Американскиот синџир ресторани за брза храна претходно објави во соопштение дека по разговорите со украинските власти, повторно ќе ги отвори локациите во Киев, но првично само за испорака.
Новинарите на АФП лично се уверија во точноста на информациите кога видоа редица вработени во компаниите за испорака, како што е Глово, кои чекаат пред ресторанот за да собираат нарачки. „Во октомври овие три ресторани повторно ќе бидат отворени за посетители, а до нив ќе се отворат „McDrive“ и „McDonald's Express““, се вели во соопштението на компанијата.
„Како дел од постепеното повторно отворање на рестораните, се планира да се отворат уште седум во Киев, по што бројот ќе се зголеми во главниот град и во градовите на западот на земјата“, се додава. Мекдоналдс ја прекина работата во Украина на 24 февруари, веднаш по руската инвазија.
Долгоочекуваното повторно отворање на популарниот американски ресторан за брза храна, многу Украинци го гледаат како симболичен знак на поддршка. Во Русија, Мекдоналдс ги затвори своите продажни места, а на почетокот на оваа година ги продаде сите свои руски ресторани на бизнисменот Александар Говор, откако претходно најави целосно повлекување од рускиот пазар. Во објаснувањето, тогаш беше објавено дека продолжувањето на работењето на Мекдоналдс во Русија „веќе не е одржливо или во согласност со вредностите на компанијата“, пренесе Индекс.хр.