Здравје

Медицинскиот персонал во Прилепската болница со договор на дело бара решавање на статусот

Медицинскиот персонал во Прилепската градска болница ангажиран со договор на дело на денешната прес-конференција упати барање и апел до Министерството за здравство да го реши нивниот статус.

Велат дека со години работат, и тоа во здравствена установа, а немаат здравствено осигурување.

-Работиме во здравствена институција, а немаме здравствено осигурување. Некој е една, а има кои работат со договор на дело и до седум години. Никако да се реши нашиот статус, иако во почетокот на годината имаше најави. Упатуваме апел до министерот и Министерството за здравство да се реши нашиот статус, да добиеме решенија на неопределено време. Ситуацијата е неизвесна. Ние секогаш сме подготвени и продолжуваме да ги вршиме нашите обврски, да помагаме во секој момент, но бараме и нам да ни се помогне. Се надеваме дека ќе најдат слух, и Владата и пратениците, малку да се замислат и да го решат нашиот статус, рече Благоја Јагуриноски, ангажиран со договор на дело во Прилепската градска болница.

-Во болницата како болничар сум ангажиран шест години, ја почнувам седмата година. Немаме никакви бенефиции. Тука, околу мене се колегите со 5 или 6 години ангажирани, но ништо не ни е решено. Оти, овие луѓе ако застанат, мислам дека ништо нема да функционира, рече болничарот Томе Бошкоски.

Мита Стојкоска е медицинска сестра во ортопедското одделение, но и таа чека решавање на статусот и вработување.

-Работам шест години, ги имам сите обврски со пациентите и јас апелирам и барам Министерството за здравство да го реши нашиот статус, рече Стојкоска на денешната прес-конференција пред Прилепската болница.

Во болницата се 100-тина членови од медицинскиот персонал ангажирани со договор на дело, од кои 12 лекари.

Од Болницата се огласија со соопштение во кое велат дека ги презеле сите акти и со време побарале согласности, упатувајќи апел да се реши статусот на ангажираните со договор на дело.

- Побарана е согласност од Министерството за здравство и за вработување на неопределено работно време и продолжување на согласностите за договор на дело. Станува збор за лица кои се пред се наши колеги, кои максимално професионално секојдневно си ги извршуваат своите работни обврски и задачи. ЈЗУ Општа болница со проширена дејност има реална потреба од овој кадар: лекари, медицински сестри, лаборанти, болничари и возачи во Итна помош. Апелираме до Министерството за здравство за што побрзо решавање на статусот на овие лица, се вели во соопштението упатено до медиумите од Прилепската градска болница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Војна на пешкири“ во Шпанија- снимката предизвика згрозеност (ВИДЕО)

Видео од хотел во Шпанија стана хит на социјалните мрежи откако покажа сцена што може да се види на многу туристички дестинации во текот на летните месеци.

Станува збор за утринската трка на гостите до базенот за да ги земат најдобрите лежалки, а овој „ритуал“ е наречен „војна на пешкири“.

Видеото прикажува група туристи собрани пред затворениот влез во базенскиот комплекс. Штом персоналот ја отвори вратата, започнува вистинска лудост - гостите брзаат кон лежалките, ги оставаат своите крпи на нив и се обидуваат да обезбедат место за остатокот од денот, пишува порталот „Слободна Далмација“.

Видеото предизвика бројни реакции на интернет. Додека некои корисници го нарекоа ова однесување апсурдно, други веруваат дека проблемот е во организацијата на хотелот.

„Секој хотел треба да ги распредели лежалките по број на соба“, пишуваат некои. „Плаќате 2.000 евра, а потоа трчате како луди до базенот, ова е кошмар“, додаваат други. Други велат: „Треба да има доволно лежалки за сите. Не треба да има борба за место на одмор“.

Од друга страна, некои корисници истакнуваат дека решението би било поедноставно - да се обезбеди доволен број лежалки за сите гости, за да нема потреба од секојдневно натпреварување.

@sheraleeg1 Will it be as bad this year🤷🏻‍♀️ #spain #holidays #sunbed #fyp #foruyou ♬ original sound - Sheralee

Ваквите сцени ја придружуваат летната туристичка сезона со години и станаа познати како „војна на пешкири“. Секое лето, прашањето за хотелските правила, капацитетот на базените и однесувањето на туристите се отвора повторно, а видеа како ова редовно предизвикуваат жестоки дискусии низ социјалните мрежи.

Тагови: пешкири Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Расте бројот на жртвите од ебола во ДР Конго- епидемијата е вон контрола

Бројот на смртни случаи од тековната епидемија на ебола во Демократска Република Конго достигна 600, а сомнителни случаи се пријавени во друга провинција, соопштија здравствените власти.

Според најновиот извештај од конгоанската влада, епидемијата, која беше прогласена на 15 мај, досега регистрирала 1.759 заразени лица во источните провинции Итури, Северен Киву и Јужен Киву, објави Ројтерс.

Сепак, вкупниот број на случаи во моментов не ги вклучува двата нови случаи од Кисангани, главниот град на провинцијата Тшопо и еден од најголемите градови во земјата.

Еден од случаите е поврзан со здравствената зона Њани во провинцијата Итури, каде што се регистрирани првите случаи на епидемијата. Според властите, вториот случај нема јасна географска врска со претходно погодените области.

Позитивните резултати од тестовите од Кисангани сè уште се во фаза на потврдни анализи, по што треба да бидат вклучени во официјалниот број на случаи.

Здравствените тимови го засилија надзорот, следењето на контактите и другите мерки за контрола на ширењето на болеста во Кисангани. Според најновиот извештај, во последните 24 часа се регистрирани 51 нов случај на ебола и 20 нови смртни случаи. Светската здравствена организација оваа недела предупреди дека епидемијата сè уште не е под контрола и дека вирусот сè уште се шири, делумно поради движењата на населението што го зголемуваат ризикот од пренесување.

Тагови: ДР Конго ебола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џорџ Клуни се најде на престижната листа на избрани Французи- причината е неговата нова лична карта

Актерот Џорџ Клуни, кој заедно со сопругата и децата доби француско државјанство на крајот од 2025 година, е вклучен на листата на 500 најбогати луѓе во Франција оваа година.

Актерот Џорџ Клуни, кој заедно со сопругата и децата доби француско државјанство на крајот од 2025 година, е вклучен на листата на 500 најбогати луѓе во Франција оваа година, благодарение на неговата актерска кариера, но пред сè на неговите деловни потфати, пишува денеска „Ле Фигаро“.

Холивудската ѕвезда е вклучена во познатата годишна ранг-листа објавена од списанието „Предизвици“ и со тоа се приклучи на оваа престижна група богати луѓе со деловно богатство проценето на околу 250 милиони евра, што го става на 500-та позиција, според парискиот весник.

Неговиот статус на листата е помалку резултат на неодамнешното зголемување на богатството на актерот, а повеќе на стекнувањето нова лична карта.

На крајот на декември 2025 година, јавноста беше изненадена кога дозна дека Џорџ Клуни, отворен противник на американскиот претседател Доналд Трамп, аплицирал за француско државјанство и го добил за себе и за своето семејство.

Клуни глумел во околу педесет филмови како актер, режисер или продуцент, како и во бројни престижни награди, вклучувајќи два Оскари и пет Златни глобуси.

Сепак, токму неговиот премин во деловниот свет му обезбеди место на листата на 500 најбогати луѓе во Франција.

Во 2013 година, актерот го основа брендот на текила „Casamigos“ со двајца пријатели.

Користејќи ја својата популарност, Клуни значително ја зголеми продажбата на компанијата, што ја поттикна британската група „Diageo“ да го преземе бизнисот во 2017 година за 700 милиони долари, со дополнителни бонуси, според неделникот „Challenges“.

Охрабрени од овој успех, триото сега се обиде со нов потфат, овој пат на пазарот на безалкохолно пиво со нивниот бренд „Crazy Mountain“, објави весникот.

Тагови: Џорџ Клуни

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.