Медицинска сестра тврди дека откако се вакцинирала, станала магнет- цел свет се подбива (ВИДЕО) - Канал 5

Забава

Медицинска сестра тврди дека откако се вакцинирала, станала магнет- цел свет се подбива (ВИДЕО)

Многу тиктокери во последниве денови објавија видеа во кои се тврди дека вакцината против ковид ги „магнетизирала“.

Медицинска сестра тврди дека откако се вакцинирала, станала магнет- цел свет се подбива (ВИДЕО)

Медицинската сестра Џоана Оверхолт од Охајо е една од нив. Таа дури го изнесе своето тврдење и пред Министерството за здравство, и се обиде да го докаже тоа со потпирање клуч и шнола на вратот. „Можете ли да го објасните ова? ги праша присутните на очигледно неуспешната демонстрација.

Ниту еден од овие предмети не се задржал на неа и веднаш паднале, но кога првпат го залепила клучот за градите, застанал кратко. Ова, пишува BuzzFeed, се случило затоа што човечкото тело лачи себум и пот, така што кожата е леплива и предметите можат на кратко да се задржат за неа.

Важно е да се нагласи дека огромното мнозинство копчиња денес не може да ги привлече магнет, бидејќи се претежно направени од алуминиум.

Оверхолт веднаш ја одбрани добро познатата анти-ваксерка Шери Тенпени, која тврди дека „долго време се сомневала дека постои досега неопределена врска помеѓу вакцините и мрежните 5G предаватели“.

Сепак, екипата на Твитер не дозволи нивните тврдења да остабнат незабележани и им се потсмеваат со денови.

"Дами и господа, овој молив е наводно направен од дрво, но ако го држам опуштен меѓу прстите и го поместувам нагоре и надолу, се чини дека е направен од гума. Можете ли да го објасните тоа?" напиша еден твитерџија.

„Сето ова е само забавно додека не сфатите дека вакцината може да го магнетизира алуминиумот“, додаде друг.

„Неверојатно е како во еден момент од нејзиниот живот, оваа жена била доволно паметна за да го заврши напорното школување за медицинска сестра“, напишал еден.

„Докторке, можете ли да објасните зошто имам магнетни својства по вакцинирањето? напиша твитерџијата со залепени клучеви на лицето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Морничави сцени: Вака изгледа „руско сафари“ ВИДЕО

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер