Овој импресивен автомобил, ограничен на само 30 примероци, носи технички и стилски референци на актуелниот автомобил Mercedes-AMG F1 W16 E PERFORMANCE.

Со извонреден сооднос на моќност и тежина, GT2 Edition W16 станува најмоќниот автомобил Mercedes-AMG Customer Racing на сите времиња. Развива до 830 КС (610 kW) и е опремен со голем број нови аеродинамични елементи, вклучувајќи активни отвори над предните тркала, функцијата Push2Pass и интегриран систем за намалување на отпорот (DRS).

Технички детали и перформанси

Кими Антонели, возач на тимот Mercedes-AMG PETRONAS F1, е спонзор на ова ограничено издание. Автомобилот е напојуван од подобрен 4,0-литарски V8 битурбо мотор, кој, со активирана функција Push2Pass, обезбедува дополнителни 100 КС и 200 Nm вртежен момент, достигнувајќи вкупно 1000 Nm.

Благодарение на конзистентната лесна конструкција, Мерцедес GT2 Edition W16 тежи само 1.430 килограми, што резултира со импресивен сооднос од 1,7 кг/КС. Моќта се пренесува преку секвенцијален шестстепен тркачки менувач со модифицирани соодноси на менувачот.

Дизајн инспириран од Формула 1

Дизајнот на автомобилот јасно ја одразува поврзаноста со Формула 1, со рачно насликан ѕвезден дезен на задните страни и нежни контрастни елементи во смарагдно зелената боја карактеристична за PETRONAS, главниот партнер на тимот Mercedes F1.

Формалното предавање на Mercedes-AMG GT2 Edition W16 е планирано како дел од ексклузивен настан на европска тркачка патека, вклучувајќи детално запознавање со возилото, време на патеката и средба со возачите и членовите на тимот Mercedes-AMG PETRONAS F1. Заедно со возилото, среќниот сопственик добива и специјална кацига и одело. За тие пари, многу пристоен подарок од Германците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.