Мелони: Швајцарските сметки за лекување на жртвите од пожарот во Кран-Монтана се „навреда како врв на подбивањето“ - Канал 5

Европа

Мелони: Швајцарските сметки за лекување на жртвите од пожарот во Кран-Монтана се „навреда како врв на подбивањето“

Мелони денеска изрази шок и остро негодување поради сметките во износ од десетици илјади евра што една швајцарска болница им ги испратила на семејствата на дел од младите жртви од новогодишниот пожар во Кран-Монтана.

Мелони: Швајцарските сметки за лекување на жртвите од пожарот во Кран-Монтана се „навреда како врв на подбивањето“

Италијанската премиерка Џорџа Мелони денеска изрази шок и остро негодување поради сметките во износ од десетици илјади евра што една швајцарска болница им ги испратила на семејствата на дел од младите жртви од новогодишниот пожар во Кран-Монтана, нарекувајќи го овој чин „навреда покрај подбивањето“ и „нехумана бирократија“.

„Бев шокирана од вестите за сметките во износ од десетици илјади евра што швајцарска болница им ги испратила на семејствата на некои од младите луѓе настрадани во пожарот на новогодишната ноќ во Кран-Монтана. Болница во Сион дури отишла дотаму што побарала над 70.000 евра само за неколку часа хоспитализација“, напиша Мелони на социјалната мрежа „Икс“.

Таа додаде дека разговарала со италијанскиот амбасадор во Швајцарија, од кого добила уверување од швајцарските власти дека станува збор за грешка и дека семејствата нема да треба да платат ништо. Сепак, Мелони побарала случајот да се следи со највисоко ниво на внимание, бидејќи би било „одвратно“ трошоците да паднат врз жртвите или врз Италија.

„Италијанската влада повторно ја изразува својата солидарност со настраданите млади луѓе и со нивните семејства и ќе продолжи да прави сѐ што е неопходно за да се расветли трагедијата и да се утврдат одговорностите“, истакна премиерката.

Во пожарот што избувна на новогодишната ноќ во барот „Ле Констеласион“ во швајцарскиот скијачки центар Кран-Монтана загинаа вкупно 41 лице, а 115 беа повредени, од кои голем дел со тешки изгореници. Меѓу жртвите имаше и италијански државјани, а дел од повредените сѐ уште се на лекување во различни болници во Швајцарија и во други земји.

Тагови: Џорџија Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Министерство за култура: Објавен е Конкурсот за доделување на државната награда „Св. Климент Охридски“ во 2026 година

Одборот за доделување на државната награда „Св. Климент Охридски“ распиша Конкурс за доделување на државната награда „Св. Климент Охридски“ во 2026 година.

Министерство за култура: Објавен е Конкурсот за доделување на државната награда „Св. Климент Охридски“ во 2026 година

Со државната награда „Св. Климент Охридски“ се оддава највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност.

Државната награда се доделува на поединци, група творци, екипи, установи, трговски друштва и здруженија на граѓани.

Државната награда може да се додели и на странски државјани, група творци, екипи и институции од странство за долгогодишни остварувања кои се од јавен интерес за Република Македонија.

Конкурсот ќе трае од 25.9.2026 до 15.10.2026 година.

Конкурсот и пријавата се достапни на веб-страницата на Министерството за култура и туризам:

Државни награди - Државни награди - Конкурси - Министерство за култура и туризам - Република Северна Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Бред Пит повторно е најголемата ѕвезда во Холивуд, а воопшто не се оптоварува

Најголемиот заводник во Холивуд, актерот Бред Пит повторно воодушеви со својот изглед на Филмскиот фестивал во Сан Себастијан.

Фото: Бред Пит повторно е најголемата ѕвезда во Холивуд, а воопшто не се оптоварува

Мегапопуларниот актер на филсмкиот фестивал се појави во тексас комбинација.

Бред Пит веќе подолго време го привлекува вниманието на јавноста. Често можеме да го видиме во необични, лежерни изданија што не ги следат правилата на светот на модата кога станува збор за големи филмски настани и проекции.

Неодамна, на Меѓународниот филмски фестивал во Сан Себастијан, тој се претстави во шарена комбинација што спојува дури шест навидум неспоиви бои, а сега нè воодушеви со младешки изглед.

Тој присуствуваше на прес-конференцијата за филмот „Срцето на ѕверот“ и за таа прилика одлучи да ја продолжи својата низа лежерни комбинации, кои изгледаат како воопшто да не се трудел да го шармира светот на модата.

Се појави во тексас од глава до пети, постигнувајќи го оној лежерен, младешки изглед. Сепак, главниот адут на стајлингот беа парчињата облека што се „криеја“ под неговата тексас-јакна.

Носеше бела кошула со розова вратоврска, со што постигна ефект на модерна елеганција која не делува премногу круто. Ќе се согласите, ретко кој маж би се осмелил на ваква модна комбинација...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џејми Фокс го очекува своето трето дете: „Сè уште имам сила“

Холивудската ѕвезда, актерот 58-годишниот Џејми Фокс  за време на гостувањето во емисијата „Jimmy Kimmel Live!“ потврди дека тој и неговата 31-годишна партнерка, Алис Хакстеп, го очекуваат своето прво заедничко дете, шегувајќи се: „Бебе е на па

Џејми Фокс го очекува своето трето дете: „Сè уште имам сила“

Сè уште ме бидува“. Како Фокс се подготвува за оваа нова улога? Добитникот на Оскар, кој веќе има 32-годишна ќерка, Корин, и 18-годишна ќерка, Анелиз, од претходни врски, изјави дека се подготвува повторно да ги извршува секојдневните родителски обврски – вклучително и возењето на децата до училиште.

Тој призна дека, на 58-годишна возраст, е свесен оти ова искуство ќе биде поинакво од претходните. Што рече тој за здравствената криза низ која помина?

„Дејли мејл“ (Daily Mail) пренесува дека за време на разговорот, Фокс се осврна и на мозочното крварење и мозочниот удар што ги доживеа во 2023 година додека работеше на филмот *Back in Action*.

Тој изјави дека сега се чувствува одлично и дека, по тоа искуство опасно по живот, станал поблагодарен за секој момент. Колку долго се заедно Фокс и Хакстеп?

Фокс и Хакстеп се поврзуваат уште од 2022 година, а нивната врска стана јавна следната година. Откако се појавија информации дека раскинале на почетокот на 2025 година, неколку месеци подоцна повторно беа видени заедно; бебето што го очекуваат ќе биде негово трето, а нејзино прво дете.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер