Мерцедес ја тужи Европската Комисија - Канал 5

Автомобилизам

Мерцедес ја тужи Европската Комисија

Германскиот производител на луксузни автомобили Мерцедес-Бенц, ја тужеше Европската комисија поради тарифите за увоз на електрични автомобили од Кина, приклучувајќи им се на БМВ, Тесла и група кинески компании.

Мерцедес ја тужи Европската Комисија

Mercedes-Benz, исто така, одлучи да ги оспори тарифите пред Европскиот суд на правдата (ECJ), заедно со Tesla и BMW, изјави портпаролката на компанијата.

ЕУ ги воведе тарифите на крајот на октомври, тврдејќи дека, според резултатите од истрагата, државните субвенции им даваат на кинеските компании нелојална предност во пазарната конкуренција.

Највисока царина е воведена за кинескиот производител на електрични автомобили SAIC, од 35,3 отсто. Следува Geely со 18,8 проценти и BYD со 17 проценти.

Комисијата утврди најниска царинска стапка за увоз на автомобили произведени во Кина има американската Тесла, од 7,8 отсто.

Американската компанија поднесе жалба против Комисијата во врска со одлуката за тарифи минатата среда, последниот ден од жалбениот период, приклучувајќи им се на Geely, SAIC и BYD, Кинеската комора за надворешна трговија CCCME и германската BMW, покажуваат судските документи.

Mercedes соработува со Geely во Кина, забележува новинската агенција Dpa.

Европскиот парламент во извештајот објавен во октомври цитира „повеќе извори“ дека кинеските компании (како што се BYD, Nio и Xpeng) сè уште извезуваат релативно малку автомобили и дека две третини од кинескиот увоз во ЕУ се возила произведени од воспоставените ЕУ и САД компании во Кина“.

Портпаролот на Европската комисија одговори на прашање во врска со тужбата велејќи дека тие се „подготвени да ја бранат својата одлука на суд“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Службеник во Агенцијата за вработување во Прилеп примал поткуп- уапсен е

Лишен од слобода вработен во АВРСМ Прилеп за примање поткуп, следува пријава.

Службеник во Агенцијата за вработување во Прилеп примал поткуп- уапсен е

На 24.07.2026 во 17:15 часот во Прилеп, полициски службеници го лишија од слобода Д.Т.(50) од Прилеп, вработен во АВРСМ, поради сомнение за сторено кривично дело „примање поткуп". Според пријавеното, тој на 47-годишно лице од Прилеп, невработено и примател на социјална помош, од април до јули во неколку наврати побрала и примил поткуп за да не му ја укинат социјалната помош затоа што од здравствени разлози одбил работно место во фабрика во Битола.

При претрес во неговиот дом, извршен со судска наредба, биле пронајдени предмети од кривичното дело. По целосно документирање на случајот против него ќе биде поднесена соодветна пријава, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Бесплатен панорамски разглед на Скопје по повод 63 години од земјотресот

По повод 63-годишнината од катастрофалниот земјотрес што го погоди Скопје во 1963 година, денес организиравме бесплатен панорамски разглед на градот - патување низ историјата, спомените и духот на старо Скопје.

Ѓорѓиевски: Бесплатен панорамски разглед на Скопје по повод 63 години од земјотресот

Со панорамски автобус и стручно водство од туристички водич од Македонската асоцијација на туристички водичи и придружници, граѓаните имаа можност да дознаат како изгледало Скопје пред земјотресот, да ги слушнат приказните за објектите што биле разрушени, како и за местата што го обликувале препознатливиот лик и животот на градот.

Скопје е град кој ја претвори трагедијата во сила, а спомените во темел врз кој ја гради својата иднина.

Затоа наша обврска е да ја чуваме меморијата за минатото, да го негуваме културното и историското наследство и да ја пренесуваме приказната за Скопје на идните генерации, објави на ФБ градоначалникот Орце Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Авион падна врз куќа во Германија- има загинати (ВИДЕО)

Драматична авионска несреќа се случила денеска непосредно пред 11 часот наутро во Гандеркезе, Германија.

Авион падна врз куќа во Германија- има загинати (ВИДЕО)

Сино-бел авион се урна на покривот на семејна куќа. Според полицијата, едно лице го загубило животот. Сè уште не е јасно дали станува збор за пилотот.

Силен тресок утрово ја потресе мирната станбена улица во Гандеркезе (округ Олденбург) во Долна Саксонија, Германија. Малиот авион претходно изгубил висина и се урнал дијагонално низ ќерамидите на покривот. Кокпитот бил целосно уништен, крилата се скршиле, а делови од остатоците паднале на земја, објави Билд.

Спасувачките служби биле во голем број на местото на падот на авионот. Пожарникарите го пребарувале покривот од мобилна скала, додека полицијата го блокирала подрачјето. Постојат индикации дека во авионот имало друго лице, но тој сè уште не е пронајден. Спасувачите користеле дрон за да се обидат да го лоцираат.

Семејството што живее во куќата не било во објектот во времето на несреќата. Очигледно, авионот полетал од Бремен непосредно пред да се случи несреќата.

Тагови: авион Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер