Здравје

Медицинските сестри се три пати поизложени на зараза со коронавирусот

Болничарките и болничарите се три и пол пати повеќе изложени на ризик од развој на ковид- 19, од останатото население, според студијата објавена денеска, која исто така покажа зголемен ризик кај етничките малцинства.

Студијата, објавена од стручното списание Лансет, ги анализира податоците внесени од корисниците на специјалната апликација „Ковид“ на паметните телефони во Велика Британија и САД од 24 март до 23 април, а потоа се споредува ризикот од заболување кај медицинскиот персонал и другите корисници на апликацијата.

Меѓу 100.000 медицински персонал во болниците што ја користеле апликацијата, 2.747 биле заразени со ковид- 19, додека меѓу 100.000 други корисници, имало 242.

Имајќи ја предвид разликата во достапноста на тестирање на коронавирус кај медицинските сестри и остатокот од населението, авторите проценуваат дека постои 3,4 пати поголема веројатност за заболување од коронавирус кај медицинските сестри.

Ризикот е дури пет пати поголем кај оние кои изјавиле дека се припадници на етничките малцинства, црнците или Азијците, дури и кога ќе се земе предвид нивната претходна медицинска состојба, додаваат авторите.

"Нашите резултати ја потврдуваат структурната нееднаквост. Медицинските сестри кои припаѓаат на малцинствата почесто работеле во поризично клиничко опкружување, со пациенти за кои се сомневаше или е потврден коронавирусот, а заштитната опрема им беше подостапна", изјави д-р. Ерика Ворнер од Медицинскиот факултет Харвард и општата болница на Масачусетс.

Нееднаквоста во достапноста на заштитни маски, нараквици, облека и друг заштитен материјал е исто така важен фактор на ризик.

Меѓу медицинските сестри кои користеле несоодветен материјал, ризикот е 1,3 пати поголем отколку кај оние кои располагаат со задоволителна опрема, велат авторите, истакнувајќи дека студијата е спроведена за време на период на недостиг на заштитна опрема.

Студијата исто така покажа дека за секоја трета медицинска сестра, припадник на малцинството, соодветна заштитна опрема не и била достапна (или морало повторно да се користи), додека, меѓу другите, била достапна за секој четврти.

Студијата првично вклучува 2.6 милиони корисници на апликации во Велика Британија и 182.408 во САД. Кога луѓето кои ја користеле апликацијата помалку од 24 часа и оние кои претходно биле позитивни за коронавирус биле елиминирани, во студијата учествувале 2,1 милиони луѓе, од кои 99.995 од нив рекле дека се старатели со директен контакт со пациенти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АД ЕСМ со демант до СДСМ: Нема доцнење на платите во ЕСМ, компанијата ги осудува обидите за внесување немир кај вработените

Платата за вработените во АД ЕСМ ќе биде исплатена во законскиот рок.

Тековните административни усогласувања во компанискиот систем за исплата на личниот доход, се должат на едновремените барања од над 140 вработени за ажурирање и промена на нивните лични податоци, што наметна потреба од дополнително време за нивна техничка обработка и верификација до 06.11., со цел да се обезбеди сигурна и точна распределба на средствата.

Работењето на АД ЕСМ, кое изминатите две години минува низ интензивен процес на финансиска и техничко-технолошка консолидација, не треба во ниту еден случај да се поврзува со државниот Буџет, затоа што средствата за плати компанијата самостојно ги обезбедува без субвенции, за разлика од периодот 2021-2024 година.

Компанијата најостро ги осудува обидите на одредени политички партии за саботажа на енергетскиот сектор односно преку тенденциозно и лицемерно користење на вонредните административни прилагодувања - да создаваат лажен наратив и да внесуваат немир помеѓу вработените.

Во контекст на платите и надоместоците за вработените, би сакале да потсетиме дека е почнат процесот за зголемување на платите во АД ЕСМ согласно неодамна потпишаниот Колективен договор со репрезентативните синдикати. Исто така, на почетокот на јули е исплатен регресот за годишен одмор за 2026 година во 100% вредност, а последните две години вработените ја добиваат декемвриската плата пред почетокот на Новогодишните празници.

АД ЕСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Прогласена е вонредна состојба: Над 8.000 мигранти пристигнаа на шпански остров

Советот на шпанскиот остров Ел Иеро соопшти дека прогласил вонредна состојба за справување со миграциската криза, откако повеќе од 8.000 мигранти пристигнале на островот во Канарскиот архипелаг во последните пет недели.

Со декретот се бара и од владата на Канарските Острови и од шпанската држава да обезбедат дополнителен персонал и да спроведат систем на ротација за да им овозможат на членовите на Поморската служба за спасување, Здравствената служба на Канарските Острови, Државните безбедносни сили и Црвениот крст да бидат соодветно одморени, објави RTVE.

Претседателот на островскиот совет, Кабилдо, Алпидио Армас, рече дека вонредната состојба е прогласена за да „гарантира рамка за соработка со институциите за обезбедување на основните права“ и за пристап до буџетските ресурси потребни „за справување со овие непредвидени ситуации“.

Армас рече дека практично сите мигранти на островот доаѓаат од Сенегал.

Претседателот на Канарските Острови, Фернандо Клавихо, рече дека шпанскиот премиер Педро Санчез се обврзал итно да свика Комисија за имиграција и да ги зајакне ресурсите за здравствена заштита преку Државниот секретаријат за миграција. Декларацијата, исто така, предвидува воспоставување протоколи за координиран трансфер на мигранти на други острови со поголем капацитет и зајакнување на објектите за првичен прием на мигранти на островот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: 130 години постоење на храмот ,,Свети Великомаченик Димитриј”, благодарам на честа!

Вчеравечер беше одбележана 130 годишнината од постоењето на црквата Свети Великомаченик Димитриј во Скопје.

„Вечерва одбележуваме 130 години од изградбата на некогашниот Соборен храм.

Дом на верата во кој скопјани наоѓале утеха во тешките мигови, благодареле за радоста и се молеле за здравјето и мирот на своите најблиски.

Свето место што ја чува православната традиција и сведочи за духовната истрајност на нашиот народ.

Признанието кое вечерва го примив, како благодарност за помошта во реконструкцијата на придружните објекти на храмот, има посебно место во моето срце.

Ќе стои на почесно место на мојата полица, како едно од најдрагите признанија и како потсетник на обврската да го чуваме она што ни го оставиле нашите предци.

За мене, да се помогне е чест, но и одговорност пред генерациите што допрва ќе го пречекорат прагот на овој храм.

Им благодарам од срце на Архиепископот Охридски и Македонски г.г. Стефан, на отец Жарко и на свештенството на Македонската православна црква, за укажаната чест и за нивната посветеност во зачувувањето на верата, духовноста и заедништвото меѓу нашиот народ.

Нека уште многу векови овој храм биде полн со верници, со детски гласови и со искрени молитви.

Нека неговите камбани повикуваат на мир, љубов и добрина, а секој што ќе влезе во него нека пронајде утеха, надеж и сила.

Нека ни е вековит храмот „Свети великомаченик Димитриј“!

За многу години!“, објави на ФБ градоначалникот Орце Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.