Мејведер демантира договор за мечот против Пакијао - Канал 5

Други спортови

Мејведер демантира договор за мечот против Пакијао

Американскиот боксер и актуелен светски првак, Флојд Мејведер демантираше дека е постигнат договор со кој ќе има борба против Мани Пакијао.

Мејведер демантира договор за мечот против Пакијао

Досега непоразениот Мејведер, кој синоќа присуствуваше на НБА Ол-стар натпреварот во „Медисон сквер гарден“ во Њујорк, во кратко ТВ интервју изјави дека нема вистина во гласините дека е постигнат договор меѓу двајцата боксери за борба вредна 250 милиони долари.

- Околу шпекулациите дека веќе имаме договорен меч би сакал да потенцирам дека тоа не е вистина. Немам ништо потпишано, а колку што знам нема ниту Мани. Тоа се шпекулации. Но, се надевам дека мечот ќе биде договорен, изјави Мејведер.

Американските медиуми во изминатиот период зачестија со пишувањата дека веќе е договорен и терминот за мечот меѓи Пкијао и Мејведер и тоа на 2 мај во Лас Вегас. Ова особено откако двајцата боксери се сретнале на НБА натпревар во Мајами кон крајот на јануари.

Како една од главните причини за неодржување на мечот се проблемите со телевизиските права. Имено Американецот има потпишан договор со „Шоутајм’’, додека Пакијао со ХБО’.

Последен пат овие две телевизиски компании успеаја да постигнат договор за мечот меѓу Мајк Тајсон и Ленокс Луис во 2002 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Во Ново Село Организираната криминална група прати насилници да ги тепаат младите - затоа што се плашат од вистината!

Во Ново Село денеска мирни млади социјалдемократи го пречекаа Христијан Мицкоски со едноставна порака, Гостивар се труе, вие сте виновни.

СДСМ: Во Ново Село Организираната криминална група прати насилници да ги тепаат младите - затоа што се плашат од вистината!

Мирно. Културно. Без насилство.

Одговорот на организираната криминална група беше класичен: пратија околу десетмина да им се закануваат, да ги нападнат и да ги замолчат.

Меѓу нив и шофер на градоначалникот на Ново Село, Наско Димитриев.

Вчера поднесуваа кривични пријави за навреда.

Денеска праќаат насилници.

Ова е нивото на власт што ја води Мицкоски.

Кога нема аргументи - праќаат луѓе да тепаат.

Кога нема резултати - шират страв.

Кога народот прашува за труењето во Гостивар - тие напаѓаат млади.

Мицкоски ја загуби контролата.

Се плаши од вистината.

Се плаши од народот.

Се плаши од младите.

Затоа што младите не се купуваат со лаги.

Не се плашат од закани.

И не молчат додека цела Македонија се труе.

СДСМ бара од МВР веднаш да ги идентификува и уапси сите учесници во нападот.

Сите до еден. Без селективност. Без заштита.

А на младите социјалдемократи им порачуваме јасно:

Не сте сами!

Нема да ве замолчат.

Борбата против насилството и криминалната власт продолжува.

Народот е буден.

И стравот веќе не е на нивна страна.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тигрицата Умит се врати во дивината, нова надеж за загрозен вид (ВИДЕО)

Тигар е пуштен во дивината. Само по себе, ова можеби не би била толку возбудлива вест ако не беше фактот дека станува збор за женка од загрозениот Амурски тигар која е вратена во дивината на Казахстан.

Тигрицата Умит се врати во дивината, нова надеж за загрозен вид (ВИДЕО)

Животното, по име Умит (Надеж), е пуштено во природниот резерват Иле-Балхаш во регионот Алмати, каде што луѓето целосно ги истребија овие прекрасни предатори пред неколку децении. Резерватот е основан со една цел - да стане дом за овие големи животни.

Уникатниот проект за враќање на тигрите во нивното историско живеалиште го води Министерството за екологија на Казахстан во соработка со рускиот Центар за Амурски тигри.

Тигрицата Умит е втората женка што пристигна во областа. Првата беше пуштена пред две години откако пристигна од Холандија. Таа пристигна во резерватот со мажјак, а парот е сè уште во голем ограден простор и сè уште не е целосно слободен во природа.

Умит, сепак, е поинаква приказна. Таа пристигна од територијата Хабаровск на рускиот Далечен Исток. Таа беше придружувана од мажјак по име Амур, како и две младенчиња - Туран и Усури. Сите тие се дел од популацијата на амурски тигри од Русија и беа веднаш ослободени.

Амурскиот тигар, познат и како сибирски тигар, е најголемиот предатор мачка во светот. Возрасните мажјаци можат да тежат повеќе од 300 килограми и да достигнат должина од речиси три метри. Овој исклучително издржлив предатор може да преживее температури и до минус 40 степени Целзиусови благодарение на густото крзно и дебелиот слој маснотии на стомакот.

Во текот на изминатиот век, луѓето речиси целосно го истребија овој вид во дивината поради ловокрадство и уништување на шумите. Затоа, секој нов тигар пуштен во дивината е голем чекор кон опстанокот на едно од најзагрозените животни на планетата.

Целта на еден голем проект во Казахстан е да се создаде самоодржлива популација од 100 до 120 тигри во текот на следната деценија.

Извор: Б92

Тагови: тигар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политички превирања во Унгарија: Тиса бара итен избор на нов претседател

Парламентарната група Тиса поднесе иницијатива Унгарскиот парламент да избере нов претседател на Републиката на вонредна седница на 11 август, во согласност со уставните рокови.

Политички превирања во Унгарија: Тиса бара итен избор на нов претседател

Парламентарната група Тиса денес поднесе иницијатива Унгарското национално собрание да избере нов претседател на Републиката на вонредна седница во вторник, 11 август.

Предлогот предвидува изборот на шеф на државата да биде вклучен како додаток на дневниот ред на вонредната седница на парламентот, закажана за 10 и 11 август, објави унгарскиот портал Индекс.

Според образложението на иницијативата, новиот претседател на Републиката треба да биде избран во вторник, 11 август, односно во рокот пропишан со унгарскиот Устав. Иницијативата ја поднесе шефицата на пратеничката група Тиса, Андреа Ана Бујдосо, а покрај лидерот на партијата, Петер Маѓар, ја потпишаа уште 42 пратеници.

Фото: ВИ

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер