Металург подготвен за дуелот со фаворизираниот ПСЖ - Канал 5

Ракомет

Металург подготвен за дуелот со фаворизираниот ПСЖ

Ракометарите на македонскиот вицепрвак Металург во сабота се домаќини на францускиот шампион и една од екипите со најголем буџет во Лигата на шампионите – ПСЖ.

Металург подготвен за дуелот со фаворизираниот ПСЖ
И двата тима во првото коло победија, но саботниот натпревар ќе биде прв вистински тест за двете екипи и за нивните можности во оваа сезона.

Тренерот на македонскиот вицепрвак Лино Червар на денешната прес конференција искажа многу пофални зборови за ривалот.

- Сезоната во Лигата на шампионите е долга, но секој дуел е важен, а нашиот следен ривал е еден од најголемите кандидати за самата завршица. Во оваа екипа настапуваат тројца „мои“ играчи Хрватите Игор Вори, Јаков Гојун и Марко Копљар, потоа крилата на олимпискиот шампион Франција, Самуел Онрубија и Лук Абало, најдобриот светски играч Михаел Хансен, Даниел Нарцис и уште многу други. За да имаме успех во дуел со ваква екипа, која не зависно каде игра е фаворит мора да напарвиме што е можно помалку грешки во одбраната и секако уште помалку во нападот, изјави Червар.

Во Металург веќе ја добија и потврдата дека Филип Миркуловски поради црвениот картон на натпреварот со Вакер Тун е казнет и нема право на настап, но и онака репрезентативниот бек немаше да настапи поради повредата на коленото. На повреда се жали и Павел Атман, но тој ќе биде во составот, додека тренерот Червар, за замената на Миркуловски ќе реши по двата последни тренига.

Капитенот Наумче Мојсовски вели дека имаат почит за екипата на ПСЖ, но ракометарите на Металург мора да одиграат со мирни глави и сите да дадат максимум.

Гостите од Франција утре со чартер лет доаѓаат во Скопје и ќе имаат и еден тренинг во СЦ „Борис Трајковски“. Натпреварот што се игра во сабота е во рамките на Ц групата и почнува во 18 часот.

Вчера од оваа група македонскиот првак Вардар загуби на гостувањето кај Динамо Минск со 26:24.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Претседателот на Финска: Украина е во најсилна позиција од почетокот на војната (ВИДЕО)

Финскиот претседател Александар Стаб изјави за германскиот весник „Билд“ дека не верува оти Русија би ризикувала да нападне членка на НАТО, додавајќи дека нема смисла да се тестира решителноста на алијансата.

Претседателот на Финска: Украина е во најсилна позиција од почетокот на војната (ВИДЕО)

Западните претставници веќе предупредија за растечките опасности од руските хибридни операции врз европските земји, вклучително и сајбер нападите, што потенцијално би довело до директен конфликт со НАТО. Германските претставници проценуваат дека Русија ќе биде во позиција да нападне членка на НАТО до 2029 година.

„Не знам дали некој има кристална топка, но едноставно не гледам никакви докази или факти што го поткрепуваат тоа“, рече Стаб во интервју за „Билд“ објавено синоќа. Тој исто така не верува дека Русија „би сакала некогаш да го нападне најмоќниот воен сојуз во светот“.

„Тоа нема смисла“

Финска се приклучи на НАТО во 2023 година, една година по рускиот напад врз Украина, со што ја напушти политиката на неутралност. Претседателот на таа земја забележува дека Северноатлантската алијанса треба да биде подготвена за какво било сценарио, но оценува дека Москва во никој случај не е во позиција да отвори војна со НАТО.

Силата на НАТО алијансата се гледа во конвенционалното оружје, ракетите и нуклеарното оружје. „Нема смисла која било сила во светот да ја тестира решителноста на овој сојуз“, рече Стаб.

Покрај тоа, Русија се соочува со непоправливи загуби во Украина, рече тој, со оглед на тоа што секој месец останува без 30 до 35 илјади војници, додека испраќа околу 27 илјади нови на бојното поле.

„Русите имаат сè помалку војници“

„Значи, тие имаат сè помалку војници во многу сложена ситуација. Едноставно не можам да замислам дека можам да мобилизирам сили на два фронта“, нагласи финскиот претседател.

Стуб верува дека затоа Украина е во посилна позиција од кога било од почетокот на војната и од витално значење е Европа да продолжи да ја поддржува. „И вие во Германија и ние во Финска мора да разбереме дека Украина е најдобрата безбедносна гаранција што ја имаме против Русија. Ако Украина изгуби, ние ќе изгубиме“, рече Стаб.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Филмски грабеж на автопат- крадат пилешко од ладилник во полна брзина (ВИДЕО)

Група од шест криминалци извршиле филмски грабеж на автопат во Египет, кога стигнале до камион што носел замрзнато пилешко и го префрлаат во зелен пикап додека возат со полна брзина.

Филмски грабеж на автопат- крадат пилешко од ладилник во полна брзина (ВИДЕО)

Грабежот го снимил мотоциклист, а снимката се појавила на интернет и привлекла внимание низ целиот свет.

Медиумите известуваат дека грабежот се случил на 25 август на пустински пат помеѓу Каиро и Исмаилија.

Според информациите од египетското Министерство за внатрешни работи, објавени од „Араб тајмс онлајн“, осомничените следеле камион-ладилник што носел замрзната храна.

Тие успеале да се приближат со полна брзина, а потоа извршиле опасен маневар - ја отвориле задната врата на камионот од хаубата на пикапот и почнале да ги вадат кутиите! Сцената им потсетила на многу гледачи на сцени од акциони филмови.

Потоа избегале, но полицијата ги идентификувала и ги лоцирала во скривалишта во Каиро и покраината Каљубија.

Кога безбедносните сили започнале операција за апсење, осомничените наводно отвориле оган. Следела престрелка во која тројца биле убиени, а тројца биле уапсени, објави „Араб тајмс онлајн“. Полицијата подоцна наводно пронашла зелен пикап, како и две автоматски пушки, пушка и украдено пилешко.

Тројцата уапсени биле предадени на јавното обвинителство и обвинети за вооружен грабеж, нелегално поседување оружје и пукање кон безбедносните сили.

Тагови: филмски грабеж

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

И утре многу топло време со температура до 38 степени, наместа ќе има пороен дожд

Времето утре ќе биде сончево и топло со мала до умерена локална облачност, информираат од УХМР.

И утре многу топло време со температура до 38 степени, наместа ќе има пороен дожд

МАКСИМАЛНА ТЕМПЕРАТУРА

23 Попова Шапка, 28 Крушево, 30 Маврови Анови, 31 Берово, Крива Паланка, 32 Прилеп, 34 Виница, Претор, 35 Струмица, Охрид, Битола, Штип, Тетово, 37 Скопје Петровец, Гевгелија, 38 Демир Капија, Кавадарци, Велес.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и топло со мала до умерена локална облачност. Во источните делови наместа беше нестабилно со пороен дожд, грмежи и засилен ветер. До крајот на денот ќе има услови за локална нестабиност проследена со пороен дожд, грмежи и засилен ветер.

ВРЕМЕТО УТРЕ

Сончево и топло со мала до умерена локална облачност. Наместа ќе биде нестабилно со пороен дожд, грмежи и засилен ветер. Ќе дува слаб до умерен ветер од југозападен правец. Минималната температура ќе биде во интервал од 14 до 22, а максималната ќе достигне од 30 до 38 степени.

Во Скопје, сончево и топло со мала до умерена облачност. Ќе дува слаб до умерен ветер од променлив правец. Минималната температура ќе се спушти до 19, а максималната ќе достигне до 38 степени.

ВРЕМЕТО ВО НАРЕДНИТЕ ДЕНОВИ

Од почетокот на новата работна седмица до почетокот на викендот ќе биде сончево и топло со мала до умерена облачност. Во попладневните часови ќе има услови за локална нестабилност која ќе биде поизразена во среда и четврток.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер