Мел Гибсон - холивудски заводник и бестрашен акционен херој, а зад камерата посветен татко на девет деца - Канал 5

Шоу биз

Мел Гибсон - холивудски заводник и бестрашен акционен херој, а зад камерата посветен татко на девет деца

По долгогодишниот брак актерот влезе во неколку нови врски, семејниот живот на Гибсон е еднакво богат и разновиден како и неговата кариера.

Мел Гибсон - холивудски заводник и бестрашен акционен херој, а зад камерата посветен татко на девет деца

Еден од највлијателните актери и режисери во современата филмска индустрија, Мел Гибсон, често е во фокусот на јавноста поради својата кариера, но и поради богатиот и комплициран семеен живот. Иако наскоро ќе направи 70 години, тој и понатаму работи активно, патува, а пред сè е посветен на своето големо семејство кое брои 9 деца од три различни врски. Мел Гибсон неодамна беше фотографиран на улиците во Рим со своето деветто дете, синот Ларс (8).

Првата љубов и најголемиот дел од семејството

Поголем дел од децата на Гибсон се од неговиот долгогодишен брак со Робин Мур, со која беше повеќе од две децении. Заедно имаат седум деца, една ќерка и шест сина. Иако повеќето од нив избраа живот далеку од рефлекторите, познато е дека тие растеа во стабилна семејна атмосфера далеку од холивудскиот гламур.

Најстарата ќерка Хана(45), со години беше присутна на филмските сетови, работејќи зад камерите и повремено соработувајќи со својот татко. Некои од синовите се обидоа во филмската индустрија, било како актери, било како продукциски соработници, додека други избраа сосема мирни професионални патишта. Заедничко им е што ретко се експонираат јавно, па и покрај славата на својот татко, тие го избегнуваат медиумскиот живот.

Врската со Оксана Григориева и уште една ќерка

По разводот од Робин, Мел започна врска со музичарката Оксана Григориева со која ја доби ќерката Луција. Оваа врска заврши бурно и прерасна во еден од најдраматичните скандали на Холивуд.

Имено, по разводот следеа обвиненија и судски спорови, кои со месеци ги полнеа таблоидите, но Мел Гибсон и покрај сè, остана посветен татко на својата ќерка, која денес расте со мајката и повремено се појавува во јавноста.

За Луција е познато дека покажува талент и креативност, особини кои можеби ги наследила од родителите.

Новата љубов и најмладиот наследник

Гибсон денес живее мирен живот со својата партнерка, младата сценаристка и поранешна спортистка, Росалинда Рос. Парот го доби синот Ларс Џерард, кој е најмлад член на семејството на Гибсон. Актерот повеќепати истакна дека Ларс го подмладува и мотивира, и дека му годи што повторно станал татко на позрела возраст.

Росалинд и Мел често патуваат заедно, а неодамна привлекоа внимание кога се појавија во Рим со малиот Ларс.

Семејството како најголемо поглавје

Иако Мел Гибсон имаше турбулентен живот, бурни врски и повремени скандали, факт е дека сиот свој живот го помина опкружен со своите деца. Неговото семејство е разнолико и бројно, а актерот, како што изјави, настојува да биде присутен во животот на своите деца, без оглед дали се работи за возрасни личности или за седумгодишно дете кое го шета низ улиците на Рим.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Принцови, принцези, актери, пејачи... Познати личности на финалето на Вимблдон

Финалето на Вимблдон во недела попладне привлече голем број холивудски ѕвезди и британски познати личности од А-листата.

Принцови, принцези, актери, пејачи... Познати личности на финалето на Вимблдон

Сите очи беа насочени кон Централниот терен, каде што Италијанецот Јаник Синер и Германецот Александар Зверев се соочија во напнат судир.

Кралското семејство во преден план

Меѓу многуте познати лица, особено се издвои принцезата од Велс, која блескаше во елегантен зелен фустан.

Таа пристигна на Вимблдон придружувана од своето семејство. Кејт беше придружувана од принцот Вилијам, принцезата Шарлот и принцот Џорџ, додека најмладиот син, принцот Луис, беше отсутен. Принцезата не ја симна насмевката од лицето, навидум невознемирена од моменталниот топлотен бран, додека принцот Џорџ се разладуваше во Кралската ложа со преносен вентилатор.

Принцезата, исто така, го носеше својот „брош Вимблдон“ во препознатливите бои на турнирот.

Мноштво познати лица

На кралското семејство во престижната ложа му се придружија и мноштво други ѕвезди. Актерката Никол Кидман (59) изгледаше шик облечена во бело одело, придружувана од Дама Ана Винтур. Сиена Милер (44) исто така беше видена во Кралската ложа во убав мини-фустан, додека актерите Бен Стилер и Рами Малек се прегрнаа топло по пристигнувањето. Поп-сензацијата Џенифер Лопез (56) ги пленеше погледите во тесна беж-фустан, која го дополни со елегантна шапка и високи потпетици.

Меѓу гламурозните гости беа водителката Тес Дејли (57) со нејзината ќерка Фиби (21), актерките Дејзи Едгар-Џонс (28), Лили Колинс (37) и Мариса Абела, легендарната Твиги (76) и Ники Хилтон (42). Актерот Том Хидлстон (45) избра стилски морнарски костум, Ендру Гарфилд бел костум од Ралф Лорен, а ѕвездата на „Adolescence“ Стивен Греам пристигна со сопругата Хана Волтерс.

Извор: Индекс.хр

Фото: Инстаграм

Тагови: Вимблдон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„BYD“ подготвува нов „ѕвер“ - ќе чини околу 40.000 евра

„BYD“ подготвува нов луксузен седан „Da Han“, кој ќе им се нуди на клиентите како целосно електричен модел или „plug-in“ хибрид.

„BYD“ подготвува нов „ѕвер“ - ќе чини околу 40.000 евра

Станува збор за автомобил кој користи иста платформа како и теренецот „Da Tang (Great Tang)“, и носи импресивни перформанси и многу брзо полнење на батеријата.

Електричната верзија добива батерија „Blade“ од втора генерација, која, според производителот, овозможува полнење од 10 до 97 проценти за само девет минути. Моделот ќе има управување на задните тркала, како и активна суспензија.

Со должина што е 6,6 сантиметри подолга од стандардниот „Mercedes-Benz S-Class“, „Da Han“ е меѓу најголемите луксузни седани на пазарот.

Основната електрична верзија користи еден електричен мотор сместен на задната оска кој развива 496 КС (370 kW), додека помоќната варијанта со погон на сите тркала има вкупна моќност од дури 764 КС (570 kW).

„BYD“ сè уште не го објави капацитетот на батеријата на електричната верзија, но наведува дека моделот со погон на задните тркала може да помине до 1.008 километри според кинескиот циклус на мерење „CLTC“.

Верзијата со погон на сите тркала има деклариран опсег од 880 километри. Треба да се напомене дека стандардот „CLTC“ дава пооптимистички резултати во споредба со европскиот „WLTP“ циклус.

„Plug-in“ хибридот користи 1,5-литарски турбо бензински мотор со 154 КС во комбинација со електричен мотор со 268 КС. Благодарение на „LFP“ батеријата со капацитет од 54 kWh, овој модел може да помине до 470 километри само на електрична енергија според кинеските мерења.

Според првичните информации, „BYD Da Han“ треба да има почетна цена од околу 41.000 евра.

Извор: Б92

Тагови: BYD

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Белата куќа повеќе нема да биде безбедна за Трамп“

Иранскиот пратеник Алаедин Боруџерди, член на Комитетот за национална безбедност на парламентот, изјави дека Белата куќа „веќе нема да биде безбедна“ за американскиот претседател Доналд Трамп.

„Белата куќа повеќе нема да биде безбедна за Трамп“

Боруџерди нагласи дека одмаздата за атентатот врз поранешниот врховен лидер Али Хамнеи станала „обврска“ за неговите следбеници и „сите слободни луѓе низ целиот свет“.

Тој додаде дека Трамп, израелскиот премиер Бенјамин Нетанјаху и „нивните агенти“ треба да очекуваат „слободните луѓе на светот да ја донесат раката на божествената одмазда“, додавајќи дека „ниту едно место во светот, дури ни Белата куќа, нема да биде безбедно“ за нив.

Тој исто така рече дека одмаздата станала „глобално движење“ наместо „ограничен одговор“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер