сиромашно, премиерот Мицкоски со одговор дека овие податоци се од 2023 година, и какошто вели „токму тоа беше причината зошто како Влада многу внимателно да се движиме макроекономски“.

-Јас не знам кои се тие експерти, коишто вака ве брифираат. Но, јас би сакал да ве дебрифирам, ако тогаш буџетскиот дефицит беше над 5 отсто, оваа година буџетскиот дефицит ќе биде под 4 отсто. Што значи макроекономското консолидирање продолжува. Платите продолжуваат да растат, инфлацијата полека се стабилизира. Очекувам да продолжи трендот на намалување на инфлацијата и стабилизирање во под 4 отсто. Бруто домашниот производ четири квартали по ред расте 3, 3,2 и 3,4 проценти. Најголемиот генератор на сиромаштија и токму затоа овој лакински фактор е таков - се пензионерите, односно оние пензионери, кои во времето на транзицијата, за жал, тука спаѓаат и нашите родители, останале без работа поради приватизацијата таква-каква што беше и тие како некои не можеа да уживаат во своите пензионерски денови, бидејќи некој тогаш во процесот на приватизација не им ги плаќал придонесите и пензиско и здравствено, подвлече Мицкоски.

Премиерот Мицкоски вели дека тоа била причината и мотивот зошто како Влада се одлучиле на линеарно зголемување на пензиите, а коишто заклучно сега со оваа пролет ќе изнесуваат 7.000 денари по пензионер.

-Дали е доволно? Не е, но дали е повеќе, е. И дали сето ова како слика ќе влијае, кога ќе се објавуваат овие лакински параметри за 2025 година, јас сум сигурен дека ќе влијае позитивно, рече Мицкоски во изјавата при посетата на Општина Ѓорче Петров.

Тагови: Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Фото: Ревија на костими за капење на „Sports Illustrated Swimsuit“

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Фото: Секси русокосата не препушта ништо на случајноста

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу? 

Веќе 21 фудбалер се платени повеќе од 100 милиони евра за трансфер

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер