Мета и Мајкрософт намалуваат работни места, а воедно ги зголемуваат инвестициите во вештачката интелигенција - Канал 5

Технологија

Мета и Мајкрософт намалуваат работни места, а воедно ги зголемуваат инвестициите во вештачката интелигенција

Американските технолошки компании Мета и Мајкрософт објавија нови намалувања на работни места, а во исто време инвестираат десетици милијарди долари во развој на вештачка интелигенција.

Мета и Мајкрософт намалуваат работни места, а воедно ги зголемуваат инвестициите во вештачката интелигенција

Мета изјави дека на 20 мај ќе отпушти околу 10 проценти од своите вработени, или нешто помалку од 8.000 луѓе, како дел од претходно објавениот план за зголемување на ефикасноста, објавува Гардијан.

Покрај тоа, Мета елиминира 6.000 позиции кои беа планирани или веќе објавени, но сè уште не се пополнети.

Главниот директор за човечки ресурси на Мета, Џанел Гејл, изјави дека намалувањата се неопходни за да се „компензираат другите инвестиции“ од страна на компанијата.

Во претходна изјава, извршниот директор на Мета, Марк Закерберг, рече дека развојот на технологијата за вештачка интелигенција ја намалува потребата од вработување, бидејќи проектите за кои претходно беа потребни големи тимови сега се изводливи со значително помалку луѓе.

Компанијата планира да инвестира помеѓу 115 и 135 милијарди долари во вештачка интелигенција оваа година, што е речиси двојно повеќе од износот што го потрошила претходната година.

Мајкрософт, исто така, објави дека ќе понуди доброволно пензионирање на околу седум проценти од своите вработени во САД, што вклучува повеќе од 8.000 работници. Програмата е специјално дизајнирана за оние чија комбинирана возраст и должина на работен стаж во компанијата надминуваат 70 години.

Извршниот директор на Мајкрософт, Сатја Надела, вели дека компанијата веќе гледа значителни придобивки од вештачката интелигенција. Од април 2025 година, вештачката интелигенција придонесуваше за околу 30 проценти од кодот на компанијата.

Шефот на одделот за вештачка интелигенција на Мајкрософт, Мустафа Сулејман, отиде чекор понатаму, проценувајќи дека вештачката интелигенција би можела да ги замени повеќето канцелариски работни места во следните 12 до 18 месеци.

Трендот на отпуштања и големи инвестиции во вештачка интелигенција е присутен и кај други големи технолошки компании. Амазон отпушти најмалку 30.000 работници во последните шест месеци, додека планира да инвестира дури 200 милијарди долари во инфраструктура за вештачка интелигенција, а слични потези направија и Оракл и Блок, компанија предводена од поранешниот извршен директор на Твитер, Џек Дорси.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ракомет

Вардар против Мт Мелсунген на домашен терен ја завршува сезоната во ЕХФ Лигата на шампионите

Македонскиот ракометен шампион Вардар вечерва од 18-45 часот во Јане Сандански  ја затвара сезоната на европската сцена. противник на црвено црните е силниот германски преставник Мт Мелсунген.

Вардар против Мт Мелсунген на домашен терен ја завршува сезоната во ЕХФ Лигата на шампионите

Црвено-црните пред домашната публика ја затвораат европската сезона.

РК Вардар 1961 денес, 28 октомври, од 18:45 часот, во СЦ „Јане Сандански“ го пречекува германскиот МТ Мелсунген во натпреварот од шестото, последно коло од групната фаза на ЕХФ Лигата на шампионите.

Црвено-црните ќе се борат за втора победа во европската елита, со желба сезоната да ја заокружат со триумф пред своите навивачи. Поддршката од трибините ќе биде дополнителен мотив за Вардарци да го дадат максимумот и да се обидат да му се реваншираат на германскиот тим за поразот од 33:31 на првиот меѓусебен дуел во Касел, кога Вардар до самиот крај беше во игра за позитивен резултат.

Како горд партнер и силен поддржувач на РК Вардар 1961, Видеолотарија Касинос Австрија е повторно со црвено-црните и во овој нивен европски предизвик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јавните обвинители денеска избираат нов шеф на Обвинителството за организиран криминал и корупција

Јавните обвинители денеска избираат нов шеф на Обвинителството за организиран криминал и корупција.Вкупно 187 обвинители со право на глас ќе избираат меѓу петмина кандидати.

Јавните обвинители денеска избираат нов шеф на Обвинителството за организиран криминал и корупција

Во трката се Фатон Азизи, Трајче Пеливанов, Лидија Раичевиќ, Искра Хаџи Василева и Јован Цветановски.

Гласањето е тајно и ќе трае од 8 до 16 часот. По завршувањето, резултатите ќе бидат сумирани на јавна седница.

Кандидатите во своите програми најавија борба против корупцијата и перењето пари.Меѓу приоритетите се и зајакнување на истражните капацитети и финансиските истраги.

Се најавуваат и поголема ефикасност и независност на Обвинителството. Изборот се спроведува поради истекот на мандатот на актуелниот шеф Ислам Абази.

Тој беше избран на функцијата во октомври 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп му одобрил влез во САД на бразилскиот сенатор Флавио Болсонаро по неговиот пораз на претседателските избори

Американскиот претседател Доналд Трамп му одобрил влез во САД на бразилскиот сенатор Флавио Болсонаро.Одлуката доаѓа по неговиот пораз на претседателските избори во Бразил, пренесува Си-Ен -Ен.

Трамп му одобрил влез во САД на бразилскиот сенатор Флавио Болсонаро по неговиот пораз на претседателските избори

Според американски извори, визи добиле членовите на неговото семејство.Болсонаро, според медиумските извештаи, веќе пристигнал во Соединетите држави.не е познато каде слетал, ниту дали директно разговарал со Трамп.

Во Бразил тој е под истрага за сомневања за корупција и перење пари.Врховниот суд му наредил да ги предаде пасошите во рок од 24 часа.Болсонаро претходно негираше дека има намера да избега од земјата.Трамп изјави дека би го одобрил неговото доаѓање, критикувајќи го изборниот процес.

На изборите Болсонаро загуби од левичарскиот претседател Луис Да Силва кој освои повеќе гласови во вториот круг од гласањето.

Заминувањето на Болсонаро предизвика политички реакции и шпекулации за неговата иднина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер