Меланија Трамп претстави нова колекција на божикни украси, цените предизвикаа јавно негодување (ФОТО) - Канал 5

Живот

Меланија Трамп претстави нова колекција на божикни украси, цените предизвикаа јавно негодување (ФОТО)

Првата дама Меланија Трамп (55) веќе е подготвена за празничната сезона, а овој четврток ја претстави својата нова колекција божиќни украси за 2025 година.

Меланија Трамп претстави нова колекција на божикни украси, цените предизвикаа јавно негодување (ФОТО)

На нејзината веб-страница, таа лансираше линија наречена „Celebrating America“, која се состои од „ограничено издание, рачно изработени божиќни украси“, пишува Дејли меил.

Предметите од колекцијата, чии цени се движат од 75 до 90 долари, се „дизајнирани да ја прослават Америка и нејзината претстојна 250-годишнина“. Колекцијата вклучува украси со мотиви од Емпајр Стејт Билдинг, Статуата на слободата и планината Рашмор, како и ѕвезда, американско знаме и натпис „САД“ со мотив од ѕвезди и ленти. Секој предмет е гравиран со потписот на Меланија, а купувањето вклучува и „специјален 3Д анимиран дигитален колекционерски предмет“.

Цените предизвикаа јавно негодување

Иако многумина го пофалија изгледот на украсите, цената предизвика лавина од негативни коментари. Многумина ја критикуваа првата дама за претераните цени, повикувајќи ја да издаде попристапна линија за „обичните луѓе“. Украсите може да се купат на usamemorabilia.com, а цените се движат од 75 до 90 долари.

„Ја сакам Меланија, но овие цени се недостапни за повеќето работници... намирниците се толку скапи! Можеби објавете поевтина група за нас! И ние сме патриоти!“, напиша еден обожавател.

„75 до 90 долари... Не можеме да си дозволиме да купуваме намирници, а вие сакате да ги купиме?“, праша друг корисник. Критиките продолжија да се појавуваат: „Ова е одлично, но надвор од ценовниот опсег на повеќето Американци. Штета“, се пожали трет корисник, додека четвртиот додаде: „Премногу е скапо за нас обичните луѓе!“

Имаше поостри коментари: „О, погледнете, кој се обидува повторно да извлече пари“, обвини еден корисник, додека друг заклучи: „Воа. Да имав 75+ долари за божиќен украс... Каде е колекцијата за обичните луѓе?“

Во изјава споделена со The Hill, Меланија рече: „Возбудена сум што ќе ја продолжам оваа годишна празнична традиција со колекцијата украси „Прославување на Америка“. Оваа година, најдов инспирација во претстојниот 250-ти роденден на нашата нација и сите празнични благослови што ги уживаме како Американци“.

Потсетник за контроверзните декорации

Ова не е прв пат Меланија да се соочи со критики за божиќните теми. Минатата година, таа беше цел на исмејување откако ја претстави својата колекција за 2024 година. Многумина сè уште се сеќаваат на нејзините декорации на Белата куќа. Во 2017 година, таа ја украси со елки од кои висеа ледени бели дрвја, што многумина на социјалните мрежи го оценија како морничаво и ладно.

Една година подоцна, во 2018 година, таа ја наполни источната колонада со 40 светло црвени дрвја, а 14.000 црвени украси висеа низ целата Бела куќа. Иако нејзината канцеларија објасни дека црвената боја симболизира „храброст и смелост“, декорациите брзо го добија прекарот „убијци на дрвја“. Јавноста се сеќава и на видео од 2018 година во кое Меланија го изрази своето разочарување од украсувањето, велејќи: „Знаете, кого го интересираат божиќните работи и украси?“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер