Метеж во вселената: Два сателита на Маск за малку ќе се судреа со кинеската вселенска станица

Кина денеска ги обвини САД за „голема закана“ за безбедноста на нивните астронаути, откако два сателити на Илон Маск од системот Старлинк за малку ќе се судреле со нивната вселенска станица.

Според документот доставен од Кина на почетокот на декември до Канцеларијата на ОН за вселенски истражувања со седиште во Виена, кинеската вселенска станица Тиангонг (Небеска палата) морала да маневрира во два наврати, во јули и октомври, за да избегне „пресретнување“ со сателитите на компанијата на Маск, SpaceX.

Станува збор за сателити на Starlink за Интернет услугата до тешко достапни области. Системот Starlink бара мрежа од речиси 12.000 сателити во ниската орбита кои постојано пренесуваат широкопојасен интернет на земјата.

„Од безбедносни причини, кинеската вселенска станица вклучи систем за спречување на судири за да ја зачува безбедноста и животите на своите астронаути во орбитата“, се вели во документот објавен на веб-страницата на Канцеларијата на ОН за вселенски истражувања.

Кина ги обвинува САД дека не ги исполнуваат меѓународните обврски во вселената, без директно да го спомне името на најбогатиот човек во светот.

Копијата од кинескиот документ се прошири вчера на Веибо, кинеската верзија на Твитер, каде неколку корисници го опишаа проектот како „вселенска војна“, а некои повикаа на „бојкот на Тесла“.

Минатиот месец кинеската филијала на Tesla, исто така во сопственост на Маск, објави дека Starlink нема да ги лансира своите услуги во Кина. Наместо тоа, сите возила на Tesla во земјата ќе ги користат мрежните услуги што ги нуди кинескиот оператор, а сите податоци ќе бидат задржани во земјата.

SpaceX досега испратиле повеќе од 1.500 сателити во орбитата за да и` служи на широкопојасната мрежа, а Маск рече дека на крајот сака да стави околу 42.000 сателити во орбитата.

Зеленски: Руската инвазија е катастрофална грешка на Москва

Украинскиот претседател Володимир Зеленски изјави денеска дека „руската инвазија на неговата земја е катастрофална грешка“, откако Русија објави стратешка победа во Мариупол. 

Зборувајќи од Киев, Зеленски рече дека „потврдено е дека инвазијата била апсолутна грешка“ и тврди дека руската армија останала без проектили со кои ги нападнала украинските војници. Тој ги критикуваше руските лидери, за кои рече дека се плашат да признаат дека „на највисоко воено и државно ниво се направени катастрофални грешки“, објави Би-Би-Си.

Украинскиот лидер ја обвини Москва дека ги принудува младите, неискусни војници на линијата на фронтот и ги турка во битка „како топовско месо“.

По Макрон, и Мишел предлага „Европска геополитичка заедница“, резервна варијанта за З. Балкан

Претседателот на Европскиот совет, Шарл Мишел, предлага формирање на, како што тој ја нарекува, „Европска геополитичка заедница“.

Заедница која ќе се стреми кон „конвергенција и продлабочување на оперативната соработка за справување со заедничките предизвици, мирот, стабилноста и безбедноста на нашиот континент“.

Групата би ја сочинувале земјите од Западен Балкан и земјите партнери на ЕУ од истокот, кои се или кандидати за пристап во блокот или се стремат да станат такви.

„Ќе предложам да се одржи конференција околу или по летото“, напиша Мишел на Твитер.

„Францускиот претседател Макрон претходно ја промовира идејата за формирање „Европска политичка заедница“ која ќе ги вклучува Украина и Британија.

Клучните вредности во областите на политичката соработка, безбедноста, енергетската соработка, сообраќајот, инвестициите во инфраструктурата.

Фото: Градските приказни на КУД Илинден, подвижен музеј на градот Битола

Градските приказни на ансамблот ИЛИНДЕН, беа изведени на целовечерен концерт под наслов „Битола е градот” во Офицерски дом. 

Изминаа повеќе од 67 години, откако ансамблот на народни песни и игри ИЛИНДЕН од Битола, започна да ја чува, негува и да ја шири нашата традиција. Низ сите тие години светот се менуваше околу нас, но ИЛИНДЕН секогаш го чувал највредното. Помеѓу тие бисери се „Градските приказни“ кои се подвижен музеј за овој град.

Ансамблот ИЛИНДЕН е тука да го спои сѐ она што се менува и сѐ она што треба да остане исто. Ние сме врската помеѓу минатото и иднината. Тука сме да бидеме чувар на наследството, но и животворец на Битола низ песни и игри, затоа што Битола е градот, стоеше на најавата со плакат кој за овој настан го дизајнираше Сергеј Светозарев.

-„Битола е градот“, а КУД Илинден е синонимот за Битола. Најстар фолклорен ансамбл, едно од најстарите здруженија во Битола и нашата татковина, без прекин на континуитетот. КУД Илинден 67 години е амбасадор на Македонија во светот, се разбира и на сцените низ нашата држава. Сме настапувале од САД на Запад до Јордан на Исток, низ цела Европа, Австралија, Русија...Минатата година бевме дел од 6-тата светска фоклоријада во Уфа, Русија, како претставници на Македонија. Овој проект е нераскинливо врзан за нашиот ансамбл. Сите сцени на „Градските приказни„ се предизвик за нас, а Офицерскиот дом и како архитектура и како историја е место каде се спојуваат истокот и западот. Идеален простор каде можат да се претстават и Ала Турка и Ала Франга традициите преку непроценливи костими, песни и игри. Беше повеќе од предизвик да ги раскажеме нашите градски приказни токму на оваа локација, бидејќи ние сме еден од ретките ансамбли кои ги има градските игри, во формат на целовечерен концерт, вели Александар Стефановски, уметнички раковител на КУД Илинден.

Овој концерт, на барање на публиката ќе се одржи уште неколку пати, а веќе пристигнуваат покани за настапи на други сцени и на еден голем интернационален настан во организација на една од амбасадите во Македонија, за што ќе следуваат наскоро детали.

притисни ентер