Менито на Олимпијадата во знакот на еколошката одржливост и намалувањето на отпадот - Канал 5

Живот

Менито на Олимпијадата во знакот на еколошката одржливост и намалувањето на отпадот

 На Олимписките игри во Париз, коишто ќе се одржат од 26 јули до 11 август, ќе учествуваат повеќе од 15.000 спортисти од 206 земји.

Менито на Олимпијадата во знакот на еколошката одржливост и намалувањето на отпадот

Тоа, земајќи ги предвид и целокупните национални тимови, е огромен готвачки предизвик, а организаторите најавија дека 80 отсто од сите јадења ќе бидат направени од намирници и состојки што виреат токму на тоа подрачје.

Покрај тоа, нешто повеќе од 60 отсто од храната ќе биде без месо, а 33 отсто се предвидува да биде целосно растителна.

Спортистите ќе јадат од чинии и садови што се мијат, наместо од оние за еднократна употреба, бидејќи Париз овојпат се сосредоточува на одржливоста и намалувањето на штетите по животната средина. Се планира и користење на обновливи извори на енергија и намалување на употребата на пластика. Освен тоа, за оваа Олимпијада, наместо да се градат нови стадиони, ќе се користи постоечка инфраструктура и времени објекти.

Според наводите, на спортистите ќе им бидат обезбедени балансирани оброци со потребните хранливи материи за оптимални перформанси. Ова вклучува поразновидна храна, протеини, јаглени хидрати и здрави масти. Патем, секоја земја има и свои специфични планови за исхрана за своите спортисти и тимови.

Тоа значи трошење, на пр., на околу три милиони банани и 27 тони кафе.

Пржени компири нема да се служат „поради можна опасност од пожар при користење фритеза“ во простор со голем број луѓе. А пак, авокадото е забрането од еколошки причини...

Најврвните готвачи на Олимписките игри ќе треба да подготвуваат околу 40.000 оброци секој ден, не сметајќи го појадокот, којшто секогаш е на „шведска маса“. Менито на Олимпијадата - во однос на специјалитетите, сепак, ќе биде од повеќе поднебја. Покрај француската кујна, спортистите ќе можат да бираат и меѓу азиска, африканско-карипска и интернационална кујна, пишуваат тамошните медиуми.

Менито го составуваат готвачите Шарл Гилој, Стефан Шишери, Акраме Беналал, Амандин Шено и Александре Мација. Француската кујна ќе биде претставена со вегетаријански гулаш „бургуњон“ и „брандад“ - потпечен солен „бакалар“ во пире од компири. Азија ќе биде претставена со мелено свинско месо со босилек и „басмати“ ориз, како и јадење со карфиол и печен компир со куркума. За африканско-карипското подрачје, позајмени се тн. „мешано-пропржена порција“ - јадење со пиперки, кромид и домати и пржени ракчиња со ароматичен сос од „шермула“. Mеѓу јадењата од интернационалната кујна, изборот е јагнешко во сос од нане и вегетаријанска мусака.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Оризот скапува по амбарите, Владата на Мицкоски ги остави оризопроизводителите без откуп

Оризопроизводителите се соочуваат со една од најтешките кризи во последните години, како директна последица на погрешните политики на Владата на Христијан Мицкоски.

СДСМ: Оризот скапува по амбарите, Владата на Мицкоски ги остави оризопроизводителите без откуп

Половина од ланското производство сè уште стои по амбарите затоа што нема организиран откуп.

Наместо државата да обезбеди пласман на домашното производство, илјадници тони ориз пропаѓаат, а земјоделците стравуваат дека ќе ги изгубат плодовите од својот труд.

Дополнителен проблем е што Владата на Мицкоски сè уште не кажува каква ќе биде откупната цена за новата реколта, ниту кога ќе бидат исплатени субвенциите.

Земјоделците влегуваат во нова производствена сезона без никаква сигурност и без поддршка од институциите.

Во исто време, најавите за драстично ниска откупна цена не ги покриваат ниту основните трошоци за производство. Со вакви политики, оризопроизводството се турка кон целосен колапс.

Огромни количини ориз остануваат изложени на пропаѓање, што претставува дополнителна економска штета за земјоделците и ризик за целиот регион.

Оризот со децении беше препознатлив македонски производ и значаен извозен потенцијал.

Откупната цена во времето на СДСМ беше над 40 денари е сега не е ниту 20 денари за килограм.

Поради неспособноста на Владата на Мицкоски, производителите ја губат довербата во институциите, а сè повеќе се доведува во прашање опстанокот на ова стратешко производство.

По две години владеење, ВМРО го уништи земјоделство, ги осиромаши и понижи земјоделците.

СДСМ бара Владата итно да обезбеди организиран откуп на заостанатите количини ориз, да ја објави откупната цена за новата реколта, да ги исплати заостанатите субвенции и да преземе конкретни мерки за спас на оризопроизводството пред да биде предоцна.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Македонија е со најниска инфлација во регионот, СДС се обидува да шири паника, но бројките ги демантираат

СДС секојдневно шири невистини и се обидува да создаде чувство на економска несигурност, но официјалните податоци повторно ги демантираат нивните тврдења.

ВМРО-ДПМНЕ: Македонија е со најниска инфлација во регионот, СДС се обидува да шири паника, но бројките ги демантираат

Бројките и податоците јасно покажуваат дека Македонија има најниска инфлација во регионот. Според најновите податоци на Државниот завод за статистика, годишната инфлација во јуни изнесува 3,4 проценти, а во однос на мај е намалена за 0,5 проценти. Тоа се официјални факти.

Уште поважно, инфлацијата кај храната и безалкохолните пијалаци изнесува само 2,5 проценти, а кај облеката и обувките 2,1 процент. Тоа се категориите што најдиректно влијаат врз семејниот буџет и животниот стандард на граѓаните.

Во исто време, Македонија има најниска инфлација во регионот меѓу земјите кои досега ги објавија податоците за јуни.

Македонија – 3,4%

Словенија – 3,6%

Грција – 3,9%

Хрватска – 4,5%

Бугарија – 5,6%

Турција – 32,1%

Ова се бројки што не можат да се сокријат ниту да се релативизираат.

Додека СДС се обидуваат да градат дневна политика врз измислени кризи и ширење паника, Владата работи со конкретни мерки што даваат резултати.

Намалената инфлација е директен доказ дека економските политики се правилно поставени и дека се води одговорна грижа за стандардот на граѓаните.

Наместо манипулации и лажни сценарија од СДС јавноста заслужува мерки и проекти. А фактите се јасни, Македонија денес има една од најстабилните ценовни политики во регионот и најниска инфлација меѓу соседните земји што ги објавија податоците за јуни.

Владата ќе продолжи со одговорни економски политики, стабилни јавни финансии и мерки што носат резултати, без разлика на обидите тие резултати да бидат оспорени од оние што немаат што да понудат освен дезинформации.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвопролевање на фестивал во Торонто: Пукање меѓу 13.000 луѓе (ВИДЕО)

Шест лица беа пронајдени со прострелни рани, а две лица починаа на местото на настанот по пукањето на фестивалот во Торонто.

Крвопролевање на фестивал во Торонто: Пукање меѓу 13.000 луѓе (ВИДЕО)

Полицијата во канадскиот град доби пријава за активен стрелец на салса фестивалот кратко по 20 часот по локално време во саботата.

Полицијата соопшти дека имало размена на оган меѓу две лица, а на местото на настанот биле пронајдени две огнени оружја.

Не се извршени апсења, а потрагата е во тек.

Заменик-шефот на полицијата во Торонто, Франциско Баредо, ја опиша сцената како „многу хаотична“. Тој рече дека околу 13.000 луѓе биле на фестивалот кога се случило пукањето.

Канадскиот премиер Марк Карни рече дека е „вџашен“ од смртоносното пукање.

Тој се помоли за „семејствата кои тагуваат по своите најблиски, оние кои се во критична состојба и сите оние кои се погодени од овој ужасен настан“.

Тагови: пукање Торонто

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер