Мета деактивирала над 540.000 профили поради забраната за социјални мрежи во Австралија - Канал 5

Живот

Мета деактивирала над 540.000 профили поради забраната за социјални мрежи во Австралија

 Компанијата „Мета“ деактивирала повеќе од половина милион кориснички профили во Австралија како последица на првата во светот забрана за користење социјални мрежи за лица помлади од 16 години, соопшти денеска компанијата.

Мета деактивирала над 540.000 профили поради забраната за социјални мрежи во Австралија

Според „Мета“, во периодот од 4 до 11 декември биле отстранети вкупно 544.052 профили за кои било проценето дека припаѓаат на корисници под 16 години. Од нив, 330.639 биле на „Инстаграм“, 173.497 на „Фејсбук“, а 39.916 на платформата „Тредс“.

Со новиот закон, кој стапи во сила на 10 декември, на лицата под 16 години им е забрането да имаат сопствени профили на 10 големи социјални мрежи, меѓу кои „ТикТок“, „Снепчет“, „Редит“ и „Јутјуб“.

Компаниите опфатени со законот добија рок од една година за воведување мерки за проверка на возраста, а прекршувањата ќе се казнуваат со високи парични казни, до 49,5 милиони австралиски долари (околу 33 милиони американски долари).

„Мета“ соопшти дека континуираното усогласување со законот ќе биде „повеќеслоен процес“, кој компанијата ќе продолжи да го унапредува. Сепак, во објава на својот блог, компанијата повторно изрази загриженост околу утврдувањето на возраста на корисниците на интернет без унифициран индустриски стандард.

„Како што и претходно изјавивме, Мета е посветена на исполнување на своите законски обврски и ги презема неопходните чекори за да остане усогласена со законот“, се наведува во соопштението.

Компанијата ја повика австралиската влада на „конструктивен дијалог со индустријата“ за да се изнајде подобро решение, како што е поттикнување на сите компании да обезбедат побезбедни и соодветни онлајн искуства за младите, наместо воведување општи забрани.

„Мета“ оцени дека продавниците за апликации треба да бидат задолжени да ја проверуваат возраста и да бараат согласност од родителите пред децата да можат да преземат апликација, нагласувајќи дека тоа е единствениот начин за доследна и сеопфатна заштита на младите корисници.

Тагови: Мета

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Потрага по телата на планинарите од БиХ – 16 спасувачи ја пребаруваат руската планина Елбрус (ВИДЕО)

Спасувачкиот тим на планината Елбрус работи со проширени капацитети за да стигне до телата на граѓаните на Босна и Херцеговина кои загинаа поради влошување на временските услови, објавија тие.

Потрага по телата на планинарите од БиХ – 16 спасувачи ја пребаруваат руската планина Елбрус (ВИДЕО)

Според информациите објавени во 10 часот наутро, спасувачкиот тим е засилен и ги бара исчезнатите алпинисти во планинскиот масив Елбрус.

Во операцијата учествуваат 16 спасувачи.

Спасувачи од Одделот за вонредни ситуации Елбрус на руското Министерство за вонредни ситуации, водичи и придружници, спасувачи од центарот „Лидер“ на руското Министерство за вонредни ситуации и спасувачи на „КАВКАЗ.РФ“.

Да потсетиме дека за време на искачувањето на Елбрус загинаа д-р Мелиха Чаушевиќ, Алма и Денис Окановиќ, Алмир Кривдиќ и Нермин Талам. Сите беа од Зеница, а Харис Адиловиќ и Кемал Видимлиќ преживеаја.

Драмата на највисокиот врв во Европа започна вчера, кога група од седум члена тргна на искачување. Иако временските услови првично беа поволни, ситуацијата набрзо се промени. Ветерот достигна брзина од 45 километри на час, а до утрото се зголеми на околу 70 километри на час, што го отежнуваше останувањето на планината.

Еден од преживеаните успеа сам да се симне од планината и да повика помош, додека другиот беше пронајден од спасувачите. Двајцата беа однесени во болница, каде што им беше укажана медицинска помош.

Руската државна новинска агенција РИА Новости, повикувајќи се на Главната дирекција на Министерството за вонредни ситуации за регионот Кабардино-Балкарија, објави дека спасувачките служби водат натчовечка битка со суровите временски услови на планината.

„Телата на алпинистите се наоѓаат на таканареченото „седло“ на планината Елбрус, на надморска височина од 5.350 метри. Нивната евакуација ќе се изврши само кога временските услови ќе дозволат“, соопшти руското министерство. Заедно со ова соопштение, министерството објави и видео-снимка што сведочи за екстремните и недостапни услови на теренот.

Министерството за вонредни ситуации потврди дека двајцата спасени алпинисти веќе се евакуирани и предадени на медицински работници за понатамошна нега.

Тагови: Елбрус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Тешко е повреден соиграч на Меси- веднаш го свртеа на страна и во паника повикаа доктор (ВИДЕО)

Фудбалерот Герман Бертераме од американскиот клуб Интер Мајами се повреди на натпреварот од МЛС против Монтреал.

Тешко е повреден соиграч на Меси- веднаш го свртеа на страна и во паника повикаа доктор (ВИДЕО)

Бертераме скокна со двајца противнички играчи - Даниел Переира и Ефаин Моралес. Но, не се снајде добро во тој дуел. Откако се урна, остана да лежи на тревникот.

Неговите соиграчи, како и противниците, сфатија дека нешто не е во ред со него. Го свртеа на страна и френетично ги повикаа лекарите да влезат на теренот. Единственото добро нешто што произлезе од таа ситуација беше што повремениот мексикански репрезентативец изнуди пенал, кој го реализираше Луис Суарез. Можете да ја видите ситуацијата ТУКА.

Бертераме постигна седум гола на 17 натпревари оваа сезона. Тој дојде во Мајами во првиот месец од оваа година за 12,6 милиони евра од Монтереј, Мексико. Деталите за неговата повреда сè уште се непознати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Маж од Градско изгубил контрола врз тракторот и загинал

На 25.07.2026 во СВР Велес било пријавено дека околу 18:00 часот кај место викано „Србиново“ во атар на с.Уланци, општина Градско, С.Л.(81) од Градско, управувајќи трактор со приколка , изгубил контрола и со тракторот излетал од патот. 

Маж од Градско изгубил контрола врз тракторот и загинал

Од здобиените повреди, С.Л. починал на местото, а смрт констатирал лекар од Итна медицинска помош.

Увид на местото извршила екипа од СВР Велес, а по наредба на јавен обвинител, телото на починатиот било дадено на обдукција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер