Додека онколошките пациенти стравуваат дека од први јануари ќе има недостаток на биолошка терапија, Министерот за здравство Фатмир Меџити уверува дека постојано се работи да нема таков проблем, и покрај тоа што виси опасноста од можен глобален недостиг на терапија.Меџити и овојпат изјави дека до 5ти јануари ќе се распишел тендерот за КАТО системот на онкологија, а Министерството ќе обезбеди нов едуциран кадар за работа

-На глобално ниво секогаш има дефицит на некои материи на лекови кои ни укажале дека може да се случи, но како и да е секогаш постои замена и ние сме тука будно ги следиме сите препораки на СЗО за да немаме ваков дефицит, но дали може да се случи тоа е знак прашалник, не сакам да верувам во тоа--Фатмир Меџити – министер за здравство.

Министерот и неговата заменичка ја посетија Универзитетската клиника за физикална медицина и рехабилитација во Козле, каде што за прв пат во државата со средства од министерството во вредност од над 900 илјади евра е набавен нов современ роботски апарат за пациенти со тешко до умерно оштетување на подвижноста предизвикани од невролошки заболувања, повреди на мозокот и церебрална парализа. Оваа рехабилитација ќе биде ставена на товар на здравственот фонд и според Меџити, тоа не треба да се поврзува со предизборието.

-Јас Фатмир Меџити воопшто не се гледам како политичар, јас сум здравствен работник, лекар, а тоа ќе или не се гледа со вакви конкретни работи, апаратура низ цело здравство, низ цела Македонија, навистина многу сериозно пристапивме од првиот ден,- -Фатмир Меџити – министер за здравство.

-Според стручните процени, роботската рехабилитација ќе има можност да се спроведува кај околу 30 пациенти месечно, а ќе бидат опфатени и болнички и амбулантски пациенти. За управување со новата опрема спроведена е специјална стручна обука со инструктор од Швајцарија на шест физиотерапевти,- - Маја Манолева-заменик министерка за здравство.

Во однос на здравствените работници кои бараа трајно вработување наместо работа со договор на дело, Меџити уверува дека ќе стори се да се реши овој проблем иако вели преговорите одат тешко заради финансиите..Најави состанок со министерот Бесими и ја повика Владата сериозно да го разгледа ова прашање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.