Свет

Мерц сериозно му се закани на Путин- има рок за примирје, во спротивно го чека жесток удар

Новиот германски канцелар Фридрих Мерц ѝ се закани на Русија со построги санкции доколку не се согласи на 30-дневен прекин на огнот во Украина.

Мерц денес е во Киев со шефовите на државите на Франција, Велика Британија и Полска, во знак на поддршка и солидарност со Украина.

„Пораката е: Тука сме заедно. Во исто време, со истата порака: ја поддржуваме Украина. Се согласуваме со американската влада, со Доналд Трамп. Повикуваме на 30-дневен прекин на огнот за да можат да се подготват мировни преговори во овој период. Сега топката е во дворот на Путин. Путин мора да одговори на оваа понуда“, рече канцеларот Мерц.

Доколку по викендот не се воспостави 30-дневен прекин на огнот, а Путин продолжи да ги отфрла мировните преговори, ЕУ, Велика Британија и САД се согласуваат да го зголемат притисокот врз Русија.

„Потоа ќе има масовно заострување на санкциите, а масовната помош за Украина ќе продолжи. Политички, се разбира, финансиска помош, но и воена помош“, изјави тој за „Билд“.

Новиот германски канцелар додаде дека Американците ќе го поддржат ова заострување.

„Доналд Трамп очигледно го губи трпението со Путин“, рече Мерц.

Во врска со односите со американската влада, тој рече дека тие имаат „изненадувачки високо ниво на согласност, дури и за мене, во проценката на она што го правиме заедно сега“.

„Се согласивме да понудиме и да побараме 30-дневен прекин на огнот, во текот на кој можат да се одржат и мировни преговори. И исто така јасна порака: Ако ова не функционира, САД ќе ги заострат санкциите против Русија. Забележувам одреден степен на согласност меѓу Америка и Европа. И исто така подготвеност за продолжување на разговорите со Европа како целина“, нагласи тој.

Мерц не ја исклучи можноста за директни разговори со Путин.

„Доколку се појави потреба, ако тоа би помогнало да се заврши оваа војна, подготвен сум на сè. Но, прво, треба да видиме дали можеме да ја постигнеме целта за прекин на огнот по овој викенд“, изјави Мерц за „Билд“.

Тагови: путин Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Поранешен истражувач алармираше дека вештачката интелигенција е закана за човештвото

Шефовите на водечките компании за вештачка интелигенција сè погласно предупредуваат на ризиците од трката во развојот на сè помоќни AI системи.

Дел од нив отворено повикуваат на поголема претпазливост и безбедносни механизми, додека политичари и експерти бараат и построга регулација. Дарио Амодеи, извршниот директор на Anthropic, директно повикува да се забави темпото на развојот.

-Мојата прва загриженост е што, од приближно летово, вештачката интелигенција напредува драматично побрзо, пред сè поради сè поголемата способност на AI да ја гради следната генерација на AI. Ако не се контролира, овој процес би можел да ја надмине нашата способност да ги разбереме и контролираме овие системи. Затоа, со него мора да се постапува исклучително внимателно — доколку воопшто продолжи.

На ризиците од брзиот развој претходно предупредуваа и други влијателни имиња од технолошкиот сектор, меѓу нив и Сем Алтман, извршниот директор на OpenAI, како и Илон Маск, кој со години предупредува дека напредната вештачка интелигенција може да носи сериозни ризици доколку не биде соодветно контролирана.

Предупредувањата не доаѓаат само од технолошкиот сектор. Американскиот сенатор Берни Сандерс бара уште порадикален чекор – пауза во развојот на напредната вештачка интелигенција, додека не се воспостават јасни безбедносни правила.

-Ако лидерите на големите АИ компании признаваат дека губат контрола над нивната екстремно оасна технологија, според мене е неодговорно за општеството да им дозволи да продолжат д аги прават овие продукти дури многу понапредни и многу поопасни. Неопходно е да се стави на „пауза“ овој напреден развој и трајна забрана на супер-разузнавањето и вештачките умови попаметни од секој човек способен да работи независно надвор од нашата контрола. – Берни Сандерс

Поранешниот американски претседател Барак Обама повикува на јавна регулација и надзор, за AI да не биде во корист само на неколку богати корпорации, туку на луѓето пошироко.

-Важно е да постои јавна регулација која ќе го насочува развојот на оваа технологија, за таа да не им користи само на неколку богати корпорации, туку на луѓето пошироко. Тоа ќе помогне и да се спречат негативните последици од вештачката интелигенција, како дезинформациите и дипфејк-содржините. - Барак Обама – Поранешен претседател на САД

Во меѓувреме, трката продолжува. OpenAI, Anthropic, Google и другите технолошки гиганти инвестираат милијарди во развој на нови и помоќни модели, додека истовремено расте притисокот врз владите да воспостават правила за нивна безбедна употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС и Филипче дебело профитираа за време на кризите

Денес Владата на ВМРО ДПМНЕ е со конкретни мерки за горивата и заштита на стандардот на граѓаните.

Кога СДС нема што да понуди им останува само политичката критика но веќе им е познато на граѓаните дека на СДС се им смета па дури и конкретни мерки за заштита на стандардот како мерките кои ги превзема Владата на ВМРО ДПМНЕ за горивата.

СДС 7 години го крадеа народот, ја распродаваа и омаловажуваа државата и ги понижуваа граѓаните. СДС и Филипче во време на криза профитираа за денес да се луксузираат на јахтите со Заев по Егејот.

За разлика од СДС и ДУИ денес нема фудбалчиња по канцелаарии, нема банди по улиците, нема марихуана економија, нема распродавање на државните интереси.

Денес Владата се грижи за животниот стандард на граѓаните и превзема конкретни мерки. Во однос на горивата мерки веќе има, намелени акцизи, и ќе се донесат и нови мерки со што наместо зголемување ќе има намалување на цената на горивото.

Владата на ВМРО ДПМНЕ продолжува да го штити стандардот на граѓаните.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.