Свет

Мерц: Јас би гласал за останување во ЕУ, но мора да го прифатиме Брегзит

Германскиот канцелар Фридрих Мерц изјави дека, доколку бил британски државјанин, ќе гласал за останување во Европската Унија на референдумот за Брегзит, но додаде дека Велика Британија веќе не е дел од Унијата и тоа мора да се прифати.

Мерц денеска во Лондон потпиша договор со Обединетото Кралство, наречен Кенсингтонски договор, со кој се зајакнува евроатлантската безбедност, а истовремено се отвора можност за олеснување на ученичките разменски програми и користење на електронски пасошки терминали.

- Потребен ни е договор од ваков тип за нашата соработка по Брегзит. Бидејќи Велика Британија веќе не е членка на ЕУ, мора да изградиме нови правни рамки, изјави Мерц на церемонијата што се одржа во музејот V&A во Лондон, каде договорот го потпишаа и британскиот премиер Кир Стармер, шефот на дипломатијата Дејвид Лами и германскиот министер за надворешни работи Јохан Вадефул.

Минатата година Берлин се согласи криумчарењето мигранти кон Британија да се третира како кривично дело, со што полицијата доби поголеми овластувања за истраги поврзани со складирање и испорака на мали чамци за премин преку Ла Манш.

Стармер изјави дека новите мерки за заплена на чамци се „јасен сигнал дека сме сериозни“.

Во интервју за Би-Би-Си Радио 4, Мерц изјави дека жали поради британската одлука за напуштање на ЕУ.

- Јас и Велика Британија споделувавме исти ставови по многу прашања. Ако бев Британец, ќе гласав за останување. Но, работите се одвиваа поинаку. Сега мораме да работиме врз нова основа за блиска соработка, рече Мерц.

Осврнувајќи се на Брегзит, Мерц додаде дека не може целата вина да се префрли на британската страна.

- Во 2016 година, тогашниот премиер Дејвид Камерон се обиде да обезбеди нови договори за социјални трансфери во ЕУ и не успеа. Истовремено избувна бегалската криза, а ние не реагиравме соодветно. Тие два фактори, според мене, беа клучни за референдумскиот резултат, рече германскиот канцелар.

Тој се согласи со францускиот претседател Емануел Макрон дека постои ризик европските општества да се оддалечуваат едни од други. Мерц додаде дека заедно со Макрон и Стармер се обидуваат да воспостават нов „Е3“ формат на блиска координација во безбедноста, надворешната политика и економскиот развој.

Во врска со прашањето кога ќе се спроведат законските измени за спречување на криумчарењето мигранти, Мерц истакна дека двете страни се согласиле тоа да се направи што е можно побрзо.

- Законот ќе се менува кога ќе се вратиме во парламентите во септември или октомври. Договорот е правна основа за тоа, изјави тој.

Тагови: Стармер Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и многу топло, попладне услови за изолирана појава на нестабилност

Од Управата за хидрометеоролошки работи информираат дека времето денеска ќе биде сончево и топло со мала до умерена локална облачност.

Ќе дува слаб до умерен ветер од северен правец. Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 Целзиусови степени.

Во Скопје, исто така, сончево време со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

И во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 15. јули 2026 година

Дневен хороскоп за среда, 15. јули 2026 година.

Рак 22.6-22.7.

Љубов

Ќе бидете малку поопуштени и пријателски расположени , па ќе се отворите и ќе си го подобрите односот со саканата личност.

Кариера

Вашата работа ќе се развива на најдобар множен начин. Денеска анализирате и некои свои заслуги.

Здравје и совет

Игнорирајте ги провокаторите.

Лав 23.7-22.8.

Љубов

Ќе имате доверба во луѓето и на многумина ќе им дозволите да ви се приближат. За осамените ќе има одлични шанси.

Кариера

Не се двоумете околу сигурноста на вашата работа , но би сакале нешто да смените. Има простор за подобрување.

Здравје и совет

Не чепкајте таму каде што не треба.

Девица 23.8.-23.9.

Љубов

Ќе се засили умереноста кон она што не е видливо. Ќе читате меѓу редови и тука ќе ги наоѓате одговортие на вашите љубовни дилеми.

Кариера

Мало надмудрување со шефовите би можело да даде резултати, не ќе ви ги исцрпи нервите.

Здравје и совет

Опуштете се со она што го сакате.

Вага 24.9.-23.10

Љубов

Љубовните настани на работното место продолжуваат и денеска.Ако уште сте сами , отворете ги добро очите.

Кариера

Многумина ќе го следат вашиот пример зашто ќе препознаат дека вие сте се поставиле најадобро и знаете што работите.

Здравје и совет

Бидете она што сте.

Шкорпија 24.10-22.11.

Љубов

Ако се обидете да објасните нешто шта на вас ви е сосема јасно , нема да успеете , зашто другата страна мора да биде отоврена за такви измени. Добро ви оди и вака.

Кариера

Ќе посакате денеска да прекинете со една соработка , но првин размислете дали тоа е воопшто потребно.

Здравје и совет

Избегнувајте луѓе што сакаат да направат сцена.

Стрелец 23.11.-21.12.

Љубов

Вашиот љубовен живот денеска ќе се развива над очекувањата. Мали недоразбирања се можни само околу вашите фалбаџиски изјави.

Кариера

Ќе продолжите да ги промовирате своите амбиции и планови. ДФругите ќе треба да ве слушаат , но не би бикло лошо понекогаш да биде и обратно.

Здравје и совет

Бидете пореални.

Јарец 22.12.-20.1.

Љубов

Вашите љубовни освојувања ќе продолжат пред публика или пријатели. Тоа ќе ви биде дополнителна мотивација.

Кариера

Може да се впуштите во речиси секоја работа , зашто и ѕвездите ќе го поддржуваат развојот на вашата кариера.

Здравје и совет

Помалку јадете , движете се повеќе.

Водолија 21.1.-19.2.

Љубов

Разиграност , веселба и дружба во добро расположение се на повидок. Ако сте веќе во врска , ќе се подобри.

Кариера

Лекомислено ќа ја сфаќате работата денеска .Ќе бидете повеќе подготвени за забава , отколку за работа.

Здравје и совет

Не си поигрувајте со луѓето.

Риби 20.2.- 20.3.

Љубов

И натаму останува дека треба да се дистанцирате и на мир да чекате да завршат овие денови неповолни за љубов.

Кариера

Со својата ангажираност ќе направите надредените да се посрамотат. Подобри сте од нив, но не мора да им го потенцирате.

Здравје и совет

Не ги земајте работите при срце.

Овен 21.3-20.4.

Љубов

Вашата зборливост ќе ви помогне да ги надминете празнините во личниот живот. Ќе разговарате што недостига во емотивните односи.

Кариера

Денеска ќе водите интензивна кореспонденција со колегите. На повидок се многу меилови , телефонски повизци и пораки.

Здравје и совет

Поработете на својата спретност.

Бик 21.4- 20.5.

Љубов

Колку и да се трудите , денеска нема да добиете емотивно исполнување какво што очекувавте. Треба едноставно да издржите.

Кариера

Не мачете се себеси и другите со вашите сомневања. Постојат правила што треба да ги следите во деловниот живот. Внимавајте на нив.

Здравје и совет

Прошетајте се на свеж воздух.

Близнаци 21.5.-21.6.

Љубов

Сеуште не сте сфатиле дека светот не се врти околу вас и дека треба да покажете способност за почит кон другите. така ќе бидете посреќни.

Кариера

Стравот што понекогаш го чувствувате е последица на вашето его. не е секогаш лесно да се работи со вас. Размислете.

Здравје и совет

Луѓето не се играчки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Вечерва во „Само вистина“ гостин ќе биде Гордан Георгиев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.