Единствено што се знае е темата: „Политичкиот плурализам и состојбата на опозициското делување“.

Во превод, тоа значи создавање на повеќе опозициски блокови по моделот на Вучиќ од Србија - разбивање на гласовите и збунување на граѓаните.

Еве ја поканата, не се гледа кој е организатор, кои се говорници.

Но, ние знаеме кој е организатор. Се вика Христијан Мицкоски, шеф на организирана криминална група ВМРО.

Затоа сè се одвива зад затворени врати, под “Chatham House Rule”.

Ова не е отворена дебата за иднината на Македонија.

Ова е класичен начин на кој Христијан Мицкоски создава свои сателити, ЗНАМ, 2.0.

Кога Мицкоски сака да направи нов политички проект за разбивање на опозициските гласови, тој не го прави тоа јавно. Тој собира луѓе без имиња, во сала без име, со организатор без име, и под странски правила за тајност, разговара за „иднината на државата“.

Chatham House Rule за луѓе без имиња, за организатор без име, за политика на иднината без лице.

Играчи кои треба да ја обликуваат судбината на Македонија според туѓи интереси - интереси на Христијан Мицкоски и агенди на други држави, како Русија и Кина.

Изолирана држава – слепо црево на Балканот и Европа.

Во исто време кога Европската Унија постојано предупредува за мешање на странски служби во политиката на Мицкоски, тој продолжува да спроведува туѓи агенди.

Мицкоски секојдневно ги исполнува туѓите барања - но никогаш македонските и европските.

Затоа и се крие зад затворени врати, исто како што ги крие криминалните тендери.

Затоа и нема имиња.

Затоа и се користи странско правило за тајност.

Ова е ЗНАМ 2.0.

ЗНАМ еднаш ја предаде својата партија, а потоа и своите гласачи, ставајќи ги нивните гласови на располагање на Христијан Мицкоски и организираната криминална група ВМРО.

Граѓаните не се наивни.

Денес граѓаните јасно гледаат кој стои зад овој проект. Се гледа и од авион - Христијан Мицкоски и неговата банда. Од оној авион во кој не го болат колената.

Единствената вистинска опозиција ќе биде обединета околу Фронтот за вистина и правда.

Вратите на Фронтот се отворени за сите што сакаат демократско општество, без лаги и корупција. Општество што знае дека Европа нема алтернатива. Сè друго е проект на организирана криминална група, предводена од нејзиниот шеф, Христијан Мицкоски.

Фронтот има име и презиме - Македонија и Европа. Тоа е лицето на иднината. Тоа се вика патриотизам.

Изјава, Кристијан Дојчиновски - СДММ

Скопје, 30.06.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Заменикот министер за одбрана Адмир Шабани денеска (30 јуни) се обрати на свеченоста пред Командата на Балканските медицински наменски сили (БМНС), организирана по повод примопредавање на претседавањето со Управниот одбор на БМНС, примопредавање на должноста Командант на БМНС, како и примопредавање на позицијата „рамковна земја“ на БМНС. Со оваа свеченост, земјава го превзема командувањето со БМНС и позицијата „рамковна земја“, додека претседавањето со Управниот одбор го превзема Словенија. На свеченоста присуствуваше и началникот на Генералштабот, генерал-мајор Сашко Лафчиски.

Во обраќањето, заменикот-министер истакна дека Балканските медицински наменски сили се доказ дека ако една е идеја заснована на доверба, партнерство и заедничка одговорност, таа може да прерасне во успешен и препознатлив модел на регионална соработка.

„Во време кога безбедносните ризици стануваат сè покомплексни, а природните катастрофи, здравствените кризи и хуманитарните предизвици не познаваат државни граници, ниту една земја не може сама да ги изгради сите потребни капацитети. Токму затоа Балканските медицински наменски сили претставуваат пример како преку здружување на знаењето, ресурсите и способностите можеме да изградиме систем кој е посилен од збирот на неговите поединечни делови“, рече Шабани.

Тој додаде дека фактот дека нашата земја е домаќин на Постојаната организација претставува признание и доказ за нашата улога како доверлив партнер, како држава која верува во дијалогот, соработката и заедничките решенија, а се осврна и на преземањето на функцијата командант на БМНС, како чин од особено значење за македонската Армија.

„Ова не е само чест. Ова е голема одговорност. Одговорност да продолжиме да ги развиваме мултинационалните медицински способности, да обезбедиме квалитетна обука, современа опрема, интероперабилност и висока подготвеност на единицата за сите мисии и задачи што можат да произлезат во иднина. Убеден сум дека нашите професионалци ќе ја оправдаат довербата што им е укажана и ќе придонесат за понатамошното зацврстување на Балканските медицински наменски сили како респектабилен регионален капацитет, целосно усогласен со стандардите на НАТО, Европската Унија и Обединетите Нации“, рече заменикот-министер.

На свеченоста се обратија и досегашниот и новопоставениот командант на БМНС, полковникот Вељко Милиќ и полковникот Драганчо Војнески.

Полковникот Милиќ порача дека денес БМНС е меѓународна организација со дипломатски статус, чиј „централен оперативен капацитет е Полската болница од ниво РОЛ 2Б, составена од најмногу 100 припадници, високо квалификувани и посветени медицински професионалци од шесте земји учеснички.“

Полковникот Војнески, пак, укажа на угледот, достигнувањата и стратешкото значење што оваа организација ги изгради во текот на изминатата деценија. Додаде дека досегашното искуство покажува дека предизвиците со кои денес се соочуваме можат да се надминат единствено преку единство, координација и заедничка посветеност.

На свеченоста се обрати и амбасадорката на Норвешка, Кристин Мелсом која порача дека земјата активно да го поддржува развојот капацитетите и интероперабилноста на БМНС.

Денеска беа одбележани и два значајни јубилеи – 15 години од покренувањето на иницијативата за формирање на БМНС и 10 години од воспоставувањето и отворањето на Постојаната организација на БМНС со седиште во Скопје, а беа доделени и плакети на лицата заслужни за развој на оваа иницијатива во изминатиот период.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Откако Апелацискиот суд претходно ја потврди пресудата со која Јакимовски е осуден на една година затвор, Основниот кривичен суд Скопје го прифатил неговото барање за одлагање на издржувањето на казната.

Сепак, конечната одлука за тоа до кога ќе трае одлагањето сè уште не е донесена, бидејќи судот не ги добил медицинските извештаи од двете приватни здравствени установи што ги навел Јакимовски.

До донесувањето на одлуката, Јакимовски нема да биде упатен на издржување на затворската казна.

Јакимовски инаку е правосилно осуден на една година затвор за незаконската изградба на општинската зграда. Во издржувањето на казната ќе му бидат пресметани и петте месеци што ги поминал во куќен притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.