ВМРО-ДПМНЕ: Филипче и СДС се во политички ќорсокак, фактите и документите за Алта Банка ги демаскираа лагите
Николоски од Виенскиот економски форум: Економската соработка на регионот е потребна за заеднички пристап и посилна конкуренција на глобалниот пазар
1ВМРО-ДПМНЕ: Филипче и СДС се во политички ќорсокак, фактите и документите за Алта Банка ги демаскираа лагите
2Николоски од Виенскиот економски форум: Економската соработка на регионот е потребна за заеднички пристап и посилна конкуренција на глобалниот пазар
МакедонијаМФ: Прв месечен раст на буџетските приходи во јули од почетокот на КОВИД-19 кризатаВо јули се забележува прв месечен раст на приходите во буџетот од почетокот на КОВИД-19 кризата, со месечен раст од 1,4% во однос на лани. Според соопштението од Министерството за финансии ова се должи на растот на придонесите, но и на повеќе видови даноци. По реализацијата во јуни која бележеше значително подобра наплата на приходите од април и мај, по олабавување на рестрикциите и реотварање на економијата, резултатите за јули укажуваат дека ревитализацијата на економијата се одвива со добра динамика. Вкупната наплата на приходи во јули изнесува 17,9 милијарди денари. Даночните приходи се наплатени во износ од 10,2 милијарди денари, или 1,7% помалку од лани. Данокот на додадена вредност за првпат од почетокот на кризата забележува раст во однос на минатата година од 1,2%, што следи по падот во јуни од 7,5%, и високиот пад во мај и април од -33 и -43,5% респективно. Се забележува и висок раст на увозните давачки од 18,3%, понатаму раст на персоналниот данок од 0,4%, додека помала наплата иам кај акцизите и данокот на добивка. Придонесите забележуваат раст од 11,9% во однос на истиот месец лани, со што продолжува добриот тренд на наплата на продонесите од јуни, кога беше забележана иста стапка на раст од 12,3%. Растот на придонесите во време на криза во голема мера може да се препише на мерките кои ги презема Владата односно поддршката од 14.500 ден по вработен заради исплата на платите за април, мај и јуни. Заедно со јули, кумулативно од почетокот на годината, падот на приходите во однос на минатата година е намален на -7,4%, додека заклучно првото полугодие кумулативно изнесуваше 9% во однос на лани. Даночните приходи сега бележат пад од 11,3% кумулативно, додека заклучно првото полугодие бележа пад од 13% во однос на лани. Придонесите бележат раст од 8,6% во однос на истиот период период лани, додека заклучно првото полугодие бележеа раст од 8%. Ова е добар сигнал за движењата на пазарот на труд. Стапката на раст покажува дека мерките за поддршка за зачувување на работните места во борба против КОВИД-19 кризата даваат резултати. Расходната страна заклучно јули бележи раст од 11,6% на годишно ниво, во најголем дел како резултат на преземените мерки во борба против КОВИД-19 кризата. Оправданоста за ваквиот пораст на расходите се содржи во исплата на: повисоки пензии, социјална помош, плати, како и поддршка за фирми и граѓани погодени од КОВИД во износ од околу 6,9 милијарди денари. Исто така и капиталните расходи се повисоки за 14,4% во однос на лани. Дефицитот заклучно со јули е реализиран 4,76% од БДП и е согласно планираната динамика со Ребалансот. -И покрај предизвиците со кои се соочува македонската економија, во услови на справување со КОВИД, извршувањето на буџетот се одвива по план. По реализацијата на вкупните приходи во јуни кои изнесуваа -9,6% споредено со лани кога рестриктивните мерки почнаа да се олабавуваат и економската активност да заживува, позитивната реализација во јули со раст од 1.4% говори дека заживувањето се одвива со добра динамика. Целта на Министерството за финансии е да обезбеди континуирано извршување на Буџетот, без застој, во законски утврдените рокови, односно вработените да земат плата, социјално загрозените да ги добијат навремено своите надоместоци, фирмите редовно да ги наплаќаат своите побарувања кон буџетските коирсници, да нема заостанати обврски, како и навремен поврат на данок. Тука се и мерките за КОВИД, поддршка која државата ја дава на граѓаните и фирмите, во согласност со можностите, преку домашната платежна картичка, преку субвенционраните плати и придонеси, преку одложувањата на плаќањата на даночните обврски. Очекувањата се дека во третиот и четвриот квартал од годината постепеното опоравување на домашната економија и заживување на економската активност ќе продолжи со засилено темпо. Со оглед на непредвидливоста која ја носи оваа пандемија, финансирањето на буџетот е обезбедено и во случај на евенутален втор бран, - вели министерката за финансии Нина Ангеловска. Инаку, Министерството за финансии во насока на поголема транспарентност, од почетокот на КОВИД -19 кризата, порано го објавува месечното извршување на буџетот, односно наместо на крајот на месецот - се известува на почетокот на месецот за реализација на буџетот, стои во соопштението0 од МФ..Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаВМРО-ДПМНЕ: Филипче и СДС се во политички ќорсокак, фактите и документите за Алта Банка ги демаскираа лагите Кога фактите и документите за Алта банка излегоа на површина Филипче и СДС се кријат и бегаат од одговорност. Откако со месеци ја користеа Алта банка за ширење политичка паника, Филипче и СДС денес немаат одговори, туку молк и бегање од соочување со фактите. Прво обвинуваа, па самите се најдоа во ситуација да објаснуваат зошто токму во нивно време биле направени чекори поврзани со продажбата на акциите. Ги претставуваа Давор Мацура и Алта банка како спорни, за на крајот се испостави дека тие биле првите што дозволиле да купи акции од Македонија. Второ, ширеа приказни за наводна забрана на Алта банка за работа во Европската Унија поточно во Австрија, за на крајот да излезе дека немале забрана за работа, туку добиле прекршочна казна од австрискиот регулатор. Трето, ја плашеа јавноста со сценарија за пропаѓање на банката и губење на штедните влогови, а откако сите видовме дека банката е ликвидна и дека нема да пропадне, а дека државата се става во заштита на граѓаните, тргнаа со личен напад кон претседателот Мицкоски. Бараа надзорна расправа во Собранието, па откако истата веднаш беше прифатена, ја одложија за една недела, продолжетокот на истата се уште не знаат за кога да го закажат бидејќи вистината им се изнесе на виделина. Филипче, доста со политички претстави. Кој одлучувал? Кој молчел додека се отворала темата за влез на Алта Банка? Кој шири паника? И зошто СДС денес нема храброст сите прашања да се отворат пред јавноста? СДС не може да ја замени вистината со прес-конференции, ниту сопствената одговорност да ја сокрие зад напади врз други. Помина времето на СДС и ДУИ кога банки пропаѓаа, а граѓаните беа оставени на цедило. Граѓаните да бидат спокојни ниту една банка нема да пропадне додека е Христијан Мицкоски премиер, а ВМРО-ДПМНЕ е на власт, се наведува во партиското соопштение.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиПовторно е приведен Кристијан Корабоски, кој крвнички ја претепа неговата девојка, Сара 17:05Осомничениот насилник од Охрид нема да оди во притвор, доби само мерки за забрана за приближување и одземен пасош15:00Мајката на повредената девојка: Ќерка ми сè уште е во болница, а осомничениот е пуштен на слобода, поднесена кривична пријава против насилникот08:32Михаилова ја разбранува и Бугарија – на снимка тврди дека тајните служби ѝ се заканувале дека ќе остане без помош15:00Ќе ги отстрани ли новиот Кривичен законик штетните последици од 2023 година?15:00
Осомничениот насилник од Охрид нема да оди во притвор, доби само мерки за забрана за приближување и одземен пасош15:00
Мајката на повредената девојка: Ќерка ми сè уште е во болница, а осомничениот е пуштен на слобода, поднесена кривична пријава против насилникот08:32
Михаилова ја разбранува и Бугарија – на снимка тврди дека тајните служби ѝ се заканувале дека ќе остане без помош15:00
МакедонијаНиколоски од Виенскиот економски форум: Економската соработка на регионот е потребна за заеднички пристап и посилна конкуренција на глобалниот пазарПредизвикот за земјите од регионот е како заеднички да настапуваат на европскиот пазар, како да се натпреваруваат со конкуренцијата и како да се постигне повисоко ниво на развој. За овие прашања, за можностите за економски напредок на регионот, како и за инвестициите во инфраструктурата, зборуваше заменик претседателот на Владата, Александар Николоски, кој се обрати на 23-от Виенски економски форум. Зборувајќи на панел дискусијата “Заедничка визија за долгорочна економска соработка” вицепремиерот Николоски потенцира дека е потребен заеднички пристап на земјите од регионот за претставување на глобалниот пазар. “Наш предизвик, но истовремено и наша задача, е да соработуваме сите економии што ги претставуваме. Без разлика дали станува збор за мојата земја или за која било друга земја од регионот, факт е дека нашите економии се премногу мали за да бидат конкурентни на глобалниот пазар. Дури и целиот регион, гледан како една целина, е премал за самостојно да биде глобално конкурентен. Токму затоа треба да соработуваме. Свесен сум дека тоа не е лесна задача, имајќи ги предвид политичките предизвици, политичкото минато и историското наследство на регионот. Но, и покрај тоа, тоа е задача што мораме да ја преземеме и на која мораме заеднички да работиме” – се обрати Николоски. Додаде дека вистинското прашање во следниот период е дали земјите од регионот ќе успееме да го подигнеме квалитетот што го нудиме. Тој на форумот ги потенцира развојните проекти што се реализираат во Македонија во делот на патната и железничката инфраструктура. “ Што се однесува до железницата, се наоѓаме во многу напредна фаза на подготовка за започнување на работите на проектот за брза железница, која ќе се протега од границата со Грција до границата со Србија. Oчекувам изградбата да започне на пролет. Станува збор за огромен проект, кој ќе биде најголемиот поединечен инфраструктурен проект во Југоисточна Европа, со инвестиција од приближно две милијарди евра. Во однос на Коридорот 8, успеавме да постигнеме договор со Бугарија за железничкото поврзување. Двете страни веќе работат на реализацијата на проектот. Ние веќе инвестираме околу 810 милиони евра во железничкото поврзување, а Бугарија презема слични активности на своја територија. Во понапредна фаза е автопатското поврзување, каде што двете страни вложуваат значителни напори. Од наша страна, работите се завршени до границата со Бугарија, односно веќе имаме изградено автопат или експресен пат. Заедно со Европската Унија работиме и на западната железничка врска со Албанија. Кога ќе се соберат сите овие активности, станува збор за инвестиции од приближно пет до шест милијарди евра во овие коридори. Нашата цел е земјата да стане важна крстосница, со што ќе придонесеме не само за растот на бизнисот и економијата, туку и за зајакнување на безбедноста” – се обрати Николоски на глобалниот форум. Министерство за транспортКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиПовторно е приведен Кристијан Корабоски, кој крвнички ја претепа неговата девојка, Сара 17:05Осомничениот насилник од Охрид нема да оди во притвор, доби само мерки за забрана за приближување и одземен пасош15:00Мајката на повредената девојка: Ќерка ми сè уште е во болница, а осомничениот е пуштен на слобода, поднесена кривична пријава против насилникот08:32Михаилова ја разбранува и Бугарија – на снимка тврди дека тајните служби ѝ се заканувале дека ќе остане без помош15:00Ќе ги отстрани ли новиот Кривичен законик штетните последици од 2023 година?15:00
Осомничениот насилник од Охрид нема да оди во притвор, доби само мерки за забрана за приближување и одземен пасош15:00
Мајката на повредената девојка: Ќерка ми сè уште е во болница, а осомничениот е пуштен на слобода, поднесена кривична пријава против насилникот08:32
Михаилова ја разбранува и Бугарија – на снимка тврди дека тајните служби ѝ се заканувале дека ќе остане без помош15:00
МакедонијаОд Химлунг до Манаслу: Благица Владимировска ги поместува границите на македонското високогорствоНа над 7.000 метри височина, на температура од минус 35 степени, со ветрови од 60 километри на час и повеќе од 20 часа борба со екстремните услови, македонската високогорка Благица Владимировска го оствари својот голем хималајски подвиг. По Химлунг, нејзиниот поглед е насочен кон следниот врв , Манаслу (8.163 метри) – осмиот највисок врв во светот и нејзиниот следен голем предизвик. Постојат места на светот каде што човекот учи колку е мал пред моќта на природата. Места каде што секој здив е напор, секој чекор е одлука, а една погрешна проценка може да ја направи разликата меѓу животот и смртта. Едно од тие места е Химлунг, на Хималаите, каде што македонската високогорка Благица Владимировска достигна височина од околу 7.020 метри, носејќи го македонското знаме во едни од најсуровите услови со кои може да се соочи еден планинар. Со овој подвиг, Владимировска се вбројува меѓу ретките Македонки што ја надминале границата од 7.000 метри – височина на која човечкото тело се соочува со сериозен недостиг од кислород, а физичката подготвеност, искуството и менталната стабилност стануваат подеднакво важни. Минус 35 степени. Ветер од 60 километри на час. Петнаесет килограми опрема. Повеќе од 20 часа изложеност на снег, мраз и исцрпеност. Без вода и храна. Зад овие бројки не стои само спортски резултат. Стои борба во која секоја одлука има тежина, а желбата да се стигне повисоко никогаш не смее да биде посилна од почитта кон планината. За Благица, високогорството не е натпревар со природата, ниту обид да се докаже сопствената надмоќ. Тоа е начин на живот, изграден врз дисциплина, истрајност, самоконтрола и способност да се препознае границата меѓу храброста и непромисленоста. „Ова е приказна од реалноста, каде што еден погрешен чекор може да значи живот или смрт. Каде што одлуките не смеат да бидат водени од егото и самољубието. Каде што почитта кон планината е религија. Таму јас вистински живеам“, вели Благица Владимировска. Следната цел – Манаслу, 8.163 метри надморска височина Но подвигот на Химлунг не е крајната точка на нејзината високогорска приказна. Напротив, тој е уште еден голем чекор кон следната цел – Манаслу, врв висок 8.163 метри, кој се издигнува на Хималаите во Непал и е осмиот највисок врв на планетата. Манаслу е еден од четиринаесетте врвови во светот повисоки од 8.000 метри. На тие височини, во таканаречената „зона на смртта“, човечкиот организам функционира во услови на екстремен недостиг од кислород, а секој дополнителен метар претставува огромен физички и ментален предизвик. За големите височини, покрај храброста, потребна е и поддршка Досега, зад секоја експедиција на Благица Владимировска стоеле нејзината лична посветеност, огромни одрекувања и сопствени финансиски средства. Сите досегашни високогорски предизвици ги организирала и финансирала самостојно, вложувајќи во подготовките, патувањата и опремата, водена од желбата да ги поместува сопствените граници и достоинствено да го претставува македонското високогорство. Но Манаслу е предизвик од сосема поинакви размери. Експедиција на 8.163 метри подразбира сериозни финансиски средства, специјализирана опрема, сложена логистика, долготрајни подготовки и високи безбедносни стандарди. Затоа, за остварување на следната голема цел, на Благица овојпат ќе ѝ биде потребна и финансиска поддршка. Ова е можност македонските компании, институции и сите оние што веруваат во спортот, истрајноста и човечките достигнувања да станат дел од една нова високогорска приказна. Да поддржат жена која со сопствени сили веќе стигнала таму каде што малкумина успеваат, а сега се подготвува за еден од најголемите предизвици во светското високогорство. Зашто ваквите успеси се инспирација за новите генерации, доказ дека големите соништа не се резервирани само за оние што доаѓаат од големи земји и потсетник дека и Македонија има луѓе со капацитет за најголемите светски предизвици. Имаме Македонка која стигна над 7.000 метри на Хималаите. Македонка која се соочи со суровоста на Химлунг, со екстремниот студ, ветерот и исцрпеноста. Македонка која сега се подготвува за Манаслу – 8.163 метри над светот. Нејзиното име е Благица Владимировска. ПОВИК ЗА ПОДДРШКА НА ЕКСПЕДИЦИЈАТА „МАНАСЛУ 8.163“ Компании, институции и поединци заинтересирани за финансиска или спонзорска поддршка на следната високогорска експедиција на Благица Владимировска можат да се обратат на: Е-пошта:[email protected] Предмет: Поддршка за експедицијата Манаслу 8.163 – Благица Владимировска Да застанеме зад македонската високогорка која се подготвува за еден од највисоките врвови на светот. Зашто големите височини се достигнуваат со лична храброст, но и со заедничка поддршка.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter