Градоначалникот на Општина Аеродром, Дејан Митески, заедно со својот тим, денес изврши увид во тековните градежни активности во ООУ „Гоце Делчев“ во Горно Лисиче, каде што интензивно се одвива доградбата на училиштето, како и во активностите за унапредување на системот за греење со топлински пумпи.

Во рамките на доградбата се гради целосно нов дел од училиштето, кој ќе располага со шест нови училници и две помали канцеларии. Со реализацијата на овој проект ќе се обезбедат дополнителни просторни капацитети и значително подобри услови за одвивање на наставата.

Паралелно се реализира и проектот за подобрување на системот за греење со поставување топлински пумпи, согласно со Меморандумот за соработка меѓу УНОПС и Општина Аеродром. Со проектот се опфатени ООУ „Гоце Делчев“, спортската сала и ЈУДГ „Буба Мара“.

Во досегашната фаза е изработена армирана бетонска плоча и поставени се топлинските пумпи, со што активностите за воспоставување на новиот систем за греење се во завршна фаза.

„Инвестираме во образовната инфраструктура затоа што сакаме нашите ученици да учат во современи, квалитетни и ефикасни услови. Доградбата на ООУ „Гоце Делчев“ и новиот систем за греење се конкретни инвестиции кои значат подобри услови денес, но и создавање подобра иднина за нашите деца“, истакна градоначалникот Митески.

Општина Аеродром продолжува со реализација на проекти насочени кон модернизација на училиштата и подобрување на условите за учениците, наставниците и целиот воспитно-образовен процес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Заменик министерот за здравство, Јовица Андовски заедно со претставниците од Институтот за јавно здравје, Центарот за јавно здравје Скопје и Клиниката за инфективни болести, на денешната прес конференција информираа за епидемиолошката состојба со западнонилска треска во земјава.

- Навремено и транспарентно ја информираме јавноста за состојбата со западнонилската треска. Ова не е ново заболување, присутна е и во текот на претходни години, а годинава заради актуелната епидемиолошка состојба, бројот на потврдени случаи и активноста на вирусот, наметнаа потреба од засилен институционален одговор. Ја следиме состојбата во координација со Институтот за јавно здравје, Центрите за јавно здравје, Комисијата за заразни болести и Клиниката за инфективни болести, со цел навремено да ги идентификуваме и третираме случаите, како и да спречиме појава на нови случаи, истакна Андовски.

Тој порача дека нема место за паника, туку има потреба од внимателност и одговорност, односно граѓаните да преземаат мерки за лична заштита, носење соодветна облека, како и избегнување на места каде е најголема изложеноста на комарци.

Д-р Марија Гочевска од Институтот за јавно здравје информираше дека заклучно со 11 август, се регистрирани вкупно 26 случаи, од кои 2 се веројатни. Од нив, 25 лица се од Скопје, а еден е од Велес. Во однос на возрасната категорија, д-р Гочевска посочи дека 22 лица се на возраст над 60 години.

- Станува збор за автохтони случаи од нашата држава, а едно лице патувало во Грција. Сите случаи се со невроинвазивна форма, појасни д-р Гочевска.

Директорот на Клиниката за инфективни болести и фебрилни состојби, д-р Фадил Цана информираше дека пациентите се третираат на клиниката која располага со капацитети и соодветна дијагностика.

- Четворица пациенти се водат како суспектни и во тек е дијагностичка постапка. Осум пациенти се испишани на домашно лекување, но за жал, морам да информирам дека 83-годишен пациент е починат. Пациентот имаше и други заболувања, истакна д-р Цана.

Д-р Златко Арсениевски од Центарот за јавно здравје Скопје информираше дека вчера беше прогласена епидемија на одредени зафатени општини во градот Скопје, како што се Кисела Вода, Гази Баба, Аеродром, Бутел и Илинден, како и зафатени населби како Драчево, Пржино, Долно Лисиче, Кадино, Јурумлери.

Министерството за здравство ќе продолжи навремено и транспарентно да ја информира јавноста за сите релевантни промени во состојбата со ова заболување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Амбросио во вторникот ја објави веста за свршувачката преку заедничкиот профил на парот на Instagram, пишувајќи: „Би те избрала во овој живот и во секој друг живот. За вечноста, љубов моја.“

Палмер ја запросил Амбросио на плажа во Индонезија, додека манекенката во атрактивно бикини го воодушевила со својот изглед. Тој клекнал на песокот пред неа, а таа потоа го покажа својот нов дијамантски прстен додека се прегрнувале.

ФОТО: alessandraambrosio/Инстаграм

Двојката позирала и во срце направено од ливчиња од рози.

Алесандра и Палмер се во врска од крајот на 2024 година. Тој е австралиски дизајнер на накит и поранешен модел.

Гласините за свршувачка првпат се појавија оваа пролет, откако поранешниот ангел на Victoria's Secret објави фотографии на Instagram на кои носеше златен прстен на безимениот прст.

„Ако Алесандра е свршена, сè уште не им кажала на своите пријатели, но сите чувствуваат дека таа и Бак одат во таа насока бидејќи се многу сериозни и заљубени. Ова можеби е голем знак дека се подготвуваат за брак“, изјавил извор за "The Daily Mail" во април.

ФОТО: alessandraambrosio/Инстаграм

„Многу е веројатно дека тој го дизајнирал прстенот што го носи на безимениот прст, бидејќи тоа е неговата професија – тој дизајнира накит.“

Во објава од нивниот одмор во Индонезија во средината на април, и Амбросио и Палмер носеле златни прстени на безимениот прст.

ФОТО: alessandraambrosio/Инстаграм

Амбросио и Палмер првпат беа романтично поврзани на забава за време на Art Basel во Мајами во 2024 година.

Тогаш извори блиски до парот открија дека манекенката била многу заљубена и се надевала дека со новиот партнер ќе остане „цел живот“, поради нивната силна поврзаност.

„Алесандра знае кој ќе биде човекот што ќе го бакне на Нова година и се надева дека истиот маж ќе го бакнува на секоја Нова година до крајот на животот“, изјавил тогаш изворот.

„Таа помина низ многу во љубовните врски, но навистина верува во љубовта и чувствува дека конечно ја пронашла.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.