Мерцедес подготвува електрични спортски автомобили со „лажен“ менувач и „V8“ звук - Канал 5

Автомобилизам

Мерцедес подготвува електрични спортски автомобили со „лажен“ менувач и „V8“ звук

Ќе направиме „многу емотивни“ електрични спортски модели.

Мерцедес подготвува електрични спортски автомобили со „лажен“ менувач и „V8“ звук

Иако тврдокорните фанови веруваат дека електричните автомобили не можат да обезбедат иста емоција како моделите со мотори со внатрешно согорување, Мерцедес преку својата „AMG“ дивизија тврди поинаку.

Целта е да се пренесе децениско искуство во новата ера на електрични возила.

Во интервју за „WhichCar“, шефот на „AMG“ во заминување, Михаел Шибе, откри дека неговиот тим работи на развој на електрични перформанси што ќе вклучуваат симулирано менување на брзините и лажен звук на „V8“, за што се ангажирани експерти од музичката индустрија.

„Важно е возачот да почувствува поврзаност со автомобилот - емоцијата мора да биде присутна, дури и со електричен модел“, рече Шибе.

„AMG“ работи и на сосема нов „V8“ мотор, кој треба да се појави во 2027 година со поголема моќност, помала потрошувачка и усогласеност со стандардите „Euro 7“.

Се очекува моторот да остане во понудата сè додека постои побарувачка, особено надвор од Европа, каде што забраната за мотори со внатрешно согорување ќе дојде подоцна.

Додека електричните автомобили, како што е концептот „AMG GT XX“, се насочени кон нова публика, љубителите на класичните „V8“ мотори сè уште имаат причина да бидат оптимисти.

Мерцедес планира паралелно да развива спортски електрични и бензински модели, за да ги задоволи обете групи клиенти.

Можеби ќе ве интересира: Мерцедес сепак нема да користи БМВ мотори

Прописите и даноците веќе ги туркаат производителите кон електрификација, па затоа се очекува конкурентите како што се „BMW“ и „Audi“ брзо да воведат хибридни и електрични модели.

Извор: Б92

Тагови: AMG V8 мотор мерцедес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

Директорот на БЈБ Јанев во работна посета на Полициското одделение и Граничниот премин Ново Село

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер