Точно е, ситуацијата се подобрува, но возачите имаат сѐ поголеми барања, што на крајот значи дека денес, за многумина, дополнителни десет минути на полнач се недостижен луксуз.

Затоа, во последниве години, Мерцедес одлучи да започне проект за развој на таканаречената соларна боја што би овозможила зголемување на опсегот на електрични возила. Според најновите резултати, примената на вакви премази би можела да обезбеди автономија од над 14.000 км годишно, на пример, во Пекинг, што е повеќе од годишната километража на просечен возач.

Секако, споменатата километража подразбира идеални услови, но и предуслов автомобилот да се користи до 39 км дневно. Имено, за таков дофат, овој специјален слој би можел да обезбеди електрична енергија за погон на електричниот мотор. Проектот вклучува употреба на соларни ќелии со ефикасност од 20 проценти.

„Резултатите од тековните истражувања покажуваат дека е можно да се обезбеди константен висок напонски излез од 800 волти, без оглед на степенот на полнење и состојбата на поединечните ќелии.“ Ова, пак, би можело да го отвори патот за поголем домет, оптимизиран проток на енергија за двонасочно полнење и нови нивоа на слобода во модуларизацијата.

Дури и сопирачките не се занемарени, па затоа Мерцедес работи на развој на „иновативен и поодржлив систем за сопирање“ каде што сопирачката не се наоѓа на самото тркало. Наместо тоа, тој е интегриран во затворена моторна и менувачка единица. Мерцедес наведува дека таквата сопирачка „скоро и да не се троши и практично не бара одржување“. Новиот систем не 'рѓосува, не испушта честички, не губи ефикасност под големи оптоварувања, а во исто време е потивок и има позитивен ефект врз дометот и енергетската ефикасност.

Конечно, Мерцедес соработува со канадскиот Универзитет во Ватерло на развој на невроморфно пресметување. Оваа технологија го имитира начинот на кој луѓето размислуваат и би можела „да ја направи обработката на податоци со вештачка интелигенција значително енергетски поефикасна и побрза“. Ова би им овозможило на безбедносните системи многу подобро да ги препознаваат сообраќајните знаци, сообраќајните ленти и другите учесници во сообраќајот и да реагираат побрзо - дури и при слаба видливост. Овие решенија би можеле да бидат и до десет пати поефикасни од сегашните системи.

Во секој случај, на тековниот саем за автомобили во Шангај, Мерцедес јасно покажа дека се разбудил и се впуштил во силен технолошки развој во областа на електромобилноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.