Во посебен случај, властите изрекоа десет смртни казни за друга жена поради убиства на постари мажи со кои била во брак.

Марзие Ниери (23) била погубена во зората во централниот затвор во Казвин, пренесува „Еуроњуз“.

Организацијата „Ирански човекови права“ наведува дека Ниери била принудена на брак под семеен притисок кога имала само 17 години.

Инцидентот што довел до нејзината осуда се случил во октомври 2021 година, кога таа имала 18 години. На судењето, таа изјавила дека еден од деловните соработници на нејзиниот сопруг, кој бил под дејство на алкохол, се обидел да ја нападне. Таа го ранила со кујнски нож во самоодбрана. Во истиот судир загинал и нејзиниот сопруг. Ниери сама се пријавила во полицијата четири дена подоцна, откако претходно побарала засолниште кај својот брат. Судот го отфрли нејзиното тврдење за самоодбрана.

Семејствата на жртвите побараа примена на *кисас* – казна одмазда заснована на принципот „око за око“ во правниот систем на Исламската Република – што резултираше со изрекување смртна казна.

Според „Ирански човекови права“, ова е најмалку четиринаесетто погубување на жена во Иран од почетокот на 2026 година.

Овие погубувања се случуваат во услови на нагол пораст на бројот на жени погубени во земјата. Стејт департментот на САД објави дека во 2025 година во Иран биле погубени најмалку 61 жена. Оваа бројка е највисока во последните 25 години и претставува зголемување од приближно 70 проценти во споредба со претходната година.

Во извештајот се наведува дека Иран е на чело на листата на земји според бројот на погубени жени. Убиството на сопругот или партнерот е една од најчестите причини поради кои жените во Иран се соочуваат со смртна казна.

Организацијата „Ирански човекови права“ (Iran Human Rights) забележува дека најмалку 21 од жените погубени минатата година биле осудени на *кисас* (казна одмазда) за убиство на своите сопрузи или свршеници.

Истиот ден, правосудните органи во провинцијата Мазандаран објавија дека Колтум Акбари е осудена на десет смртни казни врз основа на принципот на *кисас* (одмазда) за десет убиства. Постапката против неа беше покрената во септември 2023 година, по сомнителната смрт на еден 82-годишен маж во Махмудабад. Мажот починал само неколку месеци откако склучил привремен брак со Акбари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фенербахче сериозно покажа интерес за Ромелу Лукаку, белгискиот напаѓач веќе ги договорил условите, а се чека конечниот договор меѓу клубовите.

На повидок е голем трансфер во турското фудбалско првенство!

Капитенот на Белгија, Ромелу Лукаку е пред преселба од Наполи во Фенербахче!

Како што пренесуваат италијанските медиуми, вклучително и „Скај Италија“, Лукаку веќе дал зелено светло за преселба во Истанбул и ги договорил личните услови со Фенербахче.

Сега преостанува двата клуба да се договорат за висината на обештетувањето. Фенербахче веќе испрати понуда до Наполи, но таа била одбиена, па преговорите продолжуваат.

Италијанскиот клуб бара околу 10 милиони евра за трансферот, додека во медиумите се појавија различни информации за тоа колку Фенербахче е подготвен да плати.

Сепак, сите страни веруваат дека договорот може да се постигне многу брзо. Според најновите информации, Наполи, Фенербахче и самиот Лукаку очекуваат преговорите да завршат во наредните неколку дена.

За Фенербахче, доаѓањето на Лукаку би претставувало спектакуларно засилување. Белгиецот со години е едно од најпознатите имиња во европскиот фудбал, а во текот на кариерата настапувал за Андерлехт, Вест Бромвич Албион, Евертон, Манчестер Јунајтед, Интер, Челзи и Рома.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ете точно кога Владата на Мицкоски го направи скандал, овој дебакл со нашето македонско знаме.

На нивната официјална организирана прослава по 35 години од независноста на државата, платена со милиони евра народни пари, Мицкоски и неговата Влада ги понижаа државата и ги понижија граѓаните.

И наместо да кажат кој е одговорен, наместо да објаснат колку пари чини ова понижување, и наместо да што е најважно да им се извинат на граѓаните што ги понижија нивните чувства, вчера се обидоа со едно таргикомично објаснување да се оправдаат дека всушност тоа што го видовме со така нареченото македонско знаме било, верувале или не, „уметничка инсталација“.

Значи за Мицкоски, за ВМРО, за Владата, државното знаме не е свет државен симбол, туку е цитирам „уметничка инсталација“.

И сега повторно, како рефлекс, се вратија на омилена тема - на народот, на СДСМ, односно на талогот. Кога ќе направат грешка, виновен е СДСМ, виновен е народот. Кога ќе понижат државата и државен симбол, повторно виновни се граѓаните и талогот. Кога немаат резултати, повторно некој друг им е виновен.

Тендер патриотите не знаат како изгледа знамето на државата, но многу добро знаат како изгледаат бугарските пасоши и како се прават фирми во Бугарија.

Тие многу добро знаат што е патриотизам, кога патриотското крадење на патриотските пари, преку патриотските тендери, си го организират перфектно.

Меѓутоа, она што сакаме денеска да го истакнеме на прес-конференцијата е следно. Додека Мицкоски една екскурзија се одвива едно срамно обележување на независноста на нашата држава, недостасуваат клучни факти.

Недостасува членството во НАТО, недостасува членството во ОН, недостасува кандидатскиот статус во Европската Унија.

Значи се прави ревизија на клучните историски факти, што е многу важно да го напоменеме. Зошто се прави оваа ревизија? Затоа што всушност ВМРО го нема во ниту еден од државните успеси кои што ги постигнала Македонија.

Напротив, токму СДСМ ги има направено сите најважни државнички чекори. И ова што беше објавено како спот и целиот тој проект е потврда за тоа што денеска го кажуваме.

Каде денес ќе беше Македонија, каде денес ќе беше нашата држава, ако ВМРО беше цело време на власт? Немаше да имаме држава. Да потсетиме дека токму тие го газеа македонското знаме на Мечкин Камен.

Значи, ова не е прв инцидент. Наназад се случува од патриотите да имаме такви инциденти. Или газење, или понижување на македонското знаме.

Она што сакаме денес кај исто така да го соопштиме и да го отвориме како тема е дека за ова мора да има последици. За срамната прослава со понижување на македонските државни симболи за знамето, законот јасно предвидува санкција.

Според член 4 од Законот за употреба на грбот, знамето и химната, исто така јасно е наведено како може да се употребува државното знаме.

Има и казнени одредби, тоа е член 30, од овој закон за прекршочна одговорност доколку организаторот на јавен настан по грешка или незнање, истакне погрешно знаме.

Денеска бараме Владата да го прекине молкот и конечно да излезе пред граѓаните. Да каже, која фирма го направи погрешното знаме?

Кој беше задолжен за визуелниот перформанс?

Колку народни пари чини оваа прослава и кој ќе сноси одговорност за ова понижување на Македонија, на нејзините државни символи и на нејзините граѓани?

Прес конференција на СДСМ, Андреј Жерновски, Секретар за меѓународна соработка

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.