Мелани Грифит на 63 години позира по долна облека

Мелани Грифит објави фотографија на Инстаграм на која е во розова долна облека како седи на работ на мермерна када.

Фотографијата е направена по туширање затоа што косата на 63-годишната актерка е завиткана во крпа.

Објавата на познатата актерка воодушеви многу обожаватели, но и нејзини колеги.

„Каква мама!“ и напиша актерката Џејми Ли Кертис.

„Изгледаш убаво“, коментира Румер Вилис, ќерка на Брус Вилис и Деми Мур.

Иако доби комплименти, нејзината цел била да ја подигне свеста за ракот на дојката и да собере пари потребни за истражување на терапии и лекови. Долната облека што ја одбрала за фотографијата е исто така значајна, бидејќи е дел од линијата од чија продажба ќе бидат исплатени средствата за работата на организациите што се занимаваат со оваа малигна болест.

Две негователки позитивни на Ковид-19 во Кавадарци, во изолација 22 деца и четворица вработени

Потврдени се нови 28 случаи позитивни на коронавирус. Во Кавадарци 16, Росоман 2, Неготино 6 и 4 лица во Демир Капија. Тие се на возраст од 17 до 79 години.

Две негователки се позитивни на коронавирус во Кавадарци, вработени во различни објекти од градинка, во изолација се 22 деца и четворица вработени, заболен е и еден здравствен работник, за МИА потврди доктор Ристе Јовановски, специјалист епидемиолог при кавадаречкиот Центар за јавно здравје.

Центарот бележи и две починати лица, на 66 и 81 година.

Потврдени се нови 28 случаи позитивни на коронавирус. Во Кавадарци 16, Росоман 2, Неготино 6 и 4 лица во Демир Капија. Тие се на возраст од 17 до 79 години.

ВМРО-ДПМНЕ: Царовска не обезбеди средства за набавка на 40.000 таблети за децата

Ниту спомна инвестиции за обезбедување на ИТ средства во училиштата за следење на настава, ниту за итно обезбедување на соодветна интернет мрежа за поддршка на таа настава.

Мила Царовска ја почна прес конференција со капитални инвестиции во доградба и изградба на училишта како создавање на пристапност на истите за децата со попреченост, меѓутоа во време на КОВИД 19 пандемија кога ученивите во најголем дел не одат на училиште, Царовска не почна со обезбедување на средства за следење на далечинска настава на околу 40.000 деца според нејзината изјава, а најверојатно и повеќе.

Ниту спомна инвестиции за обезбедување на ИТ средства во училиштата за следење на настава, ниту за итно обезбедување на соодветна интернет мрежа за поддршка на таа настава.

Нејзиното префрлање на обврските кон општините и директорите со минимално покачување на блок дотациите не обезбедува квалитетно следење на настава во далечина, а не очекуваме ни во иднина тоа да се промени.

Ја одобруваме пристапноста на училиштата на децата со попреченост, но Царовска не ги спомна, а ниту во буџетот има јасно определена ставка за образовни и лични асистенти кои на учениците со попреченост во овој момент им се крајно неопходни.

Во овој момент не можеме а да не кажеме дека одреден број на родители се жалат на регресија на состојбата на нивните деца.

Царовска ги спомна регионалните центри за стручна наобразба на младите но не спомна опремување на лаборатории, доопремување и замена на инструменти и техничко технолошки помагала за учениците во другите стручни школи, а уметничките училишта и да не ги спомнуваме.

Средствата определени со буџет за наука се минимални и не обезбедуваат никаков развој во науката, а особено е тешка ситуацијата во Институтот за македонски јазик, македонска литература, фолклор и нацонална историја. Не гледаме ставка за буџетот во нив за овие институции.

Царовска треба да знае дека со ваков буџет не може да си ја оствари целта која сама си ја поставила, да создава креативни и иновативни личности, а особено треба да знае, без оглед дека тврди дека ќе спроведува реформи со нови наставни планови и програми дека такви личности не може да произнесе ниту во една ниту во четири години од што произлегува дека нејзините изјави претставуваат повеќе популизам отколку сериозна намера за промени во образованието.

Комисија за образование и наука на ВМРО-ДПМНЕ

МЖСПП: Мечкиното грозје важен ресурс кој треба грижливо да го собираме

Проектната активност има за цел да се направи оценка на состојбата и да се идентификуваат расположивите количини за одржливо користење на мечкино грозје.

На денешниот видео настан организиран од Фондацијата „Информација и заштита на природата” (ФИЗП), Подружница во Република Македонија во соработка со Министерството за животна средина и просторно планирање (МЖСПП) и Програмата за животна средина на ОН (УНЕП) се презентираа резултатите од проектната активност „Заштита на диви видови растенија кои се собираат за трговски цели”.

Проектната активност има за цел да се направи оценка на состојбата и да се идентификуваат расположивите количини за одржливо користење на мечкино грозје (Аrctostaphylos uva-ursi), растение кое интензивно се собира од природата.

Споредено со развиените западно-европски земји, Македонија има богата биолошка разновидност, поради различните климатски услови присутни на оваа релативно мала територија, како и самата положба, но и добро зачуваните природни екосистеми. Има повеќе од 700 видови лековити и ароматични растенија (ЛАР) од кои најчесто се користат околу 220. Околу 75-80% од лековитите растенија и бобинки во Република Македонија, како и во повеќето балкански земји, се собираат од природата. Дел од ова природно богатство е од голема важност и за локалната економија, бидејќи повеќе од 50 000 семејства или 200 000 луѓе (просечно четиричлено семејство) имаат дополнителен приход од нивно собирање. Дури една четвртина од локалното население може да живее од споредните шумски производи, ако тие се обработуваат во близина на местото од кое се собрани.

Мечкиното грозје се смета за едно од највредните диви растенија и за природата и за локалната економија. Во Република Македонија тоа не е опфатено во Листата на строго заштитени и заштитени диви видови и не е под забрана за собирање. Популацијата на мечкино грозје во Република Македонија е единствениот извор на оваа суровина во регионот. Во сите соседни земји е заштитен вид и е забранет за комерцијално собирање. Економски развиените западни членки на ЕУ, одамна, толку многу го оштетија нивниот биодиверзитет што скоро нема што да се собере од дивината. Германија, Италија, Франција и други увезуваат билки, печурки, бобинки, лишаи од нашиот регион и ги преработуваат со што се создаваат работни места за нивните луѓе и индустри. Сепак, тие немаат проблеми со зачувување на дивите живеалишта на тие растенија бидејќи традициите за собирање скоро исчезнаа и нема притисок врз дивите живеалишта. Од оваа причина во ЕУ не постои посебно законодавство кое се грижи за зачувување на лековити растенија, габи и сл. Затоа Балканските земји не можат да се потпрат на Европската Комисија бидејќи старите земји-членки немаат такви проблеми.

Искуствата од соседна Бугарија кажуваат дека е наша одговорност, на владите и луѓето од нашиот регион да го развиеме и спроведеме нашето национално законодавство кое ќе ги зачува вредните видови кои воедно се важни ресурси за локалниот економски развој. Во таа насока препораките се Македонија да има свои системи на рано предупредување, контрола, санкции и поддршка за одржливо користење на ресурсите на диви растенија кои се собираат од природата.

На настанот се презентираа заклучоци и препораки во корист на зачувување и одржлива употреба на мечкиното грозје. Главното укажување беше дека природните ресурси не растат во неограничени количини и потребна е заедничка акција од сите инволвирани институции во нивната одржлива употреба. Во таа насока, беше спомената кампањата за подигнување на јавната свест под мотото „Грижливо собираме", спроведена во рамките на истиот проект.

Настанот иницираше дискусија на различни заинтересирани страни како најефикасно да се подобри заштитата на дивите видови растенија кои се собираат за трговски цели.

Проектна активност се имплементира во рамки на проектот „Постигнувањето на заштита на биолошката разновидност преку создавање и ефикасно управување со заштитените подрачја и интегрирање на биолошката разновидност во планирање за користење на земјиштето”. Проектот е финансиран од Глобалниот фонд за животна средина (ГЕФ), се спроведува преку УНЕП, главен партнер и корисник е МЖСПП додека локален партнер во спроведувањето на оваа проектна активност е Фондацијата „Информација и заштита на природата”- ФИЗП, Подружница во Република Македонија.

Министерство за животна средина и просторно планирање

притисни ентер