Металург претрпе тежок пораз од Горење - Канал 5

Ракомет

Металург претрпе тежок пораз од Горење

Ракометарите на Металург претрпеа нов пораз во рамките на 15-то коло на регионалната СЕХА лига, овојпат на гостувањето против Горење во Словенија, откако загубија со 37:25 (21:13).

Металург претрпе тежок пораз од Горење
Тимот од Автокоманда немаше сили против составот од Велење, кој денеска беше подобар во текот на целиот натпревар и заслужено стигна до победата.
Ракометарите на Горење во оваа средба беа безгрешни од контри, откако постигнаа 11 гола од 11 обида, а и голманите на домаќините имаа свој ден - Ферлин забележа 15, а Запоншек шест одбрани.
Вања Илиќ со осум и Филип Кузмановски со седум гола беа најефикасни кај македонскиот тим. Цехте и Клец со по шест гола беа најдобри кај победниците.
За Металург ова беше деветти пораз во регионалното натпреварување каде ги загуби сите шанси за пласман меѓу четирите најдобри екипи. Во наредниот меч од СЕХА лигата, македонскиот тим ќе биде домаќин на Мешков Брест (7-ми март)./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски го осуди настанот со палењето на возилата пред бугарската амбасада

Министерот за внатрешни работи Панче Тошковски утринава го осуди настанот со палењето на возилата пред бугарската амбасада.

Тошковски го осуди настанот со палењето на возилата пред бугарската амбасада

Во контекст на тоа вели тој оди и брзото приведување на сторителот. Инцидентот претходно најостро го осудија од македонската влада и го оценија како недозволив и вандалски чин, рекоа дека секој обид за предизвикување тензии и ширење омраза ќе биде максимално санкциониран. Тошковски најави дека обвинителството ќе го води случајот како приоритетен.

YouTube video

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Украински дрон ја проби одбраната на Москва, гори рафинерија

Вонредна состојба на аеродромите, украински дрон ја оштети московската рафинерија за нафта, објави денес градоначалникот на Москва, Сергеј Собјанин. 

Видео: Украински дрон ја проби одбраната на Москва, гори рафинерија

„Во текот на изминатите 24 часа, нападите на непријателските дронови врз Москва продолжија. Едно од дроновите оштети објект на територијата на Московската рафинерија за нафта.

Немаше жртви“, напиша Собјанин на платформата Max, пренесува РИА Новости.

Седиштето на Министерството за вонредни ситуации во Москва потоа објави дека пожарот на територијата на компанијата е локализиран и дека ситуацијата е под контрола.

Собјанин рече дека од почетокот на денот, системите за воздушна одбрана собориле 60 дронови што летале кон градот.

Аеродромите Домодедово, Шереметјево и Внуково привремено воведоа ограничувања за пристигнување и заминување на авиони, според руската агенција.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Јошко Гвардиол останува во Манчестер Сити

Хрватскиот репрезентативец Јошко Гвардиол дефинитивно решил да го одбие Реал мадрид и да остане верен на Манчестер Сити до 2031 година.

Јошко Гвардиол останува во Манчестер Сити

Јошко Гвардиол останува во Манчестер Сити. По месеци шпекулации за можен трансфер во Реал Мадрид, хрватскиот репрезентативец стави крај на сите гласини и потпиша нов договор со англискиот гигант.

Веста прв ја објави познатиот фудбалски инсајдер Фабрицио Романо, кој потврди дека договорот е склучен и дека Гвардиол ќе остане на „Етихад“ до летото 2031 година.

Раководните луѓе на Манчестер Сити одлучија да го наградат хрватскиот дефанзивец со подобрени финансиски услови, сметајќи го за еден од најважните играчи на клубот за сегашноста и иднината.

Откако пристигна во Манчестер Сити во 2023 година, Гвардиол прерасна во еден од најпочитуваните дефанзивци во европскиот фудбал.

Неговата способност да игра како централен и лев бек, како и сигурноста при изнесување на топката од својата половина, го направи важен дел од системот. Новиот спортски директор Уго Вијана и тренерот Енцо Мареска наводно инсистирале клубот што поскоро да го заврши продолжувањето на договорот со хрватскиот репрезентативец.

Тагови: Манчестер сити

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер