Мекалистер: Го цениме тоа што интеграцијата во ЕУ е приоритет во Албанија, но сме загрижени во однос на политичката поларизација - Канал 5

Балкан

Мекалистер: Го цениме тоа што интеграцијата во ЕУ е приоритет во Албанија, но сме загрижени во однос на политичката поларизација

Европската Унија упати јасни пораки до Тирана во врска со истрагата на вицепремиерката Белинда Балуку, насилните протести на опозицијата или законската иницијатива на СП за спречување на суспендирање на носители на високи  функции, објави Топ чанел.

Мекалистер: Го цениме тоа што интеграцијата во ЕУ е приоритет во Албанија, но сме загрижени во однос на политичката поларизација

Пораките ги упати претседателот на Комитетот за надворешни работи на Европскиот парламент, Дејвид Мекалистер, кој во изминатите два дена заедно со 8 пратеници од Европскиот парламент престојуваа во Тирана.

Мекалистер изјави дека оваа посета доаѓа во многу соодветно време, според него, имајќи предвид дека Албанија ја отвори последната група поглавја во процесот на преговори за членство во ЕУ.

-Ние продолжуваме силно да ја поддржуваме Албанија на нејзиниот пат кон европската интеграција. Исто така ги признаваме и силните резултати што ги постигна Албанија. Отворањето на сите поглавја е значајно достигнување. Но, нема место за самозадоволство. Албанија треба да продолжи да работи уште понапорно за исполнување на обврските и за завршување на преговорите, изјавил тој, објавија албанските медиуми.

Мекалистер истакна дека интеграцијата во ЕУ е процес што се темели на заслуги и според него, секоја земја се оценува врз основа на исполнувањето на критериумите.

„Го цениме тоа што интеграцијата во ЕУ е приоритет во Албанија, но сме загрижени во однос на политичката поларизација. Сметаме дека е потребен поголем политички дијалог. Мнозинството треба да ја вклучи опозицијата во политичкиот дијалог, а таа да се откаже од насилните протести, изјави Мекалистер.

Во однос на истрагата против вицепремиерката Белинда Балуку, на новинарско прашање рече дека не сака да коментира вакви случаи но додаде „ова прашање е тест за Албанија на европскиот пат", како што се и најавените „законски измени за спречување на суспендирање на носители на високи функции".

Делегацијата од Комитетот за надворешни работи на Европскиот парламент за време на посетата се сретна со претседателот на Собранието на Албанија, Нико Пелеши, премиерот Еди Рама и министерката за Европа и надворешни работи на Албанија, Елиса Спиропали.

Се сретна и со претставници на опозициската Демократска партија, но не и со лидерот Сали Бериша. Тие се пожалиле дека Албанија назадува во борбата против корупцијата и оти парламентарните избори биле изманипулирани. Неговата порака беше дека за насилни протести нема место во една функционална демократија.

Тагови: Мекалистер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп именуваше пратеник за затворениците: „Тој врати 65 Американци од Белорусија“

Американскиот претседател Доналд Трамп денеска објави дека адвокатот и актуелен пратеник за Белорусија, Џон Коул, ќе биде негов специјален претседателски пратеник за прашања поврзани со затвореници.

Трамп именуваше пратеник за затворениците: „Тој врати 65 Американци од Белорусија“

Белорускиот претседател Александар Лукашенко минатиот месец помилува 15 затвореници по разговорите со Коул, кој повеќе од една година преговара со Минск.

„Во текот на изминатата година, Џон веќе обезбеди враќање на повеќе од 65 Американци и државјани на сојузнички земји од Белорусија и договори ослободување на повеќе од 800 политички затвореници од неколку источноевропски земји“, објави Трамп на својата социјална мрежа „Truth Social“.

Коул ќе го замени Адам Болер, за кого Трамп рече дека вратил 196 заложници.

Болер, кој во август помогна да се обезбеди ослободување на поранешен американски маринец од Русија, ќе продолжи да помага околу други прашања како виш советник, додаде Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски: Како министерство сериозно сме засегнати за решавање на проблемите

Министерството за земјоделство, шумарство и водостопанство сериозно е засегнато за решавање на проблемите во делот на пласманот, производството и цената на оризот, порачал ресорниот министер Борче Серафимовски.

Серафимовски: Како министерство сериозно сме засегнати за решавање на проблемите

Тој денеска во Горни Подлог присуствувал на традиционалното зажетнување со срп на 35. издание на манифестацијата „Денови на кочанскиот ориз“.

Тагови: Борче Серафимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Измамникoт од Tinder“ лансира апликација – се бара од „Apple“ и „Google“ да ја блокираат

Шимон Хајут, попознат како „Измамникот од Tinder“ – по документарниот филм за измамите што ги вршел – сака да лансира сопствена апликација за запознавање.

„Измамникoт од Tinder“ лансира апликација – се бара од „Apple“ и „Google“ да ја блокираат

Идејата на Хајут е да го искористи своето искуство со измами за да развие платформа наречена „Safe Love“, дизајнирана да ги штити корисниците од луѓе како него.

Хајут тврди дека неговото познавање на методите на лажење, манипулација и измама му овозможува да создаде систем што може подобро да ги спречи таквите активности. Сепак, неговата идеја веќе предизвика реакција во индустријата за онлајн запознавање.

Организацијата „Online Dating and Discovery Association (ODDA)“ испрати писмо до „Apple“ и „Google“, повикувајќи ги да не дозволат апликацијата поврзана со Хајут да се појави во нивните продавници за апликации. Организацијата наведува дека неговата вклученост во апликацијата би претставувала сериозен ризик за корисниците, особено за жените.

Деталите за тоа како „Safe Love“ всушност треба да ги штити корисниците остануваат непознати. Хајут спомна верификација на корисници, модерација и системи за заштита од измами, но не објасни како би функционирале овие системи или точно кога апликацијата би станала достапна.

Во исто време, ваквата апликација покренува дополнителни прашања во врска со довербата. Современите платформи за запознавање сè повеќе користат верификација на идентитетот и други безбедносни механизми, барајќи од корисниците да споделуваат лични податоци. Со апликација основана од некој што е озлогласен по романтични измами, довербата во начинот на кој се чуваат тие податоци ќе биде од особено значење.

Засега не е познато дали „Apple“ и „Google“ ќе го прифатат барањето на „ODDA“. „Safe Love“ сè уште не е објавена како широко достапна апликација, а нејзиното евентуално појавување во продавниците за апликации ќе зависи од усогласеноста со нивните политики и регулаторни барања.

Извор: Б92

Тагови: Tinder

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер