Фудбал

Меси проговори за Роналдо и откри во каков однос се двајцата врвни фудбалери

Со децении, фудбалскиот свет беше поделен на два табора - оние кои се колнат во магијата на Лионел Меси и оние кои веруваат дека Кристијано Роналдо е неоспорен крал поради неговата голгетерска способност.

И додека дебатата за тоа кој е „GOAT“ продолжува, особено откако Меси го крена трофејот на Светското првенство во 2022 година, главните ликови во оваа приказна негуваат само меѓусебно почитување.

Во своето најново интервју со познатиот водител Пол Алварез, Лионел Меси се отвори за својата врска со својот најголем ривал. Иако сега се во „различни фази“ од нивните животи и кариери, Аргентинецот ја опиша својата борба со Роналдо со избрани зборови.

- Тоа беше прекрасно спортско ривалство. Тоа е нешто сосема нормално во светот на фудбалот. Тој беше во Реал Мадрид, јас бев во Барселона, и двајцата се боревме за трофеи, и колективни и индивидуални - започна Меси.

Тој објасни како притисокот на јавноста всушност ја хранеше нивната големина:

- Во очите на луѓето, тоа секогаш се претвораше во натпревар каде што избирате едниот или другиот. По патот, двајцата почнавме да освојуваме многу важни работи, што го направи тоа соперништво уште поголемо отколку што веќе беше.

Она што најмногу ја интересира јавноста е нивниот приватен однос надвор од камерите и стадионот. Меси беше јасен - омразата никогаш не се наоѓаше во нивните обраќања.

- Никогаш немаше лоша крв меѓу нас. Немавме вистинско пријателство бидејќи се гледавме само на доделување награди, но секогаш имавме многу добар однос кога се среќававме - заклучи легендарниот Аргентинец.

- Да се потсетиме, додека Меси моментално го води Интер Мајами во САД, Роналдо руши рекорди во дресот на Ал Наср во Саудиска Арабија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.