Конески со порака по повод Меѓународниот ден на студентите: Младите треба да бидат активни учесници во создавање на политиките наменети за нив
1Конески со порака по повод Меѓународниот ден на студентите: Младите треба да бидат активни учесници во создавање на политиките наменети за нив
Опасен ТикТок предизвик се шири меѓу младите- скокаат пред возило за да го тестираат трпението на возачите
1Опасен ТикТок предизвик се шири меѓу младите- скокаат пред возило за да го тестираат трпението на возачите
КултураМешаниот барокен квартет „Teatro alla moda" од Холандија вечерва на „Охридско лето"Музичката програма на „Охридско лето" продолжува со вечерашниот концерт на барокниот оркестар „Teatro alla moda" од Холандија.Земајќи го името од дискурсот на Бенедето Марчело (напишан во 1720), „Teatro alla moda" е ансамбл што ја негува историски автентичната интерпретација на барокната музика. Членовите на ансамблот доаѓаат од различни културни средини, но заедничкиот јазик го наоѓаат во Холандија за време на нивните студии на Кралскиот конзерваториум во Хаг. Комбинирајќи виртуозност и темелно „читање" на делата од барокниот репертоар, овие музичари истражуваат материјали кои ги комбинираат различните барокни инструменти виолина, барокна флејта, обоа, виола да гамба и чембало и изведуваат дела од многу раниот барок па до раната класика. „Teatro alla moda", редовно настапува во Холандија, а на интернационалната сцена настапуваат на фестивали во Исланд, Франција, Португалија и Македонија. Лилија Славну, уметничката на барокна виолина, е родена во Москва. Започнува да учи виолина во нејзиниот роден град, а продолжува да се образува во Ерусалим и во Холандија каде студира со Елизабет Валфиш. Соработува со признати музичари како што се: Џејмс Боуман, Меги Кол, Антони Рули, Шалев Ад – Ел, Тон Купман, Алфредо Бернандини, Енрико Онофри, Филип Јаруски, Сандрин Пјау и др. Настапува на фестивалите за рана музика во Утрехт, Лајпциг, Брежице, Кремона, а соработува со познати барокни ансамбли како што се: Англиските барокни солисти, Хармони Универсел, Габриели Консорт, Дунедин Консорт и Холандскиот Бахов ансамбл. Свири во Амстердамскиот барокен оркестар на Тон Купман и е постојан член на Парискиот оркестар Le Cercle de l'Harmonie. Аргентинецот Диего Надра, маестро на барокна обоа, своето музичко образование со започнува на флејта и обоа, а од 1995 специјализира барокна обоа. Во 1997 година ги започнува студиите на Кралскиот конзерваториум во Хаг и на Конзерваториумот во Амстердам. Соработува со некои од најзначајните барокни ансамбли во Европа како што се: Музика антика – Келн, Кончерто Келн, Швајцарски барокни солисти, Ирски барокен оркестар, Музичари на Лувр, Академија за стара музика Берлин, Кончерто Копенхаген и многу други. Настапува низ цела Европа, но и во Сирија,Русија, Израел, САД, Јапонија, Турција, Исланд, Бразил, Јужна Кореа и Аргентина. Џошуа Четам студиите на виола да гамба ги завршува во Холандија откако претходно ги завршува студиите за контрабас на Универзитетот „Вандербилт". Дипломира на Кралскиот конзерваториум во Хаг во 2003 година, а сега предава виола да гамба на Универзитетот во Утрехт. Во 2006 година му е доделена специјалната награда за особени достигнувања, индивидуалност и талент од областа на ренесансната и барокната музика. Настапува со различни ансамбли како Ансамбл „Пигмалион", Хатор Консорт, „Вокс луминис" и др. Нашата уметничка Цветанка Созовска дипломира чембало во класата на проф. Борис Романов во родното Скопје по што специјализира чембало во Холандија, дипломира и магистрира на Кралскиот конзерваториум во Хаг. Како солист и камерен музичар на пијано и чембало, Созовска настапува низ цела Европа и во Јужна Кореја. Настапува на Фестивалот „Каза де Матеуш" во Португалија, и настапува на турнеја во Франција со Барок Опера Амстердам. Во 2009 година предава чембало и басо континуо на курсот во Бургос, Шпанија каде настапува со Оркестарот „Кадакес" под диригентската палка на Сер Невил Маринер. Со Оркестарот на 18 век под водство на Франс Бруген и со балетската компанија „Леине и Роебана" свири на повеќе проекти и остварува турнеи во Холандија, Полска и Франција. Цветанка Созовска живее и работи во Холандија, каде во периодот од 2006-2016 година беше корепетитор на одделот за рана музика на Конзерваториумот во Утрехт. Предава чембало во музичкото училиште во Утрехт. Концертот на барокниот квартет е од 21 часот во прекрасната акустика на катедралната црква „Света Софија". Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаКонески со порака по повод Меѓународниот ден на студентите: Младите треба да бидат активни учесници во создавање на политиките наменети за нивСтудентските години се специфични токму затоа што во нив истовремено постои и слободата да се сонува и потребата тие соништа постепено да се претворат во реалност.Денес, кога го одбележуваме Меѓународниот ден на студентите, мислам дека најубаво е да зборуваме за студентството онакво какво што навистина е — како еден од најзначајните периоди во животот на човекот, во кој заедно со знаењето се создаваат ставовите, пријателствата, амбициите и првите сериозни идеи за тоа каков живот сакаме да живееме и какво општество сакаме да создадеме. Студентските години се специфични токму затоа што во нив истовремено постои и слободата да се сонува и потребата тие соништа постепено да се претворат во реалност; затоа студентот денес има потреба и од добро образование и од современа технологија, и од можност да истражува и од пристојни услови за живот, но и од чувство дека неговиот труд и потенцијал се препознаени. Кога разговараме со студентите, токму тие секојдневни работи најчесто се покажуваат како најважни — дали можат да си дозволат уред со кој ќе ја следат наставата и ќе истражуваат, дали имаат поддршка за студентскиот оброк, дали можат да добијат стипендија, дали студентскиот дом е место во кое навистина можат достоинствено да живеат и дали до факултет можат да стигнат без секојдневниот превоз да биде дополнителен товар. Затоа е важно зад зборовите за студентскиот стандард да стојат конкретни нешта. Поддршката за електронски уреди, субвенционираниот студентски оброк, стипендиите, инвестициите во студентските домови, бесплатниот превоз и пристапот до меѓународни научни бази се различни мерки, но сите имаат иста цел — студентот да има подобри услови своето знаење да го претвори во можност. Особено значајно е што и кај студентскиот оброк се разговара за решение што би одговорило подобро на реалните потреби на студентите, со предлог месечната поддршка да се зголеми на 4.500 денари и да се воведе дигитален модел преку кој средствата би се користеле за храна, со дополнителни попусти кај вклучените маркети и угостителски објекти. Но, колку и да се важни условите, студентскиот живот не може да се сведе само на нив, затоа што универзитетот не е само место каде што се полагаат испити, туку простор каде што се среќаваат различни мислења, каде што се учи да се аргументира, да се слуша другиот и понекогаш да се промени сопствениот став, а токму таа критичка мисла е една од највредните работи што една генерација може да ги понесе со себе. Токму затоа Унијата на млади сили на ВМРО-ДПМНЕ ја гледа својата улога како партнер на студентите, а не како организација што ќе зборува во нивно име без да ги слушне; разговараме директно со нив, ги слушаме нивните предлози и проблеми, сакаме да ги отвориме темите што ги засегаат и, кога ќе препознаеме добра идеја, да создадеме начин таа да стане иницијатива, затоа што веруваме дека младите не треба да бидат само корисници на политиките што се носат за нив, туку активни учесници во нивното создавање. И мислам дека токму тука е најважната порака на денешниот ден: младите не се само иднината за која зборуваме во идно време, туку генерација која веќе денес учи, истражува, создава, предлага и презема одговорност, а наша задача е да создадеме услови тој потенцијал да не остане само на ниво на желба, туку да добие простор за реализација. Драги студенти, ви го честитам Меѓународниот ден на студентите и ви посакувам да не ја изгубите љубопитноста што ве натерала да го изберете вашиот факултет, храброста да поставувате прашања и слободата да создавате сопствени одговори, затоа што токму од такви млади луѓе — образовани, критички настроени, љубопитни и подготвени да преземат одговорност — се создава едно посилно и поуспешно општество. Среќен Меѓународен ден на студентите! Тодор Конески, претседател на УМС на ВМРО-ДПМНЕТагови: Тодор Конески Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ЖивотОпасен ТикТок предизвик се шири меѓу младите- скокаат пред возило за да го тестираат трпението на возачите Уште еден опасен предизвик, кој се прошири од социјалната мрежа TikTok, стигна до улиците.Децата се преправаат дека трчаат на пешачки премин за да ги тестираат рефлексите и реакциите на возачите, а експертите предупредуваат дека таквата игра може да заврши трагично, објави Телеграф. Овој опасен тренд е забележан во Романија, каде што неколку деца се снимени како се преправаат дека трчаат преку улицата додека чекаат на семафор. Нивната цел, наводно, е да проверат како ќе реагираат возачите кои имаат зелено светло во тој момент. Проблемот е што децата си играат на една од најпрометните локации во градот, каде што само едно непромислено движење или момент на невнимание може да доведе до сериозна несреќа. Возачите од Галати тврдат дека ваквите случаи се повторуваат сè почесто во последно време и дека се принудени да бидат особено внимателни дури и кога имаат предност. „Ова се случува во Текучи, дури и кога одам надолу. Улицата е еднонасочна, но секогаш забавувам бидејќи знам што се случува. Сите ми свират, но јас сепак забавувам. Кога ќе видите дете, рефлексно закочувате и се обидувате да го избегнете со свртување лево. Едното е тука, другото е таму“, велат возачите. Инструкторите за возење предупредуваат дека е потребно превентивно да се вози, особено во близина на пешачки премини, дури и кога семафорот е зелен. „Ова е забавно за децата, но е многу опасно за возачите. Мора да возиме превентивно. Кога се приближуваме до пешачки премин, дури и ако имаме зелено светло и пешаците чекаат од страна, мора да забавиме и да им обрнеме внимание“, објасни инструкторот за возење Чипријан Сава. Загриженост за ова однесување изразија и граѓаните, кои веруваат дека родителите треба повеќе да ја контролираат содржината што нивните деца ја гледаат на TикТок и на другите социјални мрежи. „Родителите треба повеќе да следат што гледаат нивните деца на TikTok и на други мрежи. Ова е многу ризично и не мислам дека некој им објаснува на каква опасност се изложуваат. Ако не го познавате вашето дете доволно добро, тоа може да биде голем проблем. Децата одат на училиште, забораваат на сè и почнуваат да се задеваат едни со други, а потоа можат да се случат секакви работи“, предупредуваат граѓаните. Ова не е прв пат виралните предизвици на социјалните мрежи да ги доведат децата во опасност. Пред две години, десетици деца завршија во болница со скршеници и истегнувања откако скокнаа од висина обидувајќи се да го имитираат Супермен, како дел од тогаш популарниот предизвик на TikTok. Затоа, експертите ги повикуваат родителите да разговараат со своите деца за опасностите од ваквите трендови и да ја следат содржината на која се изложени на интернет, додека на возачите им се советува да бидат дополнително внимателни во близина на пешачките премини.Тагови: предизвик ТикТок Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
СветРубио повторно вети дека САД ќе ги заштитуваат сојузниците- иранските напади стигнаа до Бахреин Американскиот државен секретар Марко Рубио ги осуди нападите на Иран врз Бахреин за време на телефонскиот разговор со министерот за надворешни работи на Бахреин, Абдулатиф бин Рашид ал-Зајани, соопшти Стејт департментот во понеделник.„Државниот секретар ги осуди нападите на Иран врз Бахреин и ја потврди посветеноста на Соединетите Американски Држави на безбедноста на Бахреин и сите наши партнери во Заливот“, се вели во соопштението, според Ројтерс. Иран лансираше беспилотни летала врз американските бази во Бахреин во неделата, додека Бахреин соопшти дека пресретнал и уништил неколку ирански воздушни напади. Ова беше прв пат од септември воздушната одбрана на Бахреин да пресретне ирански напади. Корпусот на Исламската револуционерна гарда соопшти дека нападнала американска воена база во Бахреин со шест беспилотни летала, според иранската новинска агенција Фарс, како одговор на „непријателските американски акции“. Два дена претходно, гардата тврдеше дека нападнала американски радарски објект за рано предупредување во земјата. Американската војска го негираше ова, наведувајќи дека пресретнала два ирански беспилотни летала и дека не е предизвикана никаква штета. Бахреин има статус на главен сојузник на САД кој не е член на НАТО. Конфликтот со Иран започна на 28 февруари, кога САД и Израел ја нападнаа земјата, на што Техеран одговори со напади врз Израел и земјите од Персискиот Залив каде што се наоѓаат американски воени бази.Тагови: Бахреин Марко Рубио Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter