Мехмедовиќ: Третата доза против „омикрон“ е доволна

После трета,старт на истражувањата за четврта доза анти-ковид вакцина.

Израел е првата земја во светот што најави оти опција ќе биде и четврто дозирање за поголема заштита од новиот сој на коронавирусот - „омикрон“, но само ако студиите покажат дека за ова има медицинска основа и нема големи ризици, изјави премиерот на Израел, Нафтали Бенет.

- Преку студии ќе се истражува и анализира за четврта доза за ризичните групи на граѓани. Четврта доза е на агендата. Колку поскоро се вакцинирате до толку побрзо ќе се создаде заштита во организмот пред лицето да стапи во контакт со новиот сој „омикрон“, вели Нафтали Бенет – Премиер на Израел.

Британија каде „омикрон“ веќе ја зеде првата жртва, засега смета дека трета доза е доволна против новиот сој. Па британскиот премиерот Борис Џонсон ги повика сите граѓани да се вакцинираат со трета доза вакцина, оти првите две не се доволни.

Двете дози создаваат „ѕид“, а третата само го зајакнува, објаснува за Канал 5 Д-р Злате Мехмедовиќ, кој додава оти иако е рано, „идно сценарио“ за четврта доза сепак постои.

Во меѓувреме, соседна Грција им забрани влез на затворено на сите возрасни граѓани над 60 години кои немаат примено трета доза вакцина, а мерката важи и за туристите.

Кај нас, и понатаму на сила е мерката за задолжителни две дози вакцина за влез во трговски или кафеана, но според досегашните статистики таа значително не го зголеми интересот за имунизација. Последниот месец нововакцинирани се без малку 23.000 кои примиле прва доза, со што нивото на имунизираност на возрасното население во Македонија достигна околу 40 %. Од нив, 82.000 граѓани имаат примено трета доза.

Се балсамирала?!

Познатата креаторка Вера Ванг го прослави 73-тиот роденден!

Познатаа модна креаторка Вера Ванг претходната недела го прослави својот 73-ти роденден. По повод овој настан беше организирана раскошна забава, како и караоке забава во Њујорк, на која Ванг ги изненади присутните со својот изглед.

Таа носеше розови шорцеви со фустан-туника, а на нозете имаше високи сребрени потпетици.

Со затегнати нозе и мазна права коса, Вера може да ѝ парира на секоја девојка. На главата носеше розово-сребрена тиара, како вистинска принцеза. Таа позираше и со шише просеко од брендот Вера Ванг, како и со раскошна торта.

На својот Инстаграм профил таа сподели многу фотографии од забавата.

Многу обожаватели ја прашаа која е нејзината тајна и дали знае за некаков еликсир на младоста. Доста луѓе прокоментирале дека изгледа како да била балсамирана.

Познатата дама многу често нагласуваше дека не постојат случајности или некаква среќа кога е во прашање нејзиниот беспрекорен изглед. Како што своевремено изјавила за магазинот „Пипл“, целата заслуга ја должи на повремените вежби, но и на таканаречената „мускулна меморија“ бидејќи со години била активен спортист. Спортот ја обликувал и се покажало дека, како што самата тврди, имал долгорочен ефект.

Извор: srecna.republika.rs

Сестра му напишала писмо на својот брат долго 434 метри

Писмо долго 434 метри и тешко 5 килограми е одговорот на една сестра од Керала, Индија, со кое сакала да го утеши  својот помлад брат што заборавила да му го честита Меѓународниот ден на браќата годинава.

Поради нечеститањето на Меѓународниот дек на браќата братот престанал да и се јавува, па дури и ја блокирал на WhatsApp.

Сфаќајќи колку е повреден нејзиниот помлад брат, студент по машинско инженерство, четврта година, тој мора да бил разочаран поради тоа што не му го посакала денот на браќата, Кришнаприја, самата инженерка, решила да му напише писмо за врската што ја споделуваат и нејзината љубов кон него.

Зборувајќи за медиумите, таа истакнала: „Заборавив да му го посакам на денот на мојот брат. До вечерта тој престана да ги прима моите повици и исто така ме блокираше на Whatsapp. Затоа решив да му напишам писмо. Почнав да пишувам на листови со големина А4. но наскоро сфатив дека тоа нема да биде доволно бидејќи имам многу да му пренесам“.

"Затоа решив да купам подолги листови за пишување. Но, кога отидов на маркет, тие рекоа дека имаат само ролни за сметководители, кои беа долги. Затоа донесов дома 14 ролни. Ми требаа околу 12 часа да го завршам целото писмо, кое на крајот беше долго цели 434 метри и тешко 5 килограми “, додаде таа.

Кришнаприја понатаму истакнала дека во своето писмо напишала за животот на нејзиниот брат Кришнапрасад од неговото раѓање до неговиот студентски живот денес и ги вклучила и моментите што ги споделувале и љубовта што ја имаат еден за друг.

„Ние сме многу блиски еден со друг и споделуваме многу пријателски односи и растејќи бевме како близнаци – дополнила сетрата.

Ефектот од долгото и тешко писмо на неговата сестра можел јасно да се забележи на насмеаното лице на Кришнапрасад, кој за медиумите изјавил дека е многу среќен што го примил.

Писмото што помогнало да се помират бфратот и сестрата наскоро може да најде место во Гинисовата книга на рекорди како најдолгото писмо некогаш напишано откако Кришнаприја испратил барање за истото.

Престрелка во трговски центар во Копенхаген, неколку загинати и повредени

Неколку лица се убиени во престрелка во трговски центар во Копенхаген, изјави началникот на полицијата. Напаѓачот е уапсен, а тој е 22-годишен Данец.

Данската полиција соопшти дека во Копенхаген биле застрелани неколку луѓе и дека едно лице е уапсено, додека градоначалникот на данската престолнина ситуацијата ја оценил како „многу сериозна“.

Неколку лица се примени во главната болница, изјави портпаролот на здравствената установа, додавајќи дека повикале дополнителни хирурзи и медицински сестри да помогнат во згрижувањето на повредените лица.

притисни ентер