Меланија Трамп ги засени Кејт Мидлтон и кралицата Камила! Сите ја коментираат нејзината смела комбинација - Канал 5

Забава

Меланија Трамп ги засени Кејт Мидлтон и кралицата Камила! Сите ја коментираат нејзината смела комбинација

Во чест на доаѓањето на американскиот претседател Доналд Трамп во официјална посета на Велика Британија, синоќа се одржа банкет на кој присуствуваа неколку стотици гости, а според коментарите, Меланија Трамп била ѕвезда на вечерта.

Меланија Трамп ги засени Кејт Мидлтон и кралицата Камила! Сите ја коментираат нејзината смела комбинација

Имено, не е првпат Словенката со својот моден вкус да ги остави сите без збор, и овојпат го привлече вниманието на многумина присутни со својот моден избор.

Првите официјални фотографии ги објавија сите медиуми во светот, а првата дама на Америка успеа да ја засени и кралицата Камила, но и Кејт Мидлтон.

Кејт беше облечена во впечатлива бургундска тоалета од Емилија Викстед, со соодветна шапка од Џејн Тејлор и брош со пердуви. Шапката на Кејт, направена од луксузен филц со сатенска панделка и велови, се продава по цена од 2.330 фунти и се изработува по мерка.

Во меѓувреме, Меланија носеше кутур костим на Кристијан Диор во темносива боја и шешир со широк обод во виолетова нијанса, кој ѝ ги покриваше очите.

Можеби ќе ве интересира: Новата боја на косата на Кејт Мидлтон предизвика негодување: „Ми се чини дека нејзиниот фризер навистина не ја сака“

Подоцна, двете дами ќе ги посетат градините на Фрогмор како дел од втората државна посета на претседателот, што ќе биде и нивна прва официјална посета без нивните сопрузи, пренесува Independent.

Сепак, негативните реакции очигледно не го поколебаа Трамп, кој изгледаше дека ужива во својата кратка посета во странство, и покрај обвинувањата дека неколкупати го прекршил кралскиот протокол.

„Со голи рамена – што си мисли?“

Сега, Меланија е таа што е во центарот на вниманието, и се соочува со прилично сурови коментари за нејзиниот вечерен стајлинг. Некои обожаватели на кралското семејство беа разочарани од нејзиниот избор, нарекувајќи го несоодветен за толку свечен настан, а некои дури сметаат дека го прекршила протоколот, пишуват светските медии.

Официјалниот Инстаграм профил на кралското семејство објави фотографија од кралот и кралицата заедно со американскиот претседател и првата дама.

Во коментарите, еден фан саркастично напиша:

„Појасот е просто... не. Можеби грешам, но зарем не е против протокол да се носи облека со голи рамена на ваков настан?“

Друг додаде: „Што, по ѓаволите, носи Меланија…“

А трет се надоврза: „Тоа жолто фустанче... на било која личност... не може да биде понесоодветно. Ова е државна вечера, не ноќен клуб. Многу непријатно...“

„Со голи рамена на државна вечера??? Што им е? Зарем не добија брифинг???“ – се прашува друг шокиран корисник на социјалните мрежи.

Некои се согласија:

„Со голи рамена – што си мисли?“ и „Не сум монархист, ама како некој може да мисли дека жолт фустан без прерамки е соодветна гардероба за кралот?“

Но, не беа сите на таа страна. Некои всушност беа воодушевени од смелиот моден избор на Меланија:

Еден напиша:„Ја обожавам тоалетата на првата дама Меланија Трамп.“

Друг се согласи: „Сите изгледаат прекрасно.“

А други додадоа: „Ми се допаѓаат боите што ги избраа дамите“ и „Изгледа извонредно, како и секогаш.“

Тагови: Велика Британија Доналд Трамп Кејт Мидлтон Меланија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Сенатот му зададе удар на Трамп: Усвоена резолуција за прекин на воената акција против Иран

Американскиот сенат усвои резолуција со која од  Трамп се бара да ја прекине американската воена акција против Иран, што претставува сериозен политички притисок врз администрацијата во екот на конфликтот на Блискиот Исток.

Сенатот му зададе удар на Трамп: Усвоена резолуција за прекин на воената акција против Иран

Со тоа, за првпат по донесувањето на законот за воени овластувања во 1973 година, двата дома на американскиот конгрес усвојуваат мерка со која се бара повлекување на американските вооружени сили од тековна воена операција. Гласањето ја одразува растечката загриженост кај дел од конгресмените, вклучително и некои републиканци, поради конфликтот што започна на 28 февруари, кога САД и Израел започнаа воени напади врз Иран. Иако резолуцијата најверојатно нема директно да ја запре воената кампања, таа се смета за значаен политички удар за Трамп, кој долго време уживаше речиси целосна поддршка од сопствената партија во конгресот. Трамп остро реагираше на одлуката на сенатот, оценувајќи ја како „бесмислена и лошо темпирана“, а пратениците кои гласаа за резолуцијата ги обвини дека со своите постапки му одат во прилог на Иран.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е  интерпелацијата за работата на министерот за внатрешни работи Панче Тошковски поднесена од пратениците од опозицијата.

Интерпелација за работата на министерот за внатрешни работи Панче Тошковски

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер