Ова спортско купе со четири врати испорачува неверојатна моќност од повеќе од 1.000 kW (1.360 КС) благодарение на три мотори со аксијален флукс, еден напред и два назад.

Досег од 400 км за 5 минути

Тоа е тоа, Мерцедес-AMG е сѐ поблиску до нокаутирање на својот конкурент, Taycan. Mercedes е најгорд на најголемиот пробив што го направиле со револуционерното полнење. Тоа ви овозможува да ја наполните вашата батерија за досег од 400 км за само пет минути. Просечната моќност на полнење е повеќе од 850 kW при напон од над 800 волти, што го прави овој автомобил едно од најбрзо полнливите електрични возила досега развиени.

Нов тип на мотор

Моторите со аксијален флукс претставуваат значаен технолошки пробив бидејќи се три пати помоќни од конвенционалните електрични мотори, две третини полесни и зафаќаат само една третина од просторот. Оваа компактност овозможува поголема слобода во дизајнот на погонскиот склоп, додека директното ладење на ќелиите на батеријата обезбедува оптимални перформанси за време на интензивно возење.

Знаење од Ф1

Возилото ја користи сосема новата архитектура AMG.EA со интелигентен систем за управување со температурата што овозможува континуирани високи перформанси. Батеријата со повеќе од 3000 ќелии е развиена во соработка со експертите за Формула 1 од Mercedes AMG High Performance Powertrains во Бриксворт, користејќи го целото искуство од развојот на AMG ONE и технологијата на Формула 1.

Новото производство на мотори со аксијален флукс во фабриката на Mercedes-Benz во Берлин е технолошки подвиг што вклучува 100 производствени процеси, од кои 65 се нови за Mercedes-Benz, а 35 претставуваат светски премиери, вклучувајќи нови форми на ласерска технологија и вештачка интелигенција.

Импресивна аеродинамика

CONCEPT AMG GT XX се карактеризира со исклучителна аеродинамика со коефициент на отпор од само 0,198 и покрај широките гуми со високи перформанси и максималната брзина од над 360 км/ч. Активниот аеродинамичен систем AIRPANEL автоматски го управува протокот на воздух според потребите за ладење, додека пасивниот панел за ладење на предниот дел од шасијата го користи протокот на воздух под автомобилот за дополнително ладење.

Дизајнот на концептот беше дополнително нагласен со екстравагантната боја „sunset beam orange“ што се менува на светлината како течен метал, додека AMG решетката со десет вертикални шипки и шест кружни задни светла создава визуелен идентитет што ќе стане дел од традицијата на новите спортски автомобили на AMG.

Сериско производство од 2026 година

Овој концепт автомобил најавува иден производствен модел што ќе биде базиран на архитектурата AMG.EA, со мотори со аксијален флукс што влегуваат во сериско производство кај моделите на Mercedes-AMG во 2026 година. Ова означува нова ера на електрични перформанси што го задржува срцето на филозофијата на AMG каде што моторот отсекогаш бил и останува главна ѕвезда на возилото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.