Медведев со критики до публиката на Австралија Опен, му одговори Киргиос

Ник Киргиос испадна од Австралија опен, откако Данил Медведев беше подобар од него во речиси тричасовниот меч.

Пред да го напушти турнирот, тој се наврати на навивачите кои го бодреа во Род Лејвер Арената за време на натпреварот од второто коло на турнирот во кој загуби од фаворизираниот Русин.

„Не ми е мило што слушам дека Медведев критикуваше дел од навивачите на крајот од мечот. Ова е спорт и атмосферата беше неверојатна. Јас сум најзабавниот тенисер на турнирот, играм на домашниот Гранд Слем и секако атмосферата беше таква“, рече тој. Киргиос кој загуби со 6:7 (1), 4:6, 6:4, 2:6, го доведе во голема неволја првиот фаворит во Мелбурн.

"Навистина сум задоволен од начинот на кој играв. Сигурен сум дека со оваа игра би победил 95 отсто од тенисерите. Особено сум среќен со сето она низ кое поминав во последно време", изјави Киргиос, а потоа се врати на атмосферата.

„Јасно ми е дека тенисот се поистоветува со господски спорт. Но, претпоставувам дека е време да прифатиме некоја нова енергија во овој спорт кој ни изумира “, додаде Киргиос, гледајќи накратко во својот противник.

„Данил е неверојатен. Без разлика што се случува на и околу теренот, тој го одржува своето тениско ниво исклучително високо. И има огромна верба во себе. Беше премногу добар за мене“, признава Киргиос.

Градски паркинг со санкции за 122 непрописно паркирани возила на зелени јавни површини

Во текот на изминатата недела (18.05 - 25.05.2022 година) со специјалните возила пајак се отстранети вкупно 122 возила од јавните површини, информираат од ЈП Градски паркинг. 

Непрописно паркираните возила се отстранети по налог на сообраќајната полиција по основ на сторени прекршоци за паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице.

Јавното претпријатие „Градски паркинг" апелира до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. Апелираме сите корисници на услугите за паркирање, навреме да го регулираат плаќањето за паркинг-услугата. Плаќањето за паркинг услугата може да се изврши преку СМС порака или со греб картичка.

Претседателката на ЕБОР, Одил Рено-Басо во посета на Македонија

Рено-Басо ќе учествува и на Скопскиот економски и финансиски форум, каде ќе има обраќање и ќе зборува за одржливиот раст и транзицијата на ниски вредности на јаглероден диоксид.

Претседателката на Европска банка за обнова и развој (ЕБОР) Одил Рено-Басо во вторникот, 31 мај, првпат ќе престојува во посета на нашата држава, при што ќе оствари средби со премиерот, министерот за финансии, банки од приватниот сектор и инвеститори.

Рено-Басо ќе учествува и на Скопскиот економски и финансиски форум, каде ќе има обраќање и ќе зборува за одржливиот раст и транзицијата на ниски вредности на јаглероден диоксид.

Како што најавија од ЕБОР, таа ќе потпише нов кредитен договор со Стопанска банка под новата ЕБОР програма насловена „Одржливо поттикнување на МСП" во износ од ЕУР 4 милиони, кредитна линија која ќе ги поддржува малите и средни претпријатија (МСП).

-ЕБОР е главниот инвеститор во Македонија, која е важна дестинација за инвеститорите, за нас, но и за целиот регион на Западен Балкан, соопшти Одил Рено-Басо.

Таа додава дека со нетрпение ги очекува дискусиите за нивните следни проекти со властите, вклучувајќи го и натамошно подобрување на транспортот и развој на приватниот сектор.

-ЕБОР стои до Македонија во напорите на земјата да ја подобри енергетската безбедност и да направи декарбонизација на економијата, два предизвика кои се мошне важни во моменталниот геополитички и економски контекст, посочува Одил Рено-Басо.

Претседателката на ЕБОР доаѓа во посета на земјата еден месец после посетата на потпретседателот за политика и партнерство на ЕБОР Марк Боуман, кој исто така беше во Скопје.

Дел од инвестициските проекти во земјата, кои се разгледуваат за поддршка, се изградбата на делот на интерконекцијата на гас меѓу Македонија и Грција, делот од автопатот меѓу Скопје и косовската граница, подобрување на менаџментот со цврст отпад во земјата, како и поголем број на кредитни линии за локалните банки за подобрување на енергетската ефикасност, кои ќе бидат понатаму пласирани на МСП. Кредитите на ЕБОР ќе имаат и грант компонента обезбедена од донаторите од ЕУ, Обединетите Нации, Швајцарија, Шведска, САД, Норвешка, Луксембург и други донатори.

-Енергетската ефикасност е област каде ЕБОР и донаторите работат да и помогнат на Македонија во транзицијата на земјата кон ниски вредности на јаглероден диоксид. Банката веќе има направено поголем број инвестиции во електричната мрежа и новите енергетски извори, правејќи ја земјата енергетски побезбедна и помалку зависна од увоз на гориво, се наведува во соопштението на ЕБОР.

ЕБОР е главен институционален инвеститор во Македонија. До денес има инвестирано над ЕУР 2,2 милијарди, во 161 проект во земјата.

Реконструирана пешачката патека на улица „Љубљанска" во Карпош

Со асфалтирањето на третиот дел од пешачката патека на улица „Љубљанска", на потегот од улицата „Разловечко востание" до булевар „Илинден", целосно е реконструирана пешачката патека, на вкупна површина од 1300 квадратни метри.

Како што информираат од прес-службата на Град Скопје, на овој потег, исто така ќе бидат поставени заштитни столпчиња, со цел зголемување на безбедноста за пешаците и спречување на непрописно паркирање возила на пешачката патека.

Посочуваат дека досега се поставени 94 заштитни столпчиња на реконструираната пешачка патека на улицата Љубљанска, на потегот од од булеварот „Партизански одреди" до улицата „Разловечко востание".

– Реконструкцијата на пешачката патека продолжува од другата страна на улицата „Љубљанска", во насока од булеварот „Илинден" до „Сити Мол", на површина од 1000 квадратни метри. Со обновувањето на пешачката патека се олеснува движењето на пешаците на овој потег и се зголемува безбедноста за учесниците во сообраќајот, соопштуваат од Град Скопје.

притисни ентер