Други спортови

Меѓународен џиу џица турнир ,,Скопје Опен 2024” во општина Илинден

Центарот на спортските случувања денес е во Општина Илинден, каде во спортската сала ,,Гоце Делчев” свечено беше отворен 13. традиционален Меѓународен џиу џица турнир ,,Скопје Опен 2024”.

Турнирот е во организација на Македонската џиу џица федерација, а учествуваа над 250 борци, 17 клубови и тоа од Србија, Црна Гора, Бугарија, Грција, Босна и Херцеговина, Словенија, Австрија и се разбира од Македонија.

На 13. Меѓународен џиу џица турнир ,,Скопје Опен 2024” градоначалникот на Општина Илинден, Александар Георгиевски заедно со министерот за спорт, Борко Ристовски, а од страна на Македонската џиу џица федерација им беа доделени плакети за особен придонес во развојот на џиу џица спортот.

Градоначалникот Георгиевски се обрати и ги поздрави присутните, пришто истакна дека Општината секогаш ги поддржува спортските активности и им дава големо значење, доказ за тоа е одржувањето на голем број спортски натпревари во нашата општина. Со оглед на фактот дека овој турнир по трет пат се одржува во нашата општина, тоа е доказ дека Општина Илинден се покажа како добар домаќин за спортските натпревари.

Турнирот беше во три дисциплини во детски и во возрасни категории, машка и женска конкуренција. Натпреварите течат во најдобар ред во позитивен спорски дух, а љубителите на овој спорт имаат можност да ги погледнат динамичните борби, дуо-систем што значи презентација на техники за самоодбрана како и неваза-бразилска џиу-џица.

Општина Илинден

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода девет возачи за безобѕирно управување возило

Сите возеле без возачка дозвола, од кои двајца малолетници, а еден и бил и под дејство на алкохол.

Во текот на изминатото деноноќие на целата територија на државата, полициските службеници лишија од слобода девет возачи кои управувале возило без возачка дозвола, од кои двајца малолетници, а еден и бил и под дејство на алкохол. По две лица во Скопје и Прилеп и по едно лице во Кочани, Гевгелија, Кратово, Македонски Брод (малолетник) и Кривогаштани (малолетник) возеле без дозвола. Лицето во Кратово претходно учествувало во сообраќајна незгода, како и едно од лицата во Прилеп, кое воедно било и под дејство на алкохол. По целосно документирање на случаите ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: возачи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

12 лица лишени од слобода во Гевгелија, Охрид и Скопје затоа што кај нив била пронајдена дрога

Во текот на изминатото деноноќие, полициски службеници на повеќе локации низ државата лишија од слобода 12 лица кај кои била пронајдена дрога.

На 12.06.2026 во 21:50 часот во Гевгелија, полициски службеници од СВР Струмица-ОВР Гевгелија ги лишија од слобода С.К.(21), К.П.(20) и А.С.(21), сите од Гевгелија. Тие биле затекнати како во патничко возило „мерцедес“ со гевгелиски регистарски ознаки употребуваат марихуана, а кога им пристапиле полициските службеници се обиделе да побегнат и до возилото фрлиле марихуана, која е пронајдена и одземена. Остатоци од марихуана се пронајдени и при преглед на возилото. Запознаен е јавен обвинител од Основното јавно обвинителство Гевгелија.

Ноќеска (13.06.2026) во 00:30 часот во Гевгелија, полициски службеници од СВР Струмица-ОВР Гевгелија го лишија од слобода Т.М.(52) од Гевгелија. При преглед на патничко возило „мерцедес“ со гевгелиски регистарски ознаки, управувано од Т.М., била пронајдена марихуана. За настанот е запознаен јавен обвинител од Основното јавно обвинителство Гевгелија.

На 12.06.2026 во 19:55 часот на бул.,,Туристичка“ во Охрид, полициски службеници од Отсекот за недозволена трговија со дрога и оружје при СВР Охрид го лишија од слобода С.П.(45) од Охрид. При преглед на патничко возило „ауди“ со охридски регистарски ознаки, кое го управувал, кај него била пронајдена и одземена бела прашкаста материја.

На 12/13.06.2026 во Скопје, на различни локации, полициски службеници од СВР Скопје ги лишија од слобода С.Д.(40), Ч.И.(36), Д.К.(30), Д.Б.(19), Б.Х.(20) и 17-годишник, сите од Скопје, како и А.Н.(22) од с.Желино, тетовско, затоа што кај нив се пронајдени и одземени бела прашкаста и бела грутчеста материја и марихуана. По целосно документирање на случаите против нив ќе следуваат соодветни поднесоци.

По целосно документирање на случаите против нив ќе следуваат соодветни поднесоци.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Традиција и раскош: Велика Британија го слави роденденот на кралот Чарлс со воен спектакл

Велика Британија денес го одбележува роденденот на кралот Чарлс со традиционалната воена церемонија „Trooping the Colour“, еден од најважните настани во кралскиот календар, објави „GB News“.

Овогодинешната парада ќе биде четврта што кралот Чарлс ќе ја предводи откако се искачи на тронот.

Илјадници граѓани се собираат по Вајтхол за да го следат настанот.

Првиот баталјон на Гренадиерската гарда оваа година имаше чест да го носи своето знаме за време на парадата.

Ова е најстариот пешадиски полк на британската армија, основан во 1656 година, кој освоил 78 борбени почести и 14 Викториини крстови низ целата своја историја.

По воената парада, се очекува членовите на кралското семејство да се соберат на балконот на Бакингемската палата за да го поздрават традиционалниот надлет на авионите на Кралските воздухопловни сили.

Кралот Чарлс носи униформа на Гренадиерската гарда, а на парадата учествуваат и принцот Вилијам, принцезата Ана и принцот Едвард, војводата од Единбург.

Церемонијата „Trooping the Colour“ се одржува во сегашната форма од 1748 година и е комбинација од воена традиција и прослава на официјалниот роденден на британскиот монарх.

Кралот Чарлс првпат присуствувал на настанот во 1951 година како тригодишен принц.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.