Свет

Мелони со осуда за Трамп: Неговите коментари за папата Лав XIV се неприфатливи

Коментарите на американскиот претседател Доналд Трамп за папата Лав XIV се неприфатливи, изјави италијанската премиерка Џорџија Мелони.

Мелони рече дека папата е поглавар на Римокатоличката црква и дека затоа е нормално тој да повикува на мир и да осудува секаков вид војна, објави Ројтерс.

Агенцијата соопшти дека италијанската премиерка сега го засилила својот одговор на коментарите на Трамп за папата откако се соочила со критики за тоа што директно не ги осудила коментарите на американскиот претседател.

Папата Лав XIV претходно изјави дека ќе продолжи јавно да зборува против војната, и покрај критиките на Трамп.

Зборувајќи со новинарите во авионот на пат кон Алжир, каде што започнува десетдневна турнеја низ четири африкански земји, папата рече дека не сака да влегува во контроверзност со Трамп, но нагласи дека ќе продолжи да промовира мир и дијалог.

Папата, по потекло од Чикаго, во последните недели ја критикуваше војната меѓу САД и Израел против Иран и ја осуди „лудилото на војната“ во апел за мир за време на викендот.

Трамп, во објава на својот профил на социјалните мрежи „Truth Social“ во неделата навечер, го нарече папата „ужасен“ во однос на надворешната политика и рече дека е „слаб во однос на криминалот“.

Тагови: Папата Џорџија Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Расчистен случајот со оштетување канделабра во парк на подрачје на општина Карпош

На 12.06.2026 во 21:30 часот во Полициската станица Карпош е извршен разговор со 48-годишник од Скопје.

Имено, по преземени мерки и постапување по пријава од општина Карпош, полициски службеници од СВР Скопје - Полициска станица Карпош дојдоа до сознание дека на 11.06.2026 во 21:30 часот на ул."Волгоградска", во близина на фитнес игралиштето, неговиот 13-годишен син оштетил и откорнал канделабра за улично осветлување.

По целосно документирање на настанот ќе бидат поднесени соодветни пријави.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на пуштање во употреба на Дом за стари лица во Илинден

Денес во 12:00 часот претседателот на Владата на Република Македонија, Христијан Мицкоски ќе присуствува на пуштање во употреба на Дом за стари лица „ПУСЗ Оаза by Adora“ во Општина Илинден.

За време на настанот предвидено е премиерот Мицкоски да даде изјава за медиуми .

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со мала до умерена локална облачност

Времето денес ќе биде сончево со мала до умерена локална облачност.

Ќе дува слаб до умерен северозападен ветер. Минималната температура ќе биде во интервал од 7 до 17, а максималната значително ќе опадне во однос на денешната и ќе дбиде во интервал од 25 до 33 степени.

Во Скопје, претежно сончево. Ќе дува слаб ветер од северозападен правец. Минималната температура ќе се спушти до 13, а максималната ќе достигне до 32 степенa.

За време на викендов и во понеделник времето ќе биде претежно сончево со мала локална облачност. Во вторник локално, а во среда на повеќе места ќе има врнежи од дожд кои наместа ќе бидат поројни, проследени со повремено засилен ветер и појава на грмежи. Од четврток времето повторно ќе биде променливо облачно со сончеви периоди.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.