Меџити на средбата со СКСЗМ: Партнерството меѓу општините и бизнис секторот е клучот за економски развој - Канал 5

Македонија

Меџити на средбата со СКСЗМ: Партнерството меѓу општините и бизнис секторот е клучот за економски развој

 Меџити ја истакна важноста на тесната соработка меѓу општините, Владата и бизнис-секторот.

Меџити на средбата со СКСЗМ: Партнерството меѓу општините и бизнис секторот е клучот за економски развој

Кандидатот на коалицијата ВЛЕН за градоначалник на Општина Чаир и еден од лидерите на коалицијата, Изет Меџити, учествуваше на состанокот организиран од Стопанската комора на Северозападна Македонија (СКСЗМ) со лидерите на коалицијата ВЛЕН и кандидатите на оваа коалиција за градоначалници.

Во своето обраќање, Меџити ја истакна важноста на тесната соработка меѓу општините, Владата и бизнис-секторот, како предуслов за одржлив економски развој во општините со мнозинско албанско население. Тој потсети дека изминатите денови се одржа и посебна средба за зоната

Визбегово, која според него заслужува поголемо институционално внимание поради нејзиниот голем економски придонес.

“Визбегово е зона која дава најмногу и ја полни државната каса преку даноците што ги плаќаат компаниите и илјадниците работници кои работат таму. Оваа зона има потреба од соодветна инфраструктура, реконструкција на улиците “Хасан Приштина“ и “Качанички пат“, кои треба да бидат во функција на економските претпријатија. Потребна е соработка меѓу околните општини, Владата и нов градоначалник на Град Скопје кој ќе ја разбере важноста на локалниот економски развој“, нагласи Меџити.

Тој додаде дека средбата со Стопанската комора на Северозападна Македонија служи за усогласување на ставовите и создавање долгорочно партнерство меѓу локалните институции и бизнис заедницата.

“Како коалиција ВЛЕН дојдовме со почит, сите лидери и кандидати со свои идеи и програми. Се договоривме по изборите да се одржи уште една средба со избраните кандидати за дополнително усогласување на ставовите, иако, всушност, немаме многу што да усогласуваме, бидејќи Комората го поддржува процесот на децентрализација и идејата буџетските средства да се користат за економски, а не за неекономски проекти“, изјави Меџити.

На крајот, Меџити нагласи дека ова партнерство претставува и “инфузија“ за локалните мали и средни компании кои делуваат во своите општини, како и можност за унапредување на дигитализацијата, туризмот и развојот на економските зони во Сарај, Тетово, Струга и пошироко.

“Платформата на ВЛЕН е во иста линија со онаа на Стопанската комора на Северозападна Македонија. Идејата е и по изборите да продолжиме со продлабочување на оваа соработка, затоа што тоа е во заеднички интерес на општините и бизнис секторот“, потенцираше Меџити.

Тагови: Изет Меџити

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Словачка се одржуваат локални и регионални избори

Гласачките места во Словачка се отворија утрово во 7:00 часот за локални и регионални избори, а граѓаните ќе можат да гласаат до 20:00 часот.

Во Словачка се одржуваат локални и регионални избори

Речиси 4,41 милиони луѓе имаат право на глас, а гласањето се одвива на 6.029 избирачки места во 2.926 општини, градови и градски окрузи, објави TASR.

Гласачите избираат градоначалници, членови на општински и градски совети, претседатели на самоуправни региони и членови на регионални собранија.

Во Братислава и Кошице се избираат и претседатели на градски окрузи и членови на нивните совети.

Мандатот на избраните претставници трае четири години, а граѓаните можат да гласаат само во местото на нивното постојано живеалиште.

Покрај возрасните граѓани на Словачка, право на глас имаат и странски државјани со постојано живеалиште во таа земја.

Тагови: Словачка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛИДЕМ: Свиревме против булингот, но институциите останаа глуви! Уште колку деца треба да страдаат за некој да реагира?!

Потресното сведоштво на мајка за насилството што го преживеало нејзиното дете во училиште повторно го отвора прашањето: Кој ги штити децата додека насилството станува нивно секојдневие?

ЛИДЕМ: Свиревме против булингот, но институциите останаа глуви! Уште колку деца треба да страдаат за некој да реагира?!

Пред години, Либерално-демократската младина ја започна кампањата „Свирни против булинг“, предупредувајќи дека врсничкото насилство не е детска игра, не е фаза на растење и не смее да се премолчува!

Предупредувавме, баравме превенција, едукација и институционална реакција. Но нашите апели не добија соодветен одговор.

Денес повторно слушаме сведоштва за деца што трпат понижување, физичко и психичко насилство. А каде се институциите? Каде се механизмите за заштита? Кој презема одговорност?

Нема оправдување за насилството! Нема оправдување за премолчувањето! И нема простор за уште една празна институционална изјава дека „се работи на случајот“!

ЛИДЕМ бара итно:

* Надлежните институции да го испитаат пријавениот случај и да обезбедат заштита на детето.

* Министерството за образование и Државниот просветен инспекторат да спроведат контрола на постапувањето по пријавите за врсничко насилство.

* Во секое училиште да функционира јасен, достапен и доверлив механизам за пријавување и заштита.

* Да се обезбеди психолошка поддршка за жртвите и системска превенција, со вклучување на родителите, наставниците и учениците.

* Јавно да се соопштат преземените системски мерки и роковите за нивно спроведување, со целосна заштита на приватноста на децата.

Не бараме одмазда меѓу деца. Бараме одговорност од возрасните и институциите што се должни да ги заштитат!

Доста е со кампањи само на хартија, протоколи во фиоки и реакции дури откако нечие дете ќе преживее траума!

ЛИДЕМ повторно го крева гласот и повикува на конкретна институционална акција. Ниту едно дете не смее да се плаши да оди на училиште!

Пред години свиревме за да го спречиме насилството. Денес прашуваме: ДАЛИ НЕКОЈ ВООПШТО НЀ СЛУШАШЕ?

СВИРНИ ПРОТИВ БУЛИНГ! НЕ МОЛЧИ ПРЕД НАСИЛСТВОТО!

Либерално-демократска младина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче бара утеха во пласманот од четврто место во Брвеница додека СДС ја направи партија која слави порази

Филипче и СДС се обидуваат да најдат утеха во пласманот на четвртото место. СДС со Филипче се сведе на рејтинг од 5% и се радува на поразот од 4 спрема 1 од ВМРО-ДПМНЕ на локалните избори во Брвеница.

ВМРО-ДПМНЕ: Филипче бара утеха во пласманот од четврто место во Брвеница додека СДС ја направи партија која слави порази

СДС под водство на Филипче доживеа политички дебакл. СДС со Филипче се четврта партија во Куманово и Брвеница, а петта во Скопје.

Бројките и фактите се најдобриот показател за состојбата во која се наоѓа СДС која на чело со Филипче се претвори во партија без политичка визија, без убедлива понуда и без капацитет да се наметне како сериозна алтернатива помеѓу граѓаните.

Филипче под менторство на Заев ја претвори СДС во партија која се радува на порази.

На Филипче и СДС им посакуваме уште многу вакви „успеси“ четврти и петти места, славење на поразите и се помала поддршка од граѓаните, се наведува во пшартиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер